Vama ndum mbeina 19:8 - Bible azumeina

⁸ Mi hat lovota á tchuk baru d’a hap pa luluî d’a nga d’i ngal wiwilika atat mi. Baru d’a hap pa luluî ndata ti ta’î sun nda d’ingêra hi suma hAlonid’a.

Vama ndum mbeina 19:8 ပူးပေါင်းရင်းမြစ်များ

Sawal la giled’a 132:9

Ar mang suma ngat buzuna a tchuk d’ingêra atazi d’igi suma a tchuk baruna atazi na, ar mang suma d’engzengâ a er ad’uzi akulo ki furîd’a mi.

Zla d’a d’ogolâ 31:22

Ti nga d’i tchil borogona, ti nga ki baru ma luluî ma hleu ma sisilâ atat mi.

Isai 3:23

kotroma, baru d’a irat ndjâd’a, kadamula ki baru d’a tchuk kela.

Isai 61:10

An mba ni le furîd’a ngola yam Ma didina, an mba ni le hur ma hapma ngola yam Alo mana mi, kayam mi tchugun suta atan d’igi barud’a na, mi tchugun d’ingêra atan d’igi baru d’a ngola na, d’igi gor azong ma mi tel atchad’ina mi kulup djumba kam na, d’igi gor wei d’a a telet ta ti min tat kahle suma djifîd’a na mi.

Ezekiyel 16:10

An tchuguk baru ma djifâ atagu, an tchuguk atuguru ma ba’â asegu, an djinik d’ik ma luluîna kuruk ki baru angsuwad’a atagu.

Ezekiyel 44:17

Fata azi mba kal avun agre’â hatrang nga krovod’ina, azi tchu’î baru d’a luluîd’a ataziya. Ata yima azi nga le sunda kur atrang nga krovod’a kur gong man nda kud’ora mi na, azi tchuk baru ma a tchilim ki tumus tumiyônina atazi d’i.

Matiye 17:2

Tam mbi mbut vat zenen avoroziya, iram mbi mbut ngal wiwilik d’igi afata na, baru mamba ti mbut hapa titil d’igi b’od’a na mi.

Matiye 22:12

Amulâ mi dum ala: Bäna, ni kayam me ba, ang kalî ka hî bei baru ma tela atang ge? Sa máma mi ngruf kiki.

Marik 9:3

Baru mamba ti mbut ngal wiwilik hapa titil, sama b’o barud’a hapa yam andagad’a ka hî ma mi ndak á b’ot hapa hina na nga d’i.

Wana ni Zla d’a Djivi d’a Luc mi b’irita 24:4

Ata yima azi nga djib’er yam ahle suma a lenina, suma mbà a buzuk kei irazi ki baru d’a hap pa ngal wiwilika ataziya.

Sunda hi suma a sunuzinid’a 1:10

Ata yima irazi nga sod’a gola akulo kid’a Jesus nga mi id’ina, gola, suma mbà ki baru ma hap ma titilâ a nga tchola geveziya,

Romê-na 13:14

Wani ar agi hlagi ni djib’er ra awili d’a Salad’a Jesus Christ mi hagizid’a. Ar agi djib’eregi yam ahlena hi sa magi ma adjeunina á ndak vun d’od’ok mamba d’i.

Romê-na 3:22

Alona mi mbut suma d’ingêr ni yam he gagazi mazi d’a yam Jesus Christ-sa. Alona mi le hina yam suma pet suma a he gagazid’a yam Christ-sâ, kayam sama kal ndrama nga d’i.

Vama ndum mbeina 15:4

Salamina, ni nge ba, mba mi lang mandarang nguo ge? Ni nge ba, mba mi suburung nguo ge? Kayam ang tu ni Ma bei tchod’a ba na. Andjaf suma pet a mba mba, a mba grif kä avorong á kud’urongû, kayam sun mang nga d’ingêra, ti nde wa woi abua.

Vama ndum mbeina 15:6

Malaika suma kid’iziya suma a nga ki tugud’ei d’a tcho d’a kid’iziyad’a abozina, a buzuk kei kur gong nga kud’ora hAlonid’a ki baru d’a hap pa ngal wiwilika ataziya, d’ik ma lora mi nga djinda kuruzi mi.

Vama ndum mbeina 19:14

B’rang nga akulod’a a nga tit ad’umu, a nga yam akulumei suma hobiyona. A tchuk baru ma luluî ma hap ma titilâ ataziya.

Vama ndum mbeina 3:18

Kayam ndata, an nga ni dangû, ar ang gus lor man nda a yorot kakud’id’a tala ang mbut sama ndjondjoîna d’a. Ang gus baru d’a hapa tala ang tchugut atang ang ngei zulo mang ma gandilad’a mi d’a. Ang gus kuma ma ira, ang gum irang kayam ang we woi tetet.