Vama ndum mbeina 13:1 - Bible azumeina

¹ Bugola, an we ambur ma dingâ kadifa dogo ki yamba kid’iziya, mi ndeï kur alum ma ngolâ. Avavala ti nga yam adif ma lara ge pet, simi ma ngul Alona mi nga b’ira kam akulo mi.

Vama ndum mbeina 13:1 ပူးပေါင်းရင်းမြစ်များ

Jeremi 5:22

Ma didina mi de kua ala: Agi nga lan mandaran nduo zu? Agi nga zlagagi avoron nduo zu? An ni ma he alum ma ngolâ lesâ á haga d’a didindina. Mam ndak á tchila kat tuo mi. Abil mama nga mi sulula, wani mi nga kad’enga á kal lei kat ti, nga mi le abilâ guguzlubut, wani nga mi tchila woi kat tuo mi.

Daniel 11:36

Amulâ mba mi le vama hurum minima, mba mi hle yam akulo, mba mi djib’er ala mam kal alo ma dingâ pet. Mba mi de zla d’a ndak á ded’a d’uo d’a yam Alo ma yam alona petna, mba mi i avogovok kur sun mamba, gak Alona mba mi tak ayî mama woyo. Ata yi máma Alona mba mi ndak vun vama mam nga hurum kama.

Daniel 2:41

D’igi ang we asem ma biyarâ hi vama tcheta ki tchitchid’am lubu ma ab’lorina abo tu kawei ma wurana abo tu na, leu ndata mba d’i wal kä. Wani ang mba we vama dingâ kurut d’igi kawei ma wura ma ad’engâ na, kayam ang we kawei ma wurana gizeîd’a ki lubu ma ab’lorina.

Vama ndum mbeina 11:7

Fata azi dap wal mazi d’a tchid’id’a, amburâ mba mi ndeï woi kur zul la yiyikina mba mi dur ayîna ki sed’eziya, mba mi kus kaziya, mba mi tchazi mi.

Vama ndum mbeina 12:3

Vama simat ma dingâ mi tcholï akulo. Gol wani, nambur dragon ma hleuna mi nga ki yamba kid’iziya kadifa dogo, avavala ti nga ata yam tutu pet mi.

Vama ndum mbeina 13:11

Bugola, an we ambur ma dingâ mi ndeï kä aduk andagad’a kadifa mbà d’igi adifa hi gor timinid’a na, nga mi de zlad’a d’igi dragona na.

Vama ndum mbeina 13:14

Mi vit suma yam andagad’ina woi kahle mam suma atchap suma a humzi á led’a avok ambur ma avok mámina. Mi de mi suma yam andagad’ina á yor vana á subur ambur ma a kam yam mbilâ ki mbigeu d’a fiyaka mi tchilâ.

Vama ndum mbeina 13:15

Ambur ma mbà máma mi fad’enga á he muzuk ka arid’a mi vama a yorom ma ambur ma avok mámina, kayam va máma mi de zlad’a, mi ndak á tchi suma a min kud’urom mbuo na.

Vama ndum mbeina 15:2

An we vana d’igi alum ma ngol ma ngal tchitchilingâ na, gizeîd’a kakud’a. An we suma a kus ayîna yam ambur máma, yam vama a yorom d’igi mam na na yam nomrod’a hi simiyêmbina mi. Azi nga tchola avun alum ma ngol ma ngal tchitchiling máma. Ading ma Alona mi hazizina mi nga abozi mi.

Vama ndum mbeina 16:13

Bugola, an we muzuk ma tchona hindi, mi hle tamî d’igi greneûna na. Mi buzuk kei avun dragona avun ambur máma, avun ma djok vun ma ka zlad’a mi.

Vama ndum mbeina 17:16

Adif ma dogo ma ang wuma kambur máma a mba noî atcha d’a gaulang ndata. A mba yo ahle matna pet, a mba arat gandilad’a, a mba mud’ut hliwid’u, a mba ngalat tei kakud’a mi.

Vama ndum mbeina 17:3

Muzu’â hAlonina mi vanu, malaikana mi i ki sed’en abagei hur fulâ. An we atchad’a ti nga kaka yam ambur ma hleu ma simi ma ngul Alona mi nga atama. Ambur máma nga ki yamba kid’iziya kadifa dogo mi.

Vama ndum mbeina 17:5

Simi ma mudurina a nga b’ira avorot ala Babilon nda ngola, arop suma gaulangâ asuziya, ahle suma ndjendje suma yam andagad’ina asuzi mi.

Vama ndum mbeina 19:19

An we amburâ kamulei suma yam andagad’ina ki b’rang mazid’a, a tok tazi á dur ayîna ki mam ma mi nga kaka yam akulumina ki b’rang mamba mi.