Vama ndum mbeina 15:3 - Bible azumeina

³ Azi nga hle sawala hi Moise azongâ hAlonid’a ki sawala hi Gor timinid’a ala: Salad’a Alo ma ad’engêm kal petna, sun manga ni sun nda ngol la kal papad’a. Amulâ handjaf sumina, nga hur mangâ ni d’ingêr gagazi.

Vama ndum mbeina 15:3 ပူးပေါင်းရင်းမြစ်များ

Ad’u Tinda 17:1

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

1 Sunda Hamuleinid’a 6:49

Aron azi ki groma a nga hahle suma ngat buzuna yam yima ngal ahle suma ngat buzuna ki dubang ma his djivid’ina yam yima ngal dubang ma his djivid’ina, a nga ndak vun sun mazi d’a lara ge pet kur yima a tinim iram vam ma kal teglesâ, a nga zlup yam tchod’a hi Israel-lîd’a d’igi Moise azongâ hAlonina mi hazi vuna na.

2 Sunda Hamuleinid’a 24:6

Amulâ mi yi ma ngol ma ngat buzuna Jehojada, mi dum ala: Ni kayam me ba, ang nga de mi suma hi Levi-na á i ve beged’a abo suma Juda-na ki suma Jerusalem-ma d’uo ge? Ni bege d’a Moise azongâ hi Ma didinina mi ngat yam ablaud’a hi Israel-lîd’a á min ki zlub’u d’a zandu’â hi Ma didinina nga kuad’a d’uo zu?

Nehemi 9:14

Ang tagazi bur mang ma sabat ma ang tinim iram vama, ang hazi vuna, hata ki gata abo azong mangâ Moise.

Wana ni mbaktumba hi Job-pa 36:24

Ang djib’era, ang he ngola mi sun mam mba suma a nga suburut ki sawalid’a.

Wana ni mbaktumba hi Job-pa 5:9

Mam mi sama mi lahle suma nglo suma sana mi ndak á vazi ad’uzi woi d’uo na, ni sama lahle suma atchap suma sana mi ndak á ndumuzi d’uo na mi.

Sawal la giled’a 100:5

Kayam Ma didina ni ma djivina, o mamba ni d’a gak didinda, d’engzeng mamba ti nga ni kur atchogoi d’a lara ge pet mi.

Sawal la giled’a 105:5

Agi andjafâ hazong mama Abraham-ma, agi andjafâ hi Jakob ma mam manama, agi djib’eregi yam sun mam mba ndandal la mam lata, yam ahle suma yoyouna ki sariya d’a nga mi kata mi.

Sawal la giled’a 111:2

Sunda hi Ma didinid’a ti ngola. Suma tazi lazi djivid’a katna a hal á wat ad’ud’u.

Sawal la giled’a 111:7

Sun nda mi lat kabomba ni gagazid’a ki d’ingêra; vun mam ma hed’a pet ni ma sana mi ndak á tin hurum kama,

Sawal la giled’a 139:14

An nga ni gileng kayam an ni vama ge ma ndandalâ; sun manga ni sun nda atchapa, an wat tei tetet mi.

Sawal la giled’a 145:17

Ma didina ni ma d’ingêrâ kur lovot mamba pet, mam mi ma djivina kur sun mam mba led’a pet mi.

Sawal la giled’a 145:6

Azi mba de woi yam ad’eng mang nga kal teglesa, an mba ni hulong de woi yam ngol manga mi.

Sawal la giled’a 18:30

Ni yam ad’eng manga ba, an nga ni nde b’rang nga ngola ayîna; ni yam ang Alo mana ba, an nga ni pir yam gulumun ma ad’eng ma ngunguna mi.

Sawal la giled’a 78:12

Mi le sun nda atchapa avok abuyozi ngolo kur Ezipte abagei kel avo Sowan.

Sawal la giled’a 92:5

Ma didina, an nga ni le furîd’a yam sun mang nga ang lata! An nga ni de woi yam sun nda ang lat kabonga mi.

Sawal la giled’a 99:4

Ar azi gileng ang amul ma min d’ingêrina. Ni ang ba, tin d’ingêra ki sariya d’a ka d’a irata aduk andjafa hi Jakob-ma mi.

Isai 33:22

Ma didina ni mei ma ka sariyad’a, ni mei ma dei gatina, namul meina, ni ma sud’ina mi.

Isai 45:21

Agi tchagi wala agi dagi woi yam ahle ndazina. Ar suma a tok tazi a de tazi d’alâ. Ni nge ba, mi de woi yam ahle ndazina kad’u tinda mi de woi kazi avok dedei ge? Nga ni an Ma didina d’uo zu? Alo ma ding nga woi kengên ndi. An tu nAlo ma d’ingêr ma sut suma. Alo ma ding nga d’i.

Daniel 6:20

Kid’a mi mba go avun zulid’a, mi yi Daniel ki hur ma hata, mi dum ala: Daniel, azongâ hAlo ma bei matna ba na, Alo mang ma ang nga lum sunda ki ve tad’ina, mi ndak á prud’ung nga woi avun azlona d’uo zu?

