Vama ndum mbeina 18:11 - Bible azumeina

¹¹ Suma mbut abozi suma yam andagad’ina a nde tchina, a nga yor tazi kam mi, kayam sama guzuzi ahle mazina mi nga d’i.

Vama ndum mbeina 18:11 ပူးပေါင်းရင်းမြစ်များ

Zla d’a d’ogolâ 3:14

Kayam mbiyo ma ang fum kur ned’ina, mi kal ma ang fum kur beged’ina, fe mat ta peta kal lora mi.

Isai 13:19

Babilon nda djif kal leu d’a dinga pet tala ni hed’eu ma djif ma sum matna, a nga subur ki taziya d’a. Ti mba d’i mbut ni d’igi Sodom ki Gomor suma Alona mi b’lagazi woi adjeuna na.

Isai 47:15

Wana nahle suma a nga mba yam suma ndak kau tak ki sed’ezi suma ndak mbut abok ki sed’ezi ki gogorok deina. Nge nge pî mba mi i yi mama, sama mba mi sud’u’â nga d’i.

Ezekiyel 27:9

Suma nglo suma Gebal-lâ ki mazi suma ned’a a nga kurung ná dup ir bato mang nga waka. Bato d’a kur alum ma ngolîd’a ki suma a djangâtna pet a nga kurung ná mbut abozi kahle mang suma gusa.

Sofoni 1:11

Agi suma Maktes-sâ, agi tchagi wulula, kayam suma mbut abozina a dap wa woyo, suma beged’a pet, a tchazi wa woi mi.

Sofoni 1:18

Bege mazi d’a hap poze lor mazid’a mba d’i prud’uzi woi kur bur ma ayî ma bibiliuna hi Ma didinina d’i. Mba mi ngal andagad’a woi ki zla tat pet kayî mam ma aku ma bibiliuna. Ma didina mba mi b’lak suma yam andagad’a woi kur bur máma. Ni vama mandarâ!

Matiye 22:5

Wani azi golom ta, a tchuk tazi, a iya. Ma dingâ mi i kur asinemu, ma hina mi i mbut abomu.

Jean 2:16

Mi de mi suma gus gugud’a woina ala: Agi yogi ahle ndazina sä woyo. Ar agi mbud’ugi gonga hAbunda ni gong nga mbut abona d’i.

2 Pierre 2:3

Yam d’od’ok mazi d’a fe beged’a, a mba mbut abozi ki sed’egi ki zla d’a lop ir mazid’a. Wani Ma kazi sariyad’a kazina mi min tam avok dei kaziya, Ma b’lagazina nga mi bur sen nduo mi.

Vama ndum mbeina 18:15

Suma mbut abozi suma a mbut suma ndjondjoîna kuruma a mba tchol sä woi hina dei abo mandarâ hi ndak ka mba kamba. A mba tchiya, a mba yor tazi kam mi.

Vama ndum mbeina 18:20

Ndak akulod’a, agi suma a tinigi iragi vagi mAlonina ki suma a sunuzina ki suma djok vun Alona, agi lagi furîd’a yam b’lak mamba, kayam Alona mi kam wa sariyad’a kam kayam sun nda tcho d’a mam lagizid’a.

Vama ndum mbeina 18:23

Sa dok mi we b’od’a hi lalamba kurung nguo d’a, dok mi hum dela hazong ma vatcha d’a weid’a ki dela hi gor wei d’a ve mandjufîd’a d’uo mi. Mang suma mbut abozina ni suma ad’eng suma yam andagad’ina. Ni ki kuma mangâ ba, ang lop ki suma pet.

Vama ndum mbeina 18:3

Kayam andjaf suma yam andagad’ina pet a tche süm mat ma tcho ma mizeuna. Amulei suma yam andagad’ina a le mizeuna ki sed’ed’u, suma mbut abozi suma yam andagad’ina a mbut suma ndjondjoîna ki djivi mata.

Vama ndum mbeina 18:9

Amulei suma yam andagad’a suma a le mizeuna ki sed’et kur djivi matina, a mba tchiya, a mba yor tazi kad’u, ata yima azi mba we andosâ haku d’a nga d’i ngalatina.