Vama ndum mbeina 18:23 - Bible azumeina

²³ Sa dok mi we b’od’a hi lalamba kurung nguo d’a, dok mi hum dela hazong ma vatcha d’a weid’a ki dela hi gor wei d’a ve mandjufîd’a d’uo mi. Mang suma mbut abozina ni suma ad’eng suma yam andagad’ina. Ni ki kuma mangâ ba, ang lop ki suma pet.

Vama ndum mbeina 18:23 ပူးပေါင်းရင်းမြစ်များ

2 Amuleina 9:22

Kid’a Joram mi mba go avok Jehu-d’a, mi djobom ala: Jehu, ang mba ni hawa ko zi ge? Jehu mi hulong dum ala: Ni kayam me ba, ang djobon hina ge? Ang we tetet ala nasung Jezabel ba, nga d’i i avogovok á kud’or alo ma teteng ma hawa ya’â ki kuma matna mi d’uo zu?

Wana ni mbaktumba hi Job-pa 21:17

Alona mi tchi lalamba hi suma asa’atnid’a woi ni yam ga ge? Mi mba ki ndaka kazi ni yam ga ge? Mi b’rawazi hur ma wurana kur ayî mama ni yam ga ge?

Zla d’a d’ogolâ 24:20

Wuraka nga avin yam sama tchona d’i, sama asa’atna mi ni d’igi lalam mba mit teid’a na.

Isai 23:8

Ni nge ba, mi nga hurum á b’lak Tir ra ti b’rau amula mi suma, d’a suma mbut abozi suma kurutna a namuleina hi suma nglonina, d’a mat suma mbut abozina ni suma suma yam andagad’ina pet a nga hazi ngolina ge?

Isai 47:9

Atogo hina zak kur bur ma tuna, gro’â a mba dap peyo, ndak mba d’i ar modonod’a mi. Ndak ki mbut maka ki kuma mak ma zul heîna hina pet pî, ahle suma mbà ndazina a mba surop kak kä kad’engêzi pet.

Jeremi 16:9

Kayam an Ma didin ma ad’engên kal petna, Alona hi Israel-lîna, ni dala: Kur atchogoi magid’a an mba ni d’el sawal la aîd’a, sawal la furîd’a, sawala hi gor azong ma tel atchad’ina ki sawala hi gor wei d’a a telet awilid’a kur yima wana kä iragi na!

Jeremi 25:10

An mba ni tchi sawal la aîd’a, sawal la furîd’a, sawala hi gor azong ma tel atchad’a awilina, sawala hi gor wei d’a a telet awilid’a, tchina hahina d’a lutna ki b’od’a hi lalamba woi pet adigaziya.

Jeremi 7:34

An mba ni seng vun suma kur azì ma nglo ma Juda-na ki vun suma ir palum mba Jerusalem-mbina. A mba hum del sawal la furîd’a d’oze sawal la hur ma hapma d’oze sawala hi gor azong ma vatchad’a awilina d’oze sawala hi gor wei d’a teleta d’uo mi, kayam ambasa mba d’i b’lak keyo.

Nahum 3:4

Ahle ndazina a mba ni kayam gaulang ma ablau ma Ninif atcha d’a gaulang nga djif heî ndata ti luma. Ti we mboli ma led’a ki kuma matna, ti gus andjaf suma woi ki gaulang matna, ti gus andjaf suma woi ki mboli matna mi.

Sunda hi suma a sunuzinid’a 8:11

Azi humumu, kayam mi kak ngola ki sed’eziya. A nga le atchap yam sun mam mba mbuta.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.

Vama ndum mbeina 17:2

Kayam amulei suma yam andagad’ina a le mizeuna ki sed’ed’u, suma a nga kaka yam andagad’ina a gurut ki mizeu matna d’igi suma a gurut ki süma na mi.

Vama ndum mbeina 17:5

Simi ma mudurina a nga b’ira avorot ala Babilon nda ngola, arop suma gaulangâ asuziya, ahle suma ndjendje suma yam andagad’ina asuzi mi.

Vama ndum mbeina 18:22

Sa dok mi hum dela hi suma bu adingâ ki suma ge sawala ki suma bu taulâd’a ki suma bu adifa kurung nguo d’a. Sama sun ma le d’alâ a mba fum kurung nguo d’a, dok hum del ahina d’a lutna kurung nguo d’a.

Vama ndum mbeina 18:3

Kayam andjaf suma yam andagad’ina pet a tche süm mat ma tcho ma mizeuna. Amulei suma yam andagad’ina a le mizeuna ki sed’ed’u, suma mbut abozi suma yam andagad’ina a mbut suma ndjondjoîna ki djivi mata.

Vama ndum mbeina 18:9

Amulei suma yam andagad’a suma a le mizeuna ki sed’et kur djivi matina, a mba tchiya, a mba yor tazi kad’u, ata yima azi mba we andosâ haku d’a nga d’i ngalatina.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.

Vama ndum mbeina 22:15

Wani suma a le sun nda ndjendjed’a ki suma ve kumana ki suma mizeuna ki suma tchi matna ki suma tuwal fileina ki suma ka zlad’a pet, a nga tchola bugol azina woi hina dei.

Vama ndum mbeina 22:5

Andjeged’a nga kua d’i. Azi min b’od’a hi lalambid’a, d’oze hafatid’a d’i, kayam Salad’a Alona mba mi b’o kaziya, azi mba te leud’a ki sed’em gak didin.

Vama ndum mbeina 6:15

Amulei suma yam andagad’ina ki suma nglona ki nglo suma hi azigarîna ki suma ndjondjoîna ki suma ad’enga ki magumeina pet ki gro vuta a ngei tazi angra ahuniyôna, a ngei tazi akulo yam ahuniyôna mi.

Vama ndum mbeina 9:21

Sum ndazina a mbut nga huruzi yam tchi mat mazina ki kum mazi ma ved’a ki mizeu mazina d’oze kul mazid’a d’i.