Vama ndum mbeina 12:3 - Bible azumeina

³ Vama simat ma dingâ mi tcholï akulo. Gol wani, nambur dragon ma hleuna mi nga ki yamba kid’iziya kadifa dogo, avavala ti nga ata yam tutu pet mi.

Vama ndum mbeina 12:3 ပူးပေါင်းရင်းမြစ်များ

Isai 27:1

Kur bur máma Ma didina mba mi hle mbigeu mam mba ngol la ad’eng nga fiyaka á ngop kambur ma a yum ala Leviyatan gugui ma djang heîna, d’oze Leviyatan gugui ma gunda. Mam mba mi tchi dragon ma nga kä kur alum ma ngol mámina woyo.

Isai 51:9

Ma didina, ang zlit akulo atogo zak kad’eng manga, ang zlit akulo d’igi ang zlit adjeu kur atchogoi d’a kal lei dedeid’a na. Ni ang ba, tchi ambur ma Ezipte-na, ang tchok ambur ma a yum ala Dragon ma kur alum ma ngolîna mbilâ mi d’uo zu?

Isai 9:15

Suma a nga tak lovota mi sum ndazinina a vid’izi ni woyo, suma a nga tit ad’uzina a hle ni lovot ta tchod’a mi.

Daniel 2:41

D’igi ang we asem ma biyarâ hi vama tcheta ki tchitchid’am lubu ma ab’lorina abo tu kawei ma wurana abo tu na, leu ndata mba d’i wal kä. Wani ang mba we vama dingâ kurut d’igi kawei ma wura ma ad’engâ na, kayam ang we kawei ma wurana gizeîd’a ki lubu ma ab’lorina.

Daniel 2:42

D’igi ang we tchitchid’asem vama tcheta abo tu kawei ma wurana abo tu lubu ma ab’lorina na, ni vama taka ala leu ndata abot tu mba mi tchol ad’enga, abot ma hina mba mi lamangeîd’a mi.

Daniel 7:20

An hal wad’ud’a yam aduvei suma dogo suma a nga kama, yam adif ma gor ma deî adigazi ma mi tchuk suma hindina kä woi avorom ma nga ki ira ma zla d’a de d’a subur tad’a ndavunam ma mi kal ndrom suma dingâ petna mi.

Daniel 7:24

Aduvei suma dogo ndazina namulei suma dogo suma a mba tchol kur leu ndatina. Ma dingâ mba mi tcholï blogoziya, wani mi nga d’igi suma avo’â na d’i. Mam mba mi kus yam amuleina hindi adigaziya.

Vama ndum mbeina 12:1

Vama simat ma ngolâ mi ndeï akulo. Atchad’a ti tchuk afata d’igi barud’a na, tilâ nga kä ad’u ased’u, avaval la tchitchiud’a dogo yam mbà ti nga kulupa kad’u.

Vama ndum mbeina 12:13

Ata yima dragona mi wala a gumï kä woi yam andagad’a da na, mi nde mi ring ad’u atcha d’a vut gor mandjufîd’a.

Vama ndum mbeina 12:17

Dragona mi mbut ayîna, mi kak djangûna katcha ndata, mi i á dur ayîna kandjavat ma arâ ki suma pet suma a