Vama ndum mbeina 16:14 - Bible azumeina

¹⁴ Azi ni muzu’â hi Seitan-nina. Azi nga lahle suma atchapma. Azi nga i á tok amulei suma yam andagad’ina pet á dur ayîna kur bur ma ngolâ hAlo ma ad’engêm kal petnina.

Vama ndum mbeina 16:14 ပူးပေါင်းရင်းမြစ်များ

1 Amuleina 22:6

Amul ma Israel-lâ mi tok mam suma djok vun Alona, a ni go kikis fid’i, mi djobozi ala: Na ni an i dur ayîna á hleï azì ma Ramot ma Galät-na d’oze an i d’uo zu? Azi dum ala: Ang iya. Ma didina mba mi hang azì máma abongû.

Ezekiyel 14:9

Wani le ma djok vuna mi lobom mi dum zla d’a dinga ni, ni an Ma didina ba, mba ni lop ma djok vun máma, an mba ni hlabon kan akulo á ngobomu, an mba ni pad’am mbei aduk man suma Israel-lâ mi.

Matiye 24:14

Zla d’a Djivi d’a yam leud’a hAlonid’a a mba tchat walat tei mi suma yam andagad’ina pet á le glangâsâ mandjaf suma pet. Ata yi máma, ad’u dabid’a mba d’i mba.

Matiye 24:24

Suma ka zlad’a a mba tchol a mba yi tazi ala azi ni Mesi, suma dingâ a dala azi ni suma djok vun Alona. A mba lahle suma simat suma nglona kahle suma ndandalâ, kayam le a ndaga ni, a mba lop vun suma Alona mi manazina mi.

Marik 13:22

Suma ka zlad’a a mba tchol a yi tazi ala azi ni Mesi; suma dingâ a dala azi ni suma djok vun Alona. A mba lahle suma simata kahle suma ndandalâ kayam ladjï lovota nga ni, a mba lop vun suma Alona mi manazina mi.

Wana ni Zla d’a Djivi d’a Luc mi b’irita 2:1

Kur bur máma ma te yamba Auguste mi he vuna mi mam suma sunda ala: Agi b’irigi simiyê suma a nga kaka kur leu d’a Romê-d’ina pet.

Jean 8:44

Agi suma abugi ni Diable-na, agi min lagi ni minda habugid’a. Mam mi ma tchi matna kad’u tinda dei, mi nga mi tit yam gagazid’a d’i, kayam zla d’a gagazid’a nga kurum mbi. Ata yima nga mi de zla d’a kad’ina, mi de ni yam mam tamba, kayam mam mi ma ka zlad’a, ni zla d’a kad’a abut mi.

Romê-na 1:8

Avok ahlena pet, an nga ni le mersi mAlo mana ki simiyê Jesus Christ kagi pet, kayam suma kur duniyad’ina pet a nga le glangâsâ yam he gagazi magid’a.

2 Tasaloni’â 2:9

Ma tcho máma mba mi mba ni kad’enga hi Seitan-nda á lahle suma ndandal suma lara ge pet ki simat ta ka zlad’a,

1 Timote 4:1

Wani Muzu’â hAlonina mi de woi pid’ak ala kur bur ma bugolâ suma dingâ a mba ar he gagazid’a woyo, a mba ge yazi kä ad’u suma lop suma ki hata hi suma a nga ki muzuk ma teteng ma tchona kuruzina.

Jacques 3:15

Ne d’a hina d’a ti tcholï nakulo d’i; ni ned’a hi duniyad’id’a, ni djib’era hi sanid’a, ti tcholï nata Diable.

Josue 11:5

Amulei ndazina ki zla tazi pet a tok tazi a mba ve kang mazina ata yima tuna avun mbiyo ma teteng ma Merom-ma á dur Israel-lâ.

1 Jean 5:19

Ei wei ala ei ni suma Alona mi vud’ina, duniyad’a pet nga nabo Ma tchona mi.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.

Vama ndum mbeina 13:3

Ambur máma a kam yam mba tud’a mbilâ, mbil máma mi ndak á tchumu, wani mbil mam ma matna tchila. Suma yam andagad’ina pet a le atchap, a nga tit ad’u ambur máma.

Vama ndum mbeina 16:16

Muzuk ma tcho ma hindi máma, mi tok amuleina ata yima a yum ki vun Hebre-na ala Armagedon na na.

Vama ndum mbeina 16:7

An hum del la tcholï ata yima ngal dubang ma his djivid’ina ti dala: Â, Salad’a Alo ma ad’engêm kal petna, sariya manga ni gagazi, ni d’ingêr mi.

Vama ndum mbeina 17:14

Azi mba dur ayîna ki Gor timina, wani Gor timina mba mi kus kaziya, kayam mam mi Sala suliyod’a, nAmulâ hamuleinina mi. Mam mba kus kazi ki sum mama; azi ni suma yid’a, ni suma manda, ni mam suma d’engzengâ mi.

Vama ndum mbeina 20:8

Mam mba mi i á lop andjaf suma a b’rau woi yam andagad’a petna, nala, Gok ki Magok. Mba mi togozi á dur ayîna. Ablau mazid’a ni d’igi les ma avun alum ma ngolîna na.

Vama ndum mbeina 3:10

Kayam ang ngom wa zla manda ki ve tad’a, an mi, an mba ni ngomong ata yima kuka mba d’i mba yam suma kur duniyad’a pet á kuk suma a nga kaka yam andagad’ina.

Vama ndum mbeina 6:17

Kayam bur ma ngolâ hayî mazinina mba wa; ni nge ba, mba mi tchol avorom ge?