Vama ndum mbeina 17:3 - Bible azumeina

³ Muzu’â hAlonina mi vanu, malaikana mi i ki sed’en abagei hur fulâ. An we atchad’a ti nga kaka yam ambur ma hleu ma simi ma ngul Alona mi nga atama. Ambur máma nga ki yamba kid’iziya kadifa dogo mi.

Vama ndum mbeina 17:3 ပူးပေါင်းရင်းမြစ်များ

1 Amuleina 18:12

Wani ata yima an wal ki sed’engâ, Muzu’â hi Ma didinina mba mi hlang ing ata yima an wum mbuo na. An mba ni de mi Ahap, mam mba mi fang nguo, mam mba mi tchanu. Wani an azong mangâ ni sama kud’or Ma didina kazongôn deina.

2 Amuleina 2:16

a dum ala: Ang gola! Ami azungeî mangâ nga ki suma ad’engâ dok vahl. Ami min sunuzi á hal salangâ. Dam ata yima Muzu’â hi Ma didinina mi hluma, mi gumza ni yam ahinad’a akulo, d’oze kä kur hora kla! Wani Elise mi dazi ala: Agi sunuzi d’i!

Sawal la kal teglesa 8:5

Ni nge ndata ba, ti djï hur fulâ, ti deng tat ata mat ma ndat le kam heîna na ge? Ti dala: An zlid’ing akulo ad’u agu poma ata yima asung ngi vang wiring kuana, ata yima ti vud’ung kuana mi.

Ezekiyel 11:24

Muzu’â mi hlan mi i ki sed’en Babilon gen suma a yozi magombina kur vama Muzu’â hAlonina mi ndandji woi irana. Ata yi máma vama nde tam mbei iran máma mi vit iranu.

Ezekiyel 3:12

Ata yi máma Muzu’â hAlonina mi hlan akulo. An hum siwel la ngola ei blogon ala: Ar ei gilei Salad’a Ma didina ata yam ma kak ma nga mi tak subur mamba woi kuana.

Ezekiyel 8:3

Mi mad’ï vana mi hle tam d’igi abona na, mi van tumus sa kanda. Kur vama ndum mbei ma mi tcholï ata Alonina, Muzu’â mi hlan ndei akulo aduk andaga kakulod’a, mi i tinin avo Jerusalem avun agrek ma krovona abo ma norâ, ni yima a tin nga filei ma Alona hurum nga mi zal kama kuana.

Daniel 11:36

Amulâ mba mi le vama hurum minima, mba mi hle yam akulo, mba mi djib’er ala mam kal alo ma dingâ pet. Mba mi de zla d’a ndak á ded’a d’uo d’a yam Alo ma yam alona petna, mba mi i avogovok kur sun mamba, gak Alona mba mi tak ayî mama woyo. Ata yi máma Alona mba mi ndak vun vama mam nga hurum kama.

Daniel 7:20

An hal wad’ud’a yam aduvei suma dogo suma a nga kama, yam adif ma gor ma deî adigazi ma mi tchuk suma hindina kä woi avorom ma nga ki ira ma zla d’a de d’a subur tad’a ndavunam ma mi kal ndrom suma dingâ petna mi.

Daniel 7:25

Mam mba mi de zla d’a tchod’a yam ma sä akulo ma kal teglesâ, mba mi djop vun sum mama mi. Mam mba mi nga hurum á mbut bur tilâ ki gata hAlonid’a kä. Ma sä akulo ma kal teglesâ mba mi hum sum mama abom gak bizad’a hindi ki nusa.

Daniel 7:8

Ata yima an nga ni sizar aduvei ndazina tua na, an gol wani, adif ma ding ma gorâ, mi deî aduk aduvei ndazina. Mi pat aduvei suma avo’â woi avorom hindi. An gola, adif máma mi nga ki ira d’igi ir sana na, zla d’a subur tad’a nga d’i buzuk avunam mi.

Matiye 27:28

A fogom baru mamba woyo, a tchugum baru d’a hleud’a atamu.

Sunda hi suma a sunuzinid’a 8:39

Kid’a azi tup pei akulo aduk mbinid’a, Muzu’â hi Salad’ina mi zlak Filip. Adimbang dok wum bugol luo d’a, wani mi hle lovot mamba ki furîd’a.

2 Tasaloni’â 2:4

Ni ma mba kak djangûna kahlena pet suma a nga yazi ala Alona na d’oze ahle suma a nga kud’urozina, mba mi hle yam akulo gak mi i kak kur gong nga kud’ora hAlonid’a ala mam tamba nAlona.

Vama ndum mbeina 1:10

Kur burâ hi Salad’ina, Muzuk ma bei tchod’a ba na mi vanu. An hum del la ngola ei blogonu; ti tchi d’igi adifa na.

Vama ndum mbeina 12:14

Wani a he atcha ndata giging agigilau ma ngolâ, kayam ti pir ti i ata yi mat ma abageina, ata yima a hat tena kua bizad’a hindi ki nusina kayam dragon máma mi fat ti.

Vama ndum mbeina 12:3

Vama simat ma dingâ mi tcholï akulo. Gol wani, nambur dragon ma hleuna mi nga ki yamba kid’iziya kadifa dogo, avavala ti nga ata yam tutu pet mi.

Vama ndum mbeina 12:6

Atcha ndata, ti ring abagei ata yima Alona mi minim katna, kayam mi hat tena burâ dubu yam kikis mbà yam dok karagaya.

Vama ndum mbeina 17:18

Atcha d’a ang wata, nazì ma ngol ma nga mi te yam amulei suma nglo suma yam andagad’ina.

Vama ndum mbeina 17:4

Atcha ndata ti tchuk baru d’a hleu d’a kekenga atad’u, hed’eu ma lora mi nga tchuka kelet kahina d’a guzut kal teglesa ki hed’eu ma ngal wiwili’â mi. Angal la lora ti nga abod’u, ti nga oîd’a kahle suma tcho suma ndjendjed’a hi mizeu matnina.

Vama ndum mbeina 18:12

Lora, kawei ma hapma, ahina d’a guzut kal teglesa ki hed’eu ma ngal wiwili’â ki baru ma hap ma luluîna ki baru d’a hleu d’a kekenga kagu ma tchet ma guzum kal teglesâ ki kawei ma hleuna ki kawei ma ged’a kahina d’a hleud’a,

Vama ndum mbeina 18:16

Azi mba dala: Ni zla d’a hohoud’a, ni zlad’a hohoud’a kang ang azì ma ngol ma mi tchuk baru d’a hap pa luluîd’a ki baru d’a hleud’a ki d’a hleu d’a kekenga ki hed’eu ma lora kahina d’a guzut kal teglesa ki hed’eu ma ngal wiwili’â atama.

Vama ndum mbeina 21:10

Muzu’â hAlonina mi vanu, malaikana mi i ki sed’en akulo yam ahina d’a fiyak ka ked’iwurenga. Mi tagan azì ma ngol ma Alona mi tinim iram vama, ni Jerusalem mba tcholï akulo gen Alona d’a tchugï aset kä d’a.

Vama ndum mbeina 4:2

Atogo hina zak, Muzu’â hAlonina mi van sä kur akulod’a, an we zlam mba amula tu nga, sana nga kaka kad’u.