Daniel 9:11

Israel-lâ ki zla tazi pet a tchila yam gat manga, a noî á humung delengû. Ni yam bei hum vun mamina ba, vun ma ge ma a b’irim zlam kur gata hazong mangâ Moise-sa, mi ndja abom mbei kami wana.

Wana ni mbaktumba hi Oze-d’a 14:9

Ar sama ned’a mi hum ad’u zlad’a hi Oze-d’a, ar sama wad’ud’a mi wäd’u zla ndata, kayam lovota hi Ma didinid’a ni d’ingêr. Suma d’ingêrâ a mba tit kua, wani suma bei hum vuna a mba puk kä.

Mise 7:20

Ang mba le glangâsâ yam d’engzeng mang nga ang lat kandjafâ hi Abraham-mid’a, yam djivi d’a ang lat kandjafâ hi Jakob-mid’a d’igi ang gun tang mabuyomi ngola adjeu na.

Sofoni 3:5

Ma didina nga mi le sun nda d’ingêra kurumu, nga mi le vama tcho d’i, yorogo d’a lara ge pî nga mi nde ka sariya mamba woi pid’agi, nga mi hel li. Hina pet pî, suma mbut ira zulona nga mi lazi d’i.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Jean 1:17

Alona mi he gata yam suma nabo Moise, wani sumad’a ki gagazid’a a mba ni yam Jesus Christ.

Gat ta a hat á mbàd’id’a 31:30

Bugola, Moise mi hle sawal ndata ki zla tat pet avok ablaud’a hi Israel-la ala:

Gat ta a hat á mbàd’id’a 32:3

Kayam an nga ni tchi wala ki simiyê Ma didina. Agi Israel-lâ, agi hagi ngola mAlo meina!

Gat ta a hat á mbàd’id’a 34:5

Moise azongâ hi Ma didinina mi mit sä kolâ yam ambas sa Mowap-pa d’igi Ma didina mi de na.

1 Timote 1:17

Mam mi Amul ma didin ma bei matna ma bei wuma, Alo ma tu gid’engâ, ni Ma hud’a ki subura ni mamba gak didina. Amin!

Hebre-na 3:5

Wani Moise ni sama d’engzengâ kur gonga hAlonid’a pet, mi tinim á le sunda á de woi yam ahle suma Alona mba mi dazina.

Josue 22:5

Wani agi tid’igi yam vun ma hed’a ki gat ta Moise mi hagizid’a djiviya, agi lagi yam Ma didina Alo magina, agi tid’igi kur lovot mamba, agi ngomogi vun ma he mama, agi reyêgi tagi ki sed’emu, agi lum sunda ki hur ma tuna ki tagi pet mi.

Vama ndum mbeina 1:8

Salad’a Alo ma ad’engêm kal petna, Ma nga na, Ma nga adjeu deina, Ma nga mi mbana, mi de woi ala: An ni Alfa, an ni Omega mi.

Vama ndum mbeina 11:17

A dala: Salad’a Alo ma ad’engêm kal petna, ang Ma nga na, ang Ma nga adjeu deina, ami lang mersi kayam ang hle wa sib’ik mang nga kal papad’a, ang nga te yam suma.

Vama ndum mbeina 14:3

Suma bubup ndazina a nga tchola avok zlam mba amula, avok ahle suma ari suma fid’ina, avok suma nglona mi, a nga hle sawal la awilid’a. Sama ndak á hat sawal ndatina nga d’i, ni suma dudubud’a kis yam dudubud’a dok fid’i yam dudubud’a fid’i suma a guzuzi ka hî yam andagad’ina hol.

Vama ndum mbeina 14:8

Malaika ma mbàna mi mba blogomu, mi dala: Babilon nda ngola, ti puk wa, ti puk wa, ni d’a handjaf suma yam andagad’a pet süm mat ma tcho ma mizeunid’a.

Vama ndum mbeina 17:14

Azi mba dur ayîna ki Gor timina, wani Gor timina mba mi kus kaziya, kayam mam mi Sala suliyod’a, nAmulâ hamuleinina mi. Mam mba kus kazi ki sum mama; azi ni suma yid’a, ni suma manda, ni mam suma d’engzengâ mi.

Vama ndum mbeina 19:16

Ata baru mamba yam ab’alam simina nga b’ira kua ala: Amulâ hamuleina, Salad’a hi suliyod’a.

Vama ndum mbeina 19:2

Sariya mamba ni d’a gagazid’a ki d’ingêra, kayam mi ka sariyad’a yam atcha d’a gaulang nga ngol la ti b’lak andagad’a ki mizeu matnid’a. Mi kat sariyad’a kat kayam ti tchi azungeî mama.

Vama ndum mbeina 4:8

Ahle suma ari suma fid’i ndazina, ma lara pî mi nga ki gigingâ karagaya karagaya, azi nga ki ira ata yima lara ge pet, krovo, abu mi. Andjege ki falei azi nga ar bei hle sawala ala: Ma bei tchod’a, Ma bei tchod’a, Ma bei tchod’a ni Ma didina Alo ma ad’engêm kal petna, ni Ma nga adjeu deina, ni Ma nga na, ni Ma nga mi mbana mi.