Vama ndum mbeina 19:12 - Bible azumeina

¹² Iram mba gola ni d’igi aku d’a ngala na, avaval la ablaud’a ti nga kamu. Mi nga ki simina b’ira ma sana mi ndak á wum mbuo na, ni mam hol ba, wumu.

Vama ndum mbeina 19:12 ပူးပေါင်းရင်းမြစ်များ

Ad’u Tinda 32:29

Jakob mi djobom ala: Ang tagan simiyêngû. Mam dum ala: Ni kayam me ba, ang halan simiyên nge? Ata yi máma mi b’e vunam yam Jakob.

Sawal la giled’a 8:5

an nga ni djop tan ala: Sana ni nge ba, ang djib’er kam ge? Gor sana ni nge ba, ang ngomom ge?

Buzuk ka Abud’a 23:21

Agi gologi tagi djivi avoromu, agi humum vunamu, agi som vunam mbi, kayam mam mba mi vat hurum mbei yam tcho magid’a d’i. Kayam mam le sunda ni ki simiyên anu.

Zla d’a d’ogolâ 30:4

Ni nge mi djak akulo ba, mi hulongî kä ge? Ni nge mi ve simetna hur abom ge? Ni nge mi gul mbina atam kur baruna ge? Ni nge mi tin vun dabid’a handagad’id’a ge? Simiyêm nana ge? Simiyê goroma nana ge? Le ang wumu ni, ang danu.

Sawal la kal teglesa 3:11

Agi yugunei suma Siyon-na, agi buzugugi woi abu gologi amulâ Salomon, kavaval la asum tinimzi kam kur bur mam ma telina. Ni bur ma hurum oîd’a ki furîd’ina.

Isai 62:3

Ndak mba d’i mbut ni d’igi avaval la subura na hur abo Ma didina, d’igi djum mba amula na hur abo ma biyarâ hAlo ma’îna mi.

Isai 9:6

Leu mam mba ted’a mba d’i i avogovok ki b’leng nga halas sa bei dabid’id’a. Mba mi kak yam zlam mba amula hi David-ta, mba mi te yam leu mamba, mba mi tin d’ingêra ki gagazid’a hAlonid’a ki tchetchemba gak didin. Wana ni vama Ma didin ma ad’engêm kal petna mba mi lum ki zlezleû mambina.

Daniel 10:6

Tamî d’igi ahina d’a guzut kal teglesa na, iram wile ni d’igi wiled’a halonid’a na, iram mba gola ni d’igi sin akud’a na, abom kasem a wile ni d’igi kawei ma hleu ma a hegem mbeina na. Ata yima nga mi de zlad’ina, an hum delem nga d’i siwel d’igi dela hablaud’id’a na.

Zakari 9:16

Kur bur máma Salad’a Alo mazina mba mi sud’uzi d’igi ma pola mi sut d’uwar mama na, azi mba wile yam ambas mamba d’igi ahina d’a guzut kal tegles sa ata kadamulid’a na.

Matiye 11:27

Abun mi han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

Matiye 21:5

Agi dagi mi suma kur azì ma Siyon-na ala: Gola! Amul magina nga mi djïya. Ni ma lulumana, mi nga nga yam korod’a, ki koro ma gorâ, nala, korod’a gorotna d’a.

Matiye 28:18

Jesus mi mba, mi dazi ala: Ad’eng nga akulod’a ki d’a yam andagad’id’a pet, Alona mi handjiya.

Wana ni Zla d’a Djivi d’a Luc mi b’irita 10:22

Mi de mi suma ala: Abun han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

Jean 17:11

An nga kur duniyad’a d’uo d’a, wani azi nga kur duniyad’a. An nga ni iza gevengû. Abun ma bei tchod’a, ang ngom suma ang handjina ki simiyêngû, kayam azi kak tu d’igi ei na.

Jean 17:12

Kid’a an nga ki sed’ezid’a, an ngomozi ki simiyêng ma ang handjina, an nga ni ngomozi mi. Sa adigazi tu ba nga woi d’i, ni ma a tinim á bad’a woina hol, kayam zla d’a a b’irit kur mbaktum mangid’a ti ndak memet.

Efes-sâ 1:21

Christ nga mi te yam suma te yamba pet, yam vun ma hed’a, yam suma ad’enga, yam suliyo d’a sud’a pepet ki simi ma lara ge pet ma a nga yuma, ni kur atchogoi d’a wanda hol li, wani kur ra nga d’i mbad’a mi.

Hebre-na 2:9

Wani ei wei Jesus ma Alona hulongôm kä ad’u malaikana ndjö na. Ki tchetchemba, mi kulubum avaval la subura kamu, mi hum ngola mi. Ni yam sumad’a hAlonid’a ba, mi fe ndaka, mi mit yam suma pet.

Vama ndum mbeina 1:14

Tumus sa kamba ni hapa d’igi barud’a na, d’oze d’igi gagarad’a na, iram mba gola ni d’igi sin akud’a na.

Vama ndum mbeina 12:3

Vama simat ma dingâ mi tcholï akulo. Gol wani, nambur dragon ma hleuna mi nga ki yamba kid’iziya kadifa dogo, avavala ti nga ata yam tutu pet mi.

Vama ndum mbeina 13:1

Bugola, an we ambur ma dingâ kadifa dogo ki yamba kid’iziya, mi ndeï kur alum ma ngolâ. Avavala ti nga yam adif ma lara ge pet, simi ma ngul Alona mi nga b’ira kam akulo mi.

Vama ndum mbeina 19:16

Ata baru mamba yam ab’alam simina nga b’ira kua ala: Amulâ hamuleina, Salad’a hi suliyod’a.

Vama ndum mbeina 3:12

Sama kus ayînina, an mba ni mbud’um gafa kur gonga hAbun Alonid’a, mam mba mi nde woi abu d’i. An mba ni b’ir simiyê Alo mana ki simiyê azina hAlo manina, nala, Jerusalem mba awili d’a nga d’i tcholï akulo gen Alo mana d’a nga d’i tchugï aset kä d’a. An mba ni b’ir simi ma awili ma an nga ki na atam mi.

Vama ndum mbeina 6:2

An gola, an we akulum ma hapma. Ma mi nga kama, mi nga kagu yeûd’a aboma, a hum avavala mi. Mi nde mi i á kus ayîna, á kus kua mi.

Suma ka sariyad’a 13:18

Malaikana hi Ma didinina mi hulong dum ala: Ni kayam me ba, ang djobon yam simiyên nge? Simi máma ni simi ma atchapma.