Vama ndum mbeina 14:10 - Bible azumeina

¹⁰ mam tamba mba mi tche süm ma ala nayîna hAlona ma mam vom kur kop mam ma ayînina. Suma pet suma a le hina na, a mba fe ndaka aduk aku d’a sufred’a avok malaikana hAlonina, avok Gor timina mi.

Vama ndum mbeina 14:10 ပူးပေါင်းရင်းမြစ်များ

Ad’u Tinda 19:24

Ma didina nde mi yagï sufred’a kakud’a ei akulo yam Sodom ki Gomor.

Wana ni mbaktumba hi Job-pa 18:15

Sama ding mi ndak á kak kur aziyam mala nga ni mama d’uo d’angû na, kayam a tchuk aku d’a sufred’a kur aziyamu.

Wana ni mbaktumba hi Job-pa 21:20

Ni mam tamba ba, mi gol ndak mamba ki iramu, ni mam tamba ba, mi tche ayîna hi Ma ad’engêm kal petnina mi.

Sawal la giled’a 11:6

Ma didina nga mi yagï gordjona kakud’a ki sufred’a yam suma asa’atna, nga mi gad’azi ki babar ma bibi’â; wana ni b’rau d’a mi ngazizi kazid’a.

Sawal la giled’a 37:34

Ang tin hurung yam Ma didina, ang tit kur lovot mamba; mam mba mi hlang yang akulo, ang mba tandagad’a djona. Fata mi tchi suma asa’atna woid’a, ang mba wazi ki irangû.

Sawal la giled’a 52:6

Ang ma ka zlad’a, ang min ni zla d’a b’lak yina.

Sawal la giled’a 60:3

Alo mamina, ang arami woyo, ang b’rawami woi yayak, ang hurung zal kamiya, wani ki tchetchemba, ang hulongômi blangâmina.

Sawal la giled’a 73:10

Ni kayam ndata ba, suma hAlonina pî a mbut irazi iraziya, a nga tche zla mazid’a d’igi suma a tche mbina ngola na.

Sawal la giled’a 75:8

Kayam Alona ni ma ka sariyad’a; nga mi ge sana yam kä, nga mi hle sana yam akulo mi.

Sawal la giled’a 91:8

Ang kak tchugot gola, ang mba we ni nana ba, Alona mba mi wurak suma asa’atna ge?

Isai 29:9

Agi tchologi ndjö, agi lagi atchap, agi dugugi iragiya, agi mbud’ugi suma duka, agi nga gurud’ugiya, wani bei tchagi süm guguzlud’a ba! Agi hlagi titigir, wani bei tchagi süm ma ayîna ba!

Isai 30:33

A min gring ma akud’a nadjeu dei yam amul ma Asiri-na. A minim bubud’a, zula yiyik mi, a mol aguna kua ngola, nga mi ngal akud’a ngola mi. Fo d’a avun Ma didina d’a d’igi toliyon nda sufre d’a nga d’i ngal d’igi sun akud’a na d’a, mba d’i dom akud’a.

Isai 34:9

Toliyon nda Edom-mba mba d’i mbut ni d’igi dubangâ na; andaga mat ta gugud’upa mba d’i mbut d’igi sufred’a na mi; andaga mata mba d’i mbut ni d’igi dubang ma nga mi ngalâ na.

Isai 51:17

Ndak Jerusalem, ndak ka Ma didina mi hak kop ma ayî mama ndak tchum mbei ki hargak mamba pet mi vid’ik yak kei d’igi süm ma ayîna nga mi vit yam suma woi na d’a, ndak zlit akulo, ndak zlit akulo, ndak tchol akulo.

Jeremi 25:27

Ang i dazi ala: Ma didin ma ad’engêm kal petna, Alona hi Israel-lîna, mi dala: Agi tchagiya, agi gurud’ugiya, agi vinigiya, agi pugugi kä bei ndak á tchologi akulo abo tchi d’a suma an mba ni sunuzï atagina a mba tchagid’a.

Jeremi 49:12

Ma didina mi dala: Suma an ka sariyad’a kazi ala arazi a tche kop máma d’uo na, a mba tchum mbeî! Agiya, a mba aragi bei ngopa zu? A mba aragi bei ngopa d’i. Agi mba tchum mbeî.

Jeremi 51:57

An mba ni gurut mat suma nglona, mat suma ned’a, mat suma te yamba, mat suma nglo suma ka sariyad’a ki grang matna. Sum ndazina a mba bur sen ma ki irazi fafatna, a mba zlit akulo d’uo d’a. An amul ma simiyên ala Ma didin ma ad’engên kal petna na ni de na.

Hor ma tchina 4:21

Ndak gor weid’a Edom, ndak ka nga kaka yam andaga d’a Us-sid’a, ndak ayâ, ndak le furîd’a. Wani kop ma sariyad’a nga mi mba kagu. Ndak mba d’i gurut kiya, ndak mba d’i ar gandilad’a.

Ezekiyel 38:22

An mba ni kang sariyad’a kang ki tugud’ei d’a tcho d’a tchi matna ki mat ma tchid’a mi. An mba ni salo ma kûkûna kang ki mogei ma nglona, zlapa kakud’a ki sufred’a yam andjaf suma ablau suma a nga zlapa ki sed’engâ mi.

Habakuk 2:16

Wani ang tang zulona mba mi lang kal subura. Ang tang tchë, ar gandilad’a. Ma didina mba mi gad’ang kayî mama, subur manga mba d’i mbut zulona.

Matiye 20:22

Wani Jesus mi hulong dat ala: Agi wagi nga vama agi tchenema d’i. Agi ndagagi á tchagi kop ma kid’eî ir ma an mba ni tchuma zu? Azi hulong dum ala: Ami ndagamiya.

Matiye 25:41

An mba ni de mi suma yam bigan nda gulad’ina ala: Agi suma Alona gagi vunina, agi hud’ugi sä geven ndei dei, agi igi aduk aku d’a didin nda a minit yam diable azi ki malaika mamid’a.

Matiye 26:39

Mi hut sä avok hina nde, mi ge tam kä, mi tchen ala: Abunu, le ndak hina ni, ang hle kop ma ayî ma wana woi kanu. Wani ang le ni ata min manda d’i, wani ang le nata min manga.

Marik 8:38

Kayam nge nge pî ma le zulona kan an ki zla manda aduk suma tcho bei d’ingêr suma kur atchogoi d’a wandina, fata an Gor Sana mba ni mbeï kur subura hAbunda ki malaika suma mi tinizi irazi vazina, an mba ni le zulona kam mi.

Marik 9:44

Ata yi máma, ndjuvulâ nga mi mit ti, akud’a nga d’i mit tuo mi.]

Sunda hi suma a sunuzinid’a 10:22

Azi dum ala: Kornei ma azigarâ abom kis ma Romê-na mi sunumï ni mamu, ni sama d’ingêr ma nga mi le mandara Alonina, ni ma Juif-fâ pet a nga le glangâs ma djivina kama. Alona mi sun malaika mama, mi hum vuna á yangî avo hatam á hum zla d’a avunanga.

Gat ta a hat á mbàd’id’a 29:23

a mba we sama zar awu kat ti, va mba mi deî kat ti, asu mba mi d’uf kat tuo mi, mba d’i hle tat ni d’igi Sodom, Gomor, Atma ki Seboyim suma Ma didina mi b’lagazi woi kur ayî mama ki hur mam ma zalina na.

2 Tasaloni’â 1:7

Agi suma nga fagi ndakina, agi mba tugugi tagi zlapa ki sed’emiya, kayam fata Salad’a Jesus mi nde woi kur akulod’a ki malaika mam suma ad’engâ

Jude 1:7

Agi djib’eregi yam suma Sodom-ma ki suma Gomor-râ kazì ma nguyuzina. Azi le dedege d’igi malaika ndazina na, a he tazi á le mizeuna, a lahle suma ndjendje suma ndak á led’a d’uo na. Azi ndak á fe ndaka aduk aku d’a didinda; azi ni vama simata mi suma pet.

Vama ndum mbeina 15:7

Ma dingâ tu aduk ahle suma ari suma fid’ina, mi he malaika suma kid’iziya ndazina kop ma kid’iziya ma lor ma nga oîd’a kayîna hAlo ma ari ma gak didinina.

Vama ndum mbeina 16:19

Azì ma ngolâ mi wal lei aduk hindi, azì ma nglona handjaf suma yam andagad’ina pet mi dris kä mi. Alona humam gum yam Babilon nda ngola, mi hat süm mama kur angala, ni süma hayî mam ma bibiliuna.

Vama ndum mbeina 18:3

Kayam andjaf suma yam andagad’ina pet a tche süm mat ma tcho ma mizeuna. Amulei suma yam andagad’ina a le mizeuna ki sed’ed’u, suma mbut abozi suma yam andagad’ina a mbut suma ndjondjoîna ki djivi mata.

Vama ndum mbeina 18:6

Agi lat d’igi ndat lagi na, agi wuragat yagi mbà d’igi ndat le na, agi oyôt kop mat ma tched’a yagi mbà d’igi ndat tata minigizi mi agi na mi.

Vama ndum mbeina 19:15

Mbigeu d’a fiyak ka tena heîd’a, ti nde woi avunamu, ni d’a mba mi ka kandjaf sumid’a. Mba mi polozi ki totogo d’a kawei ma wurana, mba mi miret guguzlud’a, d’ala nayîna hAlo ma ad’engêm kal petna na.

Vama ndum mbeina 19:20

Mi ve ambur máma ki ma djok vun ma ka zla ma lahle suma atchapma avoroma. Nahle suma atchap suma mi lop ki suma a ve nomrod’a hamburâ ki suma a kud’or vama a yoromzina. Mi ve ambur máma ki ma djok vun ma ka zlad’a, mi tchuguzi karid’a kur apo d’a aku d’a bibiliu d’a ngal ki sufred’id’a.

Vama ndum mbeina 20:10

Wani Diable ma lobozina, a gum kur apo d’a aku d’a bibiliu d’a ngal ki sufred’id’a ata yima ambur máma ki ma djok vun ma ka zlad’a a nga kuana. A mba djobozi vunazi andjege ki falei gak didin.

Vama ndum mbeina 20:14

Matna ki yina hi suma azuleinina a tchuguzi kur apo d’a akud’a, nala, mat ma mbàna.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.