Vama ndum mbeina 14:4 - Bible azumeina

⁴ Azi ni suma a mbut nga tazi ndjendjed’a karopma d’uo na, ni suma a ngom tazi ped’etna, ni suma a nga tit ad’u Gor timina ata yima lara ge pet ma mam nga mi i kuana, ni suma a guzuzi aduk suma, a hazi mAlona azi ki Gor timina avok kikidjina.

Vama ndum mbeina 14:4 ပူးပေါင်းရင်းမြစ်များ

Sawal la giled’a 45:14

Amulâ goromba nga d’i wile kur azina hamulîna, baru mata ni d’udjod’a ki lora.

Sawal la giled’a 74:2

Ang djib’er yam mang suma ang guzuzi adjeu dedeina, ang djib’er yam andjaf sumala ni mang suma ang hlazi djona na, ang djib’er yam Siyon ndala ni yi mang ma kaka d’a.

Sawal la kal teglesa 1:3

Mbul mang ma his ma afufuî ma tetengâ, mi his djivid’a; simiyêngî d’igi mbul ma his ma afufuî ma nga mi b’rau woi ata yinina na mi. Kayam ndata, gro yuguneina a nga le kangû!

Sawal la kal teglesa 6:8

Aropma hamulîna a ni dok karagaya, arop suma gureina hamulîna a ni dok klavandi, yuguneina hamulîna a ndak nga á ndumba d’uo mi.

Jeremi 2:3

Ma didina mi dala: Agi Israel-lâ, agi mi sum mana, agi ni d’igi awu ma ne avo’â na. Suma pet suma a dogina, a halî zlad’a ki anu, ndaka mba d’i mba kazi atogo hina zak mi.

Amos 6:1

Ni zla d’a hohoud’a yam agi suma nga kaka halas kur Siyon-na, yam agi suma nga kaka tchugot yam ahina d’a Samari-d’ina mi. Agi ni suma avok andjaf suma ma Israel-lâ a nga i gevem á hal ndjundina!

Matiye 19:12

Kayam suma dingâ a nga, a ni adimbang ei kur asuyozi dei; suma dingâ a nga, a ni suma suma a ngad’azina; suma dingâ a nga, a ni suma mbut tazi adimbang yam leu d’a akulod’ina. Sama ndak á ve zla ndatina, ar mi vad’u.

Matiye 25:1

Jesus mi had’azi kua ala: Ata yi máma, leu d’a akulod’a mba d’i hle tat ni d’igi gro yugunei suma dogo suma a yo lalam mazid’a a buzuk á d’ugol sala telina na.

Matiye 8:19

Ma hat gata tu mi mba gevem mi dum ala: Ma hat suma, an mba ni tit ad’ung ata yima ang i kuana pet.

Jean 10:27

Tumiyô mana a nga humun delenu. An waziya, azi nga tit ad’un mi.

Jean 12:26

Le sana mi min á lan sunda ni, mbeî mi tit ad’unu, kayam yima an mba kak kuana, man ma sunda mba mi kak kua mi. Le sana nga mi lan sunda ni, Abun mba mi hum ngola.

Jean 13:37

Pierre mi dum ala: Salana, ni kayam me ba, an ndak á tit ad’ung ka tchetchem mbuo ge? An min he tan ndei kangû.

Jean 8:12

Jesus mi de mi Fariziyêna kua ala: An ni b’od’a hi suma kur duniyad’ina. Sama tit ad’una, mba mi tit kur nduvunda d’i, wani mba mi tit ni kur b’o manda.

Sunda hi suma a sunuzinid’a 20:28

Agi gologi tagi djivi kadesâ hi suma pet ma Muzuk ma bei tchod’a ba na mi tinigi kam á polina. Agi pologi suma toka hAlona d’a mi guzut ki buzuna hi Goromid’a.

1 Korente-na 16:15

B’oziyona, agi wagi suma avo hi Estefanas-sâ, azi ni suma a mbut huruzi avok avo Akai-na. Azi he tazi á le sunda mi suma hAlonina.

1 Korente-na 6:20

Alona mi guzugi ni ki gus sa kal teglesa. Kayam ndata, ar agi suburugi Alona ki hliu tagiya.

1 Korente-na 7:28

Wani le ang vatchad’a ni, ang le nga tcho d’i. Le gor weid’a ti ve mandjufâ ni, ti le nga tcho d’uo mi. Wani azi mba fe ndaka kur kak mazid’a. Kayam ndata, an min hlagi aneka woi kagiya.

2 Korente-na 11:2

An nga ni le yungôra kagiya; ni yungôr ma tcholï ata Alonina, kayam agi ni d’igi gor wei d’a yed’et ta an kat mi mandjufîd’a na, nala Christ.

Efes-sâ 1:14

Mam mi gapa hi sut mei d’a Alona mi hle vunam kat mi sum mamid’a, gak bur ma mam mba mi sud’ina. Kayam ndata, ar ei mbud’i ni suma a tak subura hAlonid’a woina.

Efes-sâ 5:27

Mi le hina kayam Toka ti tchol avorom bei tchod’a ba, bei ndala, bei trobudjoka, bei vama ding ma hina na atat ba, kayam ti ka’î yed’et bei ngula ba.

1 Timote 4:3

Sum ndazina a nga hat suma ala nga djivid’a sa mi vatcha d’i, mi te te ma tetengâ d’uo mi. Wani Alona mi le te máma kayam suma a he gagazid’ina ki suma a we gagazid’ina a le mersi kamu, a tumu.

Hebre-na 12:23

Agi mbagi go ki Tok ka furîd’a hAlona grom suma a vut avok suma simiyêzi sä b’ira akulona. Agi mbagi go gen Alo ma ka sariyad’a yam suma petna ki muzu’â hi suma d’ingêr suma a bo suma Alona mi mbud’uzi ndak memetna.

Jacques 1:18

Kur min mamba mi hei arid’a yam zla mam mba gagazid’a, kayam ei mbud’i suma avo’â hahle suma mam lazina pet.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.

Vama ndum mbeina 17:14

Azi mba dur ayîna ki Gor timina, wani Gor timina mba mi kus kaziya, kayam mam mi Sala suliyod’a, nAmulâ hamuleinina mi. Mam mba kus kazi ki sum mama; azi ni suma yid’a, ni suma manda, ni mam suma d’engzengâ mi.

Vama ndum mbeina 21:22

An we nga gong nga kud’ora hAlonid’a kur azì máma d’i, kayam Salad’a Alo ma ad’engêm kal petna azi ki Gor timina a ni gong mamba.

Vama ndum mbeina 21:23

Azì máma nga mi min afata d’oze tilâ á b’o kurum mbi, kayam subura hAlonid’a nga d’i b’o kurumu, Gor timina ni lalam mamba mi.

Vama ndum mbeina 3:4

Wani ang nga ki suma dingâ avo Sardes suma a zot nga baru mazina d’uo na. Azi mba tit ki sed’en ki baru ma hapma ataziya, kayam azi ndaga.

Vama ndum mbeina 5:9

Azi nga hle sawal la awilid’a ala: Ang ndak á hle mbaktum ndata, á hô dubang máma woi mi. Kayam a tchang adjewe. Ang gus suma mAlona ki buzuwang ad’u andjafâ pet, ad’u vun ma ded’a pet ki suma pet, ad’u andjaf suma teteng pet mi.