Vama ndum mbeina 18:22 - Bible azumeina

²² Sa dok mi hum dela hi suma bu adingâ ki suma ge sawala ki suma bu taulâd’a ki suma bu adifa kurung nguo d’a. Sama sun ma le d’alâ a mba fum kurung nguo d’a, dok hum del ahina d’a lutna kurung nguo d’a.

Vama ndum mbeina 18:22 ပူးပေါင်းရင်းမြစ်များ

Wana ni mbaktumba hi Job-pa 3:7

Â! Ar andjege ndata sa mi vut gor kur ri! Ar sa mi le furî kurut tuo mi!

Ma tchi wala 12:4

Ata yi máma afata ki b’od’a ki tilâ ki tchitchiud’a a mbut nduvunda, d’ugula mba d’i mbeï bugol alo ma sed’a bei ara ba.

Isai 23:12

Mi dala: Ndak gor wei d’a Sidon nda a b’lagaka, ndak nga d’i i avok kur furîd’a d’uo d’a. Le ndak tchol akulo, ndak i yam ambas sa Kitim-mba pî, ndak mba d’i fe lovota á tuk tak ki.

Jeremi 16:9

Kayam an Ma didin ma ad’engên kal petna, Alona hi Israel-lîna, ni dala: Kur atchogoi magid’a an mba ni d’el sawal la aîd’a, sawal la furîd’a, sawala hi gor azong ma tel atchad’ina ki sawala hi gor wei d’a a telet awilid’a kur yima wana kä iragi na!

Jeremi 25:10

An mba ni tchi sawal la aîd’a, sawal la furîd’a, sawala hi gor azong ma tel atchad’a awilina, sawala hi gor wei d’a a telet awilid’a, tchina hahina d’a lutna ki b’od’a hi lalamba woi pet adigaziya.

Jeremi 33:11

sawal la hur ma hapma ki sawal la furîd’a. A mba hum sawala hi ma tel atchad’a awilina ki sawala hi d’a a telet awilid’a kur ambas sa wanda. A mba hum dela hi suma a hle sawal la wandina ala: Agi gilegi Ma didin ma ad’engêm kal petna, kayam Ma didina ni ma djivina, kayam o mamba nga d’i dap pi. A mba hum dela hi suma a nga hahle suma ngat buzu suma le mersid’ina kur gong man nda kud’ora. Kayam an mba hulongî ki suma a yozi magomba kur ambas sa wandina, an mba ni kagazi blangâzi d’igi adjeu deid’a na. An Ma didina ni de na.

Jeremi 7:34

An mba ni seng vun suma kur azì ma nglo ma Juda-na ki vun suma ir palum mba Jerusalem-mbina. A mba hum del sawal la furîd’a d’oze sawal la hur ma hapma d’oze sawala hi gor azong ma vatchad’a awilina d’oze sawala hi gor wei d’a teleta d’uo mi, kayam ambasa mba d’i b’lak keyo.

Ezekiyel 26:13

An mba ni d’el sawal la ablau d’a a hlat kur aziyagid’a, a mba hum del ading magina tchina avo hatagi d’uo d’a.

Matiye 9:23

Kid’a Jesus mbaza avo hi ma ngolâ hi gong nga toka hi Juif-fîd’a, mi we suma a nga siwel kaduveina ki wulula ngola gandjau.