Vama ndum mbeina 19:17 - Bible azumeina

¹⁷ An we malaikana mi nga tchola aduk afata, mi de ki delem akulo ala: Agi aluwei suma pirigi akulo aduk simetnina pet, agi mbeyegïya, agi togogï ata te ma ngolâ hAlonina,

Vama ndum mbeina 19:17 ပူးပေါင်းရင်းမြစ်များ

Isai 29:2

Ma didina mi dala: An mba ni lang ang Ariyel ndaka. Suma a mba yor tazi kurungû, a mba zam tazi kurung mi. Ang azì ma ngol máma, ang mba mbut iran ni d’igi yima ngal ahle suma ngat buzu ma a yum ala Ariyel-lâ na.

Isai 56:9

Agi amburei suma abageina kamburei suma aduk agud’ina pet, agi mbeyegï á tagi tena.

Jeremi 12:9

Sumala ni mana na, a mbut ni d’igi alei ma te hliu ma ndala ki buzuna ma aluwei suma te hliuna a nguyuma na kan ndju? Agi i togogï amburei suma abageina pet, agi mbeyezï ata yima tena!

Ezekiyel 31:13

Aluwei suma akulona pet a mba kak ata abom ma kus kä woina, amburei suma abageina pet a ka domina kä ad’u abomu.

Vama ndum mbeina 14:6

An we malaika ma dingâ mi pirï akulo dei aduk simetna. Mi nga ki Zla d’a Djivi d’a ari d’a didinda á ded’a mi suma yam andagad’ina, mandjaf suma pet, ad’u andjafâ pet ki vun ma ded’a pet, mi suma pet mi.

Vama ndum mbeina 19:21

Suma a arâ a tchazi ki mbigeu d’a fiyak ka nde woi avun mam ma mi nga kaka yam akulumina; aluweina pet a hop ki hliwiziya.

Vama ndum mbeina 8:13

An gola, an hum dela hagigilau ma pirï akulo kur simetnina nga mi de ki delem akulo ala: Ni zla d’a hohoud’a, ni zla d’a hohoud’a, ni zla d’a hohoud’a yam suma a nga kaka yam andagad’ina, fata malaika suma hindina a bu adif mazid’id’a.

1 Samuel 17:44

mi dum kua ala: Ang mbeya! An hang ini hliwing maluweina kamburei suma abageina!