Vama ndum mbeina 2:13 - Bible azumeina

¹³ An we yi mang ma kaka, ni yima zlamba hi Seitan-nid’a ti nga tinda kuana. An we ang nga ve tang ad’enga kanu, ang tin nga vunang yam he gagazi d’a ang hat kan kur bur ma a tchi Antipas man ma glangâs ma d’engzengâ adigagi ata yima Seitan mi nga kaka kuana d’i.

Vama ndum mbeina 2:13 ပူးပေါင်းရင်းမြစ်များ

Matiye 10:23

Ata yima azi nga lagi ndaka kur azì ma dingîna, agi ringîgi kur ma dingâ. Gagazi, an nga ni dagiya, agi mba dabagi azì ma nglona hi Israel-lîna nguid’a pet ti, an Gor Sana mba ni mba.

Matiye 24:9

Kayam ndata, azi mba hagi abo suma a mba djobogi vunagiya, a mba tchagi mi. Andjaf suma pet a mba noyôgi woi yam simiyên mi.

Matiye 4:10

Jesus mi hulong dum ala: Seitan, ang huttcha woi dei, kayam a b’ir kur mbaktumba hAlonid’a ala: Ang kud’orî Ma didina Alo mangâ, ni mam tu go ba, ang lum sunda.

Wana ni Zla d’a Djivi d’a Luc mi b’irita 21:17

Suma pet a mba noyôgi woi yam simiyênu.

Sunda hi suma a sunuzinid’a 22:20

Ata yima suma tchi Etienne mang ma glangâsîna, an nga tchola geveziya, an ndjak vunan ki sed’ezi kua, an ngom baruna hi suma a tchuma mi.

Sunda hi suma a sunuzinid’a 9:14

Mi mba nga ka hî ni ki vun ma hed’a hi nglo suma ngat buzunina á djin suma pet suma a nga yang simiyêngâ.

1 Tasaloni’â 5:21

Agi kugugi ahlena pet, agi vagi ahle suma djivina.

1 Timote 5:8

Wani le sana nga mi ngom simiyêm mbuo, kal pet le nga mi he tena mi suma avo hatama d’uo mi ni, mi noî ni he gagazid’a woyo, tcho mamba kal ma bei he gagazid’ina.

2 Timote 1:13

Ar ang mbut ni vama taka yam zla d’a gagazi d’a an dangzid’a. Ar ang tchol djivid’a kur he gagazid’a ki o d’a ei nga zlapa tu ki sed’et yam Jesus Christ-sa.

2 Timote 2:12

Le ei vei tei ad’enga ni, ei mba tei leud’a zlapa ki mam mi. Le ei aram mbeyo ni, mam mba arei woi mi.

Hebre-na 10:23

Ei vei tei ad’enga bei gigeta ba yam hur mei ma tin ma ei nga dei woi kama, kayam Alo ma hle vunama ni Ma d’engzengâ.

Hebre-na 3:6

Wani Christ ni Ma d’engzengâ, ni Gor ma Alona mi tinim yam gong mambina. Le ei nga vei tei ad’enga ngingring, le ei dengeî tei yam hur mei ma tinda ni, ei ni gong ndata.

Jacques 2:7

Ni azi ba, a nga ngul simi ma djivi ma Alona mi tinigizina d’uo zu?

Vama ndum mbeina 11:3

An mba ni sun man suma glangâsâ mbà, a mba tchuk baru d’a ndjondjorod’a ataziya, a mba djok vun Alona woi burâ dubu yam kikis mbà yam dok karagaya.

Vama ndum mbeina 12:11

B’oziyoina a kal kamî kad’enga hi buzuna hi Gor timinina ki zla d’a gagazi d’a azi tchat walata, a he tazi woi gak matna mi.

Vama ndum mbeina 13:2

Ambur ma an wuma, mi hle tamî d’igi sindilâ na, asemî d’igi ursâ na, vunamî d’igi azlona na. Dragona mi hum ad’eng mamba, mi hum zla mam mba amula ki yam mam mba te d’a ngola mi.

Vama ndum mbeina 14:12

Wana ni ve tad’a hi suma hAlona suma a ge yazi kä ad’u vun ma he mama suma d’engzeng yam Jesus-na.

Vama ndum mbeina 17:14

Azi mba dur ayîna ki Gor timina, wani Gor timina mba mi kus kaziya, kayam mam mi Sala suliyod’a, nAmulâ hamuleinina mi. Mam mba kus kazi ki sum mama; azi ni suma yid’a, ni suma manda, ni mam suma d’engzengâ mi.

Vama ndum mbeina 17:6

An we atcha ndata nga d’i gurut ki buzuna hi suma hAlonina ki buzuna hi suma a tchazi yam glangâs mazi ma d’engzeng ma azi lum yam Jesus-na. Ata yima an watna, an le atchap ngola.

Vama ndum mbeina 2:2

An wahlena pet suma ang lazina, an we sun mang nga kaud’a. Ang nga ve tang ki suma tchona d’i, ang kuk wa suma a yi tazi ala azi ni suma a sunuzina na, wani azi ni suma a sunuzi d’uo na, ang vazi ad’uzi woi ala azi ni suma ka zlad’a.

Vama ndum mbeina 3:11

An nga mba atogo zak, ang ngom vama ang nga ki na, ar sa mi prut wurak manga d’i.

Vama ndum mbeina 3:3

Ar ang djib’er yam hat ta ang had’ata ki vama ang humuma. Ang ge yang kä ad’u hat ndata, ang mbut hurung yam tcho manga. Le ang kak nga ki ndjola d’uo ni, an mba ni mba kang dumzi d’igi sama kula na, ang mba we yima an mba ni mba kuana d’i.