Vama ndum mbeina 18:3 - Bible azumeina

³ Kayam andjaf suma yam andagad’ina pet a tche süm mat ma tcho ma mizeuna. Amulei suma yam andagad’ina a le mizeuna ki sed’ed’u, suma mbut abozi suma yam andagad’ina a mbut suma ndjondjoîna ki djivi mata.

Vama ndum mbeina 18:3 ပူးပေါင်းရင်းမြစ်များ

Isai 47:15

Wana nahle suma a nga mba yam suma ndak kau tak ki sed’ezi suma ndak mbut abok ki sed’ezi ki gogorok deina. Nge nge pî mba mi i yi mama, sama mba mi sud’u’â nga d’i.

Jeremi 51:34

Jerusalem ti dala: Nebukanezar amul Babilon-na mi kizagan ndeyo, mi b’lagan ndei mi. Mi mbud’un ni d’igi dei ma va nga kua d’uo na na, mi ni d’igi ambur ma a yum ala dragona na, mi ligin wa, mi hop wa hayam kahle man suma djivina, mi vinin wa woyo.

Jeremi 51:7

Adjeu Babilon ni kop ma lor ma mi nga ved’a abo Ma didinina, ni ma mi gurut suma yam andaga woi petna. Andjaf suma a tche süm guguzlu mata. Ni kayam ndata ba, andjaf suma yazi d’i b’lak ki wana!

Hor ma tchina 4:5

Suma a nga te te ma djivina adjeuna, a nga bo kä ir palumba. Suma a wul kur djivid’ina, a nga bulul kä yam djimgilâ.

Nahum 3:4

Ahle ndazina a mba ni kayam gaulang ma ablau ma Ninif atcha d’a gaulang nga djif heî ndata ti luma. Ti we mboli ma led’a ki kuma matna, ti gus andjaf suma woi ki gaulang matna, ti gus andjaf suma woi ki mboli matna mi.

Wana ni Zla d’a Djivi d’a Luc mi b’irita 7:25

Wani agi i gologi ni me ge? Sama tchuk baru d’a djif fa luluîd’ina zu? Wani suma tchuk baru d’a djif fa luluîd’ina ni suma a nga kaka kä ki furîd’a ki tena avo hamuleina.

1 Timote 5:11

Wani ang b’ir arop modono suma awâna simiyêzi kur mbaktumba d’i, kayam me le d’od’oka hi hliuna lazi wa ni, a ar Christ seyo, a i ve mandjuf ma dingâ.

Vama ndum mbeina 14:8

Malaika ma mbàna mi mba blogomu, mi dala: Babilon nda ngola, ti puk wa, ti puk wa, ni d’a handjaf suma yam andagad’a pet süm mat ma tcho ma mizeunid’a.

Vama ndum mbeina 17:2

Kayam amulei suma yam andagad’ina a le mizeuna ki sed’ed’u, suma a nga kaka yam andagad’ina a gurut ki mizeu matna d’igi suma a gurut ki süma na mi.

Vama ndum mbeina 18:19

Azi nga tchuk butna kaziya, a nga tchiya, a nga yor taziya, a er ad’uzi akulo ala: Ni zla d’a hohoud’a, ni zla d’a hohoud’a kang ang azì ma ngolâ. Ni ki ndjondjoî manga ba, suma djang batod’a kur alum ma ngolîna pet a mbut suma ndjondjoîna. Ni kur ler ra tud’a go ba, a b’lagam mbei pet.

Vama ndum mbeina 18:23

Sa dok mi we b’od’a hi lalamba kurung nguo d’a, dok mi hum dela hazong ma vatcha d’a weid’a ki dela hi gor wei d’a ve mandjufîd’a d’uo mi. Mang suma mbut abozina ni suma ad’eng suma yam andagad’ina. Ni ki kuma mangâ ba, ang lop ki suma pet.

Vama ndum mbeina 18:7

Agi lat ndaka, agi kid’iyêt irad’u, kayam ndat subur tat kur djivi mata, ti dala: An kak ka hî d’igi amula na, an nga natcha d’a modonod’a d’i, an mba ni yor tan nduo mi.

Vama ndum mbeina 18:9

Amulei suma yam andagad’a suma a le mizeuna ki sed’et kur djivi matina, a mba tchiya, a mba yor tazi kad’u, ata yima azi mba we andosâ haku d’a nga d’i ngalatina.