Vama ndum mbeina 18:16 - Bible azumeina

¹⁶ Azi mba dala: Ni zla d’a hohoud’a, ni zlad’a hohoud’a kang ang azì ma ngol ma mi tchuk baru d’a hap pa luluîd’a ki baru d’a hleud’a ki d’a hleu d’a kekenga ki hed’eu ma lora kahina d’a guzut kal teglesa ki hed’eu ma ngal wiwili’â atama.

Vama ndum mbeina 18:16 ပူးပေါင်းရင်းမြစ်များ

Ezekiyel 28:14

Adjeu angî tcherebê ma ngom yina ma gigingâm nga b’era woina. An tiningî anu. Ang nga akulo yam ahina man nda an tinit irat vata, ang ngui tita aduk ahina d’a akud’a.

Nahum 2:9

Ninif adjeu ni d’igi apo d’a ve mbina heî d’a nga d’i wet teid’a na, a nga dala: Agi tchologiya! Agi tchologiya! Wani sama mi mbut iram blogoma nga d’i.

Vama ndum mbeina 17:3

Muzu’â hAlonina mi vanu, malaikana mi i ki sed’en abagei hur fulâ. An we atchad’a ti nga kaka yam ambur ma hleu ma simi ma ngul Alona mi nga atama. Ambur máma nga ki yamba kid’iziya kadifa dogo mi.

Vama ndum mbeina 17:4

Atcha ndata ti tchuk baru d’a hleu d’a kekenga atad’u, hed’eu ma lora mi nga tchuka kelet kahina d’a guzut kal teglesa ki hed’eu ma ngal wiwili’â mi. Angal la lora ti nga abod’u, ti nga oîd’a kahle suma tcho suma ndjendjed’a hi mizeu matnina.

Vama ndum mbeina 18:18

ata yima azi we andosâ kaku d’a nga d’i ngalambina, a er tchina ki delezi akulo ala: Azì ma ngol ma d’igi azì máma na na, mi nga ni lara ge?

Vama ndum mbeina 18:19

Azi nga tchuk butna kaziya, a nga tchiya, a nga yor taziya, a er ad’uzi akulo ala: Ni zla d’a hohoud’a, ni zla d’a hohoud’a kang ang azì ma ngolâ. Ni ki ndjondjoî manga ba, suma djang batod’a kur alum ma ngolîna pet a mbut suma ndjondjoîna. Ni kur ler ra tud’a go ba, a b’lagam mbei pet.