Vama ndum mbeina 13:3 - Bible azumeina

³ Ambur máma a kam yam mba tud’a mbilâ, mbil máma mi ndak á tchumu, wani mbil mam ma matna tchila. Suma yam andagad’ina pet a le atchap, a nga tit ad’u ambur máma.

Vama ndum mbeina 13:3 ပူးပေါင်းရင်းမြစ်များ

Ezekiyel 30:24

An mba ni had’enga mamul ma Babilon-na, an mba ni hum mbigeu man nda fiyaka abomu, an mba ni kus bik Faron ndeyo. Mam mba mi zam tam d’igi sama lá matnina na avok amul ma Babilon-na.

Wana ni Zla d’a Djivi d’a Luc mi b’irita 2:1

Kur bur máma ma te yamba Auguste mi he vuna mi mam suma sunda ala: Agi b’irigi simiyê suma a nga kaka kur leu d’a Romê-d’ina pet.

Jean 12:19

Kayam ndata, Fariziyêna a de tazi ala: Agi gologiya, suma pet a nga i gevemu. Agi ndak á lagi va d’uo d’a.

Sunda hi suma a sunuzinid’a 8:13

Simon tamba mi he gagazid’a mi. Kid’a mi le batemba dad’a, mi nga zlapa ki Filip. Kid’a mi wahle suma simat suma nglona kahle suma ndandal suma Filip mi lazina, mi le atchap.

Vama ndum mbeina 13:12

Nga mi lahlena pet avok ambur máma kad’enga hambur ma avok mamid’a mi. Nga mi le suma yam andagad’ina kad’enga á kud’or ambur ma avok ma mbil mam ma matna mi ndak á tchum ba wani mi tchilâ.

Vama ndum mbeina 13:14

Mi vit suma yam andagad’ina woi kahle mam suma atchap suma a humzi á led’a avok ambur ma avok mámina. Mi de mi suma yam andagad’ina á yor vana á subur ambur ma a kam yam mbilâ ki mbigeu d’a fiyaka mi tchilâ.

Vama ndum mbeina 17:10

Azi tazid’a namulei suma kid’iziyana mi. Suma vahl adigazi a puk kä, ma tuna nga mi te yamba ki tchetchemba, ma dingâ nga bei mba tua. Fata mi mbad’a, mba mi ka’î ndjö hawa.

Vama ndum mbeina 17:11

Ambur ma adjeu dei ma mi nga ki tchetchemba d’uo na, mam tamba namul ma klavandina. Mam tamba ni ma aduk suma kid’iziya suma avo’â, ni ma i kur ba mambina.

Vama ndum mbeina 17:13

Suma dogo ndazina, djib’er mazid’a ni tu. A had’eng mazid’a kamul mazid’a mambur máma.

Vama ndum mbeina 17:17

Kayam Alona mi hazi djib’er ndata kuruzi á le min mamba, á ndjak vunazi tu, á hamul mazid’a mambur máma, gak zlad’a hAlonid’a ti ndak memet.

Vama ndum mbeina 17:6

An we atcha ndata nga d’i gurut ki buzuna hi suma hAlonina ki buzuna hi suma a tchazi yam glangâs mazi ma d’engzeng ma azi lum yam Jesus-na. Ata yima an watna, an le atchap ngola.

Vama ndum mbeina 17:8

Ambur ma ang wum adjewe ki tchetchemba mi nga d’uo na, nga mi ndeï woi kur zul la yiyika á i kur ba mamba. Suma yam andagad’a suma a fazi nga simiyêzi b’ira kur mbaktum mba arid’a avok dei bei ad’u tinda hi duniyad’a d’uo na, a mba le atchap ata yima azi wambur mámina, kayam mi nga adjewe, ki tchetchemba mi nga d’i, wani mam mba mi ndeï woi kua d’ei.