Vama ndum mbeina 13:15 - Bible azumeina

¹⁵ Ambur ma mbà máma mi fad’enga á he muzuk ka arid’a mi vama a yorom ma ambur ma avok mámina, kayam va máma mi de zlad’a, mi ndak á tchi suma a min kud’urom mbuo na.

Vama ndum mbeina 13:15 ပူးပေါင်းရင်းမြစ်များ

Ad’u Tinda 2:7

Ata yima Ma didina Alona mi min sana kandaga d’a gugud’upina, mi fom muzugam ma he arid’ina atchinamu, sa máma mi mbut sama arina.

Sawal la giled’a 115:5

Azi nga ki vunaziya, a nga de zla d’i! Azi nga ki iraziya, a nga we d’i!

Jeremi 10:14

Kayam ndata, suma pet a mbut ni suma yazi nga d’uo na abo we mamba. Suma yor lora pet a mbut zulona kangus ahle suma azi yorozina, kayam filei mazina ni filei ma ka zlad’a, nga mi muzuk kuo mi.

Jeremi 10:5

Alo ma hina na mi ni d’igi agu ma sana mi pum aduk asinena á dik aluweinina na, nga mi de zla d’uo mi. Sana mi hlumî hle, kayam nga mi tit kayam tam mbi. Ar agi lagizi mandaram mbi, kayam mi we nga á le vama tcho mi sa d’uo mi na, mi ndak á le vama djivi mi sa d’uo mi.

Jeremi 51:17

Kayam ndata, suma pet a mbut ni suma yazi nga d’uo na abo we mamba. Suma yor lora pet a mbut zulona kangus ahle suma azi yorozina, kayam filei mazina ni filei ma ka zlad’a, nga mi muzuk kuo mi.

Daniel 7:20

An hal wad’ud’a yam aduvei suma dogo suma a nga kama, yam adif ma gor ma deî adigazi ma mi tchuk suma hindina kä woi avorom ma nga ki ira ma zla d’a de d’a subur tad’a ndavunam ma mi kal ndrom suma dingâ petna mi.

Daniel 7:25

Mam mba mi de zla d’a tchod’a yam ma sä akulo ma kal teglesâ, mba mi djop vun sum mama mi. Mam mba mi nga hurum á mbut bur tilâ ki gata hAlonid’a kä. Ma sä akulo ma kal teglesâ mba mi hum sum mama abom gak bizad’a hindi ki nusa.

Habakuk 2:19

Ni zla d’a hohoud’a yam sama nga mi de magu ma a tuwalama ala: Ang tchol akulo na yam ma nga mi de mahina d’a a tuwalata ala: Ndak zlid’a na mi. Na ni a mba had’am zu? A gulud’uzi ni ki lora ki dorona mi, wani a nga muzuk ki.

Jacques 2:26

Le sana nga mi muzuk kuo ni, mi ni matna. Hina mi, he gagazi d’a bei sunuta ni matna.

Vama ndum mbeina 13:1

Bugola, an we ambur ma dingâ kadifa dogo ki yamba kid’iziya, mi ndeï kur alum ma ngolâ. Avavala ti nga yam adif ma lara ge pet, simi ma ngul Alona mi nga b’ira kam akulo mi.

Vama ndum mbeina 13:12

Nga mi lahlena pet avok ambur máma kad’enga hambur ma avok mamid’a mi. Nga mi le suma yam andagad’ina kad’enga á kud’or ambur ma avok ma mbil mam ma matna mi ndak á tchum ba wani mi tchilâ.

Vama ndum mbeina 13:14

Mi vit suma yam andagad’ina woi kahle mam suma atchap suma a humzi á led’a avok ambur ma avok mámina. Mi de mi suma yam andagad’ina á yor vana á subur ambur ma a kam yam mbilâ ki mbigeu d’a fiyaka mi tchilâ.

Vama ndum mbeina 14:11

Andosâ haku d’a nga d’i lazi ndakid’a, nga mi d’us gak didin. Suma a kud’or ambur máma ki vama a yoromzina ki sama lara ge ma a b’irim simiyêm atama, andjege ki faleya tuk ta mazid’a nga d’i.

Vama ndum mbeina 14:9

Malaika ma hindina mi mba blogoziya, mi de ki delem akulo ala: Sama kud’or ambur máma ki vama yoromzina, mi b’ir vama simata avorom mboze bigama,

Vama ndum mbeina 16:2

Malaika ma avo’â, mi vo mama yam andagad’a. Ata yi máma, ndod’i ma tcho ma bei tchila ba na, mi wet tei yam suma a nga ki nomrod’a hambur máma atazina ki suma a kud’or vama a yoromzina.

Vama ndum mbeina 16:5

An hum malaika ma nga kad’enga yam mbinina, mi dala: Angî Ma d’ingêr ma ndak á ka sariya d’a hina d’ina, ang tu ni Ma bei tchod’a ba na, ni Ma nga na, ni Ma nga adjeu deina.

Vama ndum mbeina 17:14

Azi mba dur ayîna ki Gor timina, wani Gor timina mba mi kus kaziya, kayam mam mi Sala suliyod’a, nAmulâ hamuleinina mi. Mam mba kus kazi ki sum mama; azi ni suma yid’a, ni suma manda, ni mam suma d’engzengâ mi.

Vama ndum mbeina 17:17

Kayam Alona mi hazi djib’er ndata kuruzi á le min mamba, á ndjak vunazi tu, á hamul mazid’a mambur máma, gak zlad’a hAlonid’a ti ndak memet.

Vama ndum mbeina 17:6

An we atcha ndata nga d’i gurut ki buzuna hi suma hAlonina ki buzuna hi suma a tchazi yam glangâs mazi ma d’engzeng ma azi lum yam Jesus-na. Ata yima an watna, an le atchap ngola.

Vama ndum mbeina 18:20

Ndak akulod’a, agi suma a tinigi iragi vagi mAlonina ki suma a sunuzina ki suma djok vun Alona, agi lagi furîd’a yam b’lak mamba, kayam Alona mi kam wa sariyad’a kam kayam sun nda tcho d’a mam lagizid’a.

Vama ndum mbeina 18:24

A ka sariyad’a yam azì ma Babilon-na ni kayamba a tchi suma djok vun Alona azi ki suma hAlonina ki suma a tchazi yam andagad’a ka hina pet kurumba.

Vama ndum mbeina 19:20

Mi ve ambur máma ki ma djok vun ma ka zla ma lahle suma atchapma avoroma. Nahle suma atchap suma mi lop ki suma a ve nomrod’a hamburâ ki suma a kud’or vama a yoromzina. Mi ve ambur máma ki ma djok vun ma ka zlad’a, mi tchuguzi karid’a kur apo d’a aku d’a bibiliu d’a ngal ki sufred’id’a.

Vama ndum mbeina 20:4

An we zlumiyô suma amula. Suma a nga kaka kazina a hazi ad’enga á ka sariyad’a. An we tad’a hi suma a ngad’azi yazi kayam a tchi wal zla d’a gagazi d’a Jesus mi ndat teid’a ki zlad’a hAlonid’ina. Ni azi suma a kud’or nga ambur máma ki vama a yoromzina d’uo na, ni azi suma a ve nga nomrod’a hambur mámid’a avorozi d’oze bigazi d’uo mi na. Azi tchol akulo, a nga karid’a á te leud’a ki Christ bizad’a dubu.