Vama ndum mbeina 16:2 - Bible azumeina

² Malaika ma avo’â, mi vo mama yam andagad’a. Ata yi máma, ndod’i ma tcho ma bei tchila ba na, mi wet tei yam suma a nga ki nomrod’a hambur máma atazina ki suma a kud’or vama a yoromzina.

Vama ndum mbeina 16:2 ပူးပေါင်းရင်းမြစ်များ

2 Sunda Hamuleinid’a 21:15

Ang tanga mba mi tumung ki tugud’ei d’a tcho d’a tang aruwad’anga, mba d’i i avogovok burâ ki burâ gak aruwad’ang mba mi buzuk kei abu abo te d’a tanga.

2 Sunda Hamuleinid’a 21:18

Bugol ahle ndazina, Ma didina mi tumum aruwad’am ki tugud’ei d’a tcho d’a bei tchila ba d’a.

Sawal la giled’a 78:26

Mi he vuna mi simet ma abo ma yorogona ala mi sir kur akulod’a, kad’eng mamba mi mba ki simet ma abo ma sutna.

Isai 3:17

Kayam ndata, Ma didina mba mi yozi yazi woyo, mba mi arazi gandilad’a mi.

Isai 3:24

Azi mba ar zla d’a le ni mbul ma his ma afufuîna ta, a le ni mbul ma bud’a; azi mba ar zla d’a djin d’i’â furîd’a ta, a djin ni ziyona; yazi mba d’i ar zla d’a ti se djifîd’a ta, ti mba d’i yot ni woyo; azi mba ar zla d’a tchu’î baru d’a ngol la djifîd’a ta, a mba tchu’î baru d’a dodora ataziya; azi mba ar zla d’a a mbut tazi djifîd’a ta, a mba mbut ni tazi hohoud’a.

Sunda hi suma a sunuzinid’a 12:23

Ata yi máma na wat, malaikana hi Salad’ina mi tumumu, kayam mi subur nga Alona d’i. Mi tchuk ndjuvulâ, mi mid’a.

Gat ta a hat á mbàd’id’a 28:27

Ma didina mba mi tumugi ki mbil ma Ezipte-na ki tugud’ei d’a a yat ala emerota ki vuyoka ki ta d’a mburdjuk ka bei tchila ba d’a.

Gat ta a hat á mbàd’id’a 28:35

Ma didina mba mi tumugi ki mbil ma bei tchila ba na ata guguvagiya, ata ab’alagiya, mba mi tumugi tinï ad’ud’a ata asegi kä dei gak i kagi akulo mi.

Gat ta a hat á mbàd’id’a 7:15

Ma didina mba mi ngomogi woi abo tugud’ei d’a lara ge pet, mba mi kid’eyêgi iragi ki tugud’ei d’a tcho d’a tchi mat ta agi wad’ï avo Ezipte-d’a d’i, wani mam mba mi tumî ki suma a noyôgina.

Vama ndum mbeina 13:12

Nga mi lahlena pet avok ambur máma kad’enga hambur ma avok mamid’a mi. Nga mi le suma yam andagad’ina kad’enga á kud’or ambur ma avok ma mbil mam ma matna mi ndak á tchum ba wani mi tchilâ.

Vama ndum mbeina 14:16

Ata yi máma, mam ma nga kaka yam d’ugulina, mi tin mbaragum mamba, mi zawu ma yam andagad’ina.

Vama ndum mbeina 14:9

Malaika ma hindina mi mba blogoziya, mi de ki delem akulo ala: Sama kud’or ambur máma ki vama yoromzina, mi b’ir vama simata avorom mboze bigama,

Vama ndum mbeina 16:1

An hum dela ngola ti tcholï kur gong nga kud’ora hAlonid’a. Ti de mi malaika suma kid’iziyana ala: Agi i vogi ayîna hAlona ma nga kur angulei suma kid’iziyanina woi yam andagad’a.

Vama ndum mbeina 16:11

Azi nga ngul Alo ma akulona abo pupuluk mazid’a, abo mbil mazina, wani azi min mbut huruzi yam sun mazi d’a tchod’a d’i.

Vama ndum mbeina 8:7

Malaika ma avo’â, mi bu adif mamba. Mogoina kakud’a gizeîd’a ki buzuna a tchugï kä yam andagad’a. Andaga d’a a walat tei aduk hindid’a abot ma tuna mi ngal leyo, agu ma yam andaga ma a walam mbei aduk hindina mi ngal leyo, asu ma ngloma pet mi ngal lei mi.

1 Samuel 5:6

Wani Ma didina mi ngop suma Asdot-na gak a zlak ki mandarâ. Nga mi tumuzi ki tugud’ei d’a a yat ala emorota kazì ma nguyuzina pet.

1 Samuel 5:9

Wani kid’a azi mbaza ki zandu’â avo d’a, Ma didina mi ngop suma avo hur azinina, gugureina ki suma nglona, mi tumuzi ki tugud’ei d’a a yat ala emorota; azi nde tcha tata.