Vama ndum mbeina 12:4 - Bible azumeina

⁴ Andjawam nga d’i tan tchitchiu d’a a walat aduk hindid’a abot ma tuna, nga d’i tchugut kä yam andagad’a. Mi nga tchola avok atcha d’a nga d’i vuta, kayam mi lik gor ma ndat nga d’i vud’uma.

Vama ndum mbeina 12:4 ပူးပေါင်းရင်းမြစ်များ

Buzuk ka Abud’a 1:16

Le agi vud’ugi arop suma Hebre-na, le agi wagi ni gor mandjufâ ni, agi tchum mbeyo; le ni gor atchad’a ni, agi arat bei tchid’a.

Isai 27:1

Kur bur máma Ma didina mba mi hle mbigeu mam mba ngol la ad’eng nga fiyaka á ngop kambur ma a yum ala Leviyatan gugui ma djang heîna, d’oze Leviyatan gugui ma gunda. Mam mba mi tchi dragon ma nga kä kur alum ma ngol mámina woyo.

Jean 8:44

Agi suma abugi ni Diable-na, agi min lagi ni minda habugid’a. Mam mi ma tchi matna kad’u tinda dei, mi nga mi tit yam gagazid’a d’i, kayam zla d’a gagazid’a nga kurum mbi. Ata yima nga mi de zla d’a kad’ina, mi de ni yam mam tamba, kayam mam mi ma ka zlad’a, ni zla d’a kad’a abut mi.

1 Pierre 5:8

Ar agi kagagi ki ndjola, agi kagagi iragi sik, kayam Diable magi ma djangûna nga mi tit d’igi azlo ma nga mi tchi á hal nge ma mam vum á mutnina na.

Vama ndum mbeina 12:7

Ata yi máma, ayîna mi tchol akulo hur alona. Michel ki malaika mama a nga dur ayîna ki dragona, dragona ki malaika mama a nga dur ayîna ki Michel mi.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.

Vama ndum mbeina 13:2

Ambur ma an wuma, mi hle tamî d’igi sindilâ na, asemî d’igi ursâ na, vunamî d’igi azlona na. Dragona mi hum ad’eng mamba, mi hum zla mam mba amula ki yam mam mba te d’a ngola mi.

Vama ndum mbeina 13:4

Suma duniyad’a pet a nde kud’or dragon máma kayam mam had’eng mamba mambur máma, a kud’or ambur máma mi. A dala: Ni nge mi hle tam d’igi ambur máma na ge? Ni nge ndak á dur ayîna ki sed’em ge?

Vama ndum mbeina 16:13

Bugola, an we muzuk ma tchona hindi, mi hle tamî d’igi greneûna na. Mi buzuk kei avun dragona avun ambur máma, avun ma djok vun ma ka zlad’a mi.

Vama ndum mbeina 17:18

Atcha d’a ang wata, nazì ma ngol ma nga mi te yam amulei suma nglo suma yam andagad’ina.

Vama ndum mbeina 20:2

Mi ve dragona, nala, gugui ma mamar máma, nala, Diable d’oze Seitan, mi djinim kä á le bizad’a dubu.

Vama ndum mbeina 8:10

Malaika ma hindina, mi bu adif mamba. Tchitchiu d’a ngola ti tcholï akulo nga d’i ngal d’igi akud’a na. Ti ndeï kä yam alum ma a walam mbei aduk hindina abom ma tuna, yam mbiyo ma laud’a mi.

Vama ndum mbeina 8:11

Tchitchiu ndata, simiyêt ala Aglara. Mbiyo ma a walam mbei aduk hindina abom ma tuna mi mbut aglara, suma ablaud’a a bo kayam azi tche mbiyo máma, kayam mi mbut aglara.

Vama ndum mbeina 8:12

Malaika ma fid’ina, mi bu adif mamba. A tum afat ta a walat aduk hindid’a abot ma tuna, a tum til ma a walam aduk hindina abom ma tuna, a tum tchitchiu d’a a walat aduk hindid’a abot ma tuna, kayambala abozi ma tutuna mi b’o d’uo d’a, falei d’a a walat aduk hindid’a abot ma tuna mi ba bei b’od’a d’a, andjege d’a a walat aduk hindid’a abot ma tuna mi le ni na mi.

Vama ndum mbeina 8:7

Malaika ma avo’â, mi bu adif mamba. Mogoina kakud’a gizeîd’a ki buzuna a tchugï kä yam andagad’a. Andaga d’a a walat tei aduk hindid’a abot ma tuna mi ngal leyo, agu ma yam andaga ma a walam mbei aduk hindina mi ngal leyo, asu ma ngloma pet mi ngal lei mi.

Vama ndum mbeina 8:8

Malaika ma mbàna, mi bu adif mamba. Ahina d’a nglo d’a vakud’a, ti dris kä aduk alum ma ngolâ. Alum ma a walam mbei aduk hindina abom ma tuna mi mbut buzuna.

Vama ndum mbeina 8:9

Ahle suma ari suma a nga kur alum ma ngolâ suma a walazi aduk hindina abozi ma tuna mi bo woi pet, batod’a a walat aduk hindid’a abot ma tuna mi b’lak kei pet mi.

Vama ndum mbeina 9:10

Andjawazi ti ni d’igi andjau hurd’ud’a na; nata andjawazi ba, azi nga kad’enga á ge suma tilâ vahl.

Vama ndum mbeina 9:19

Kayam akulumei ndazina ad’eng mazid’a navunazi kandjawazi mi. Andjawazi ni d’igi guguyona na. Azi nga ki yamba, ni d’a azi nga le ki suma tchod’id’a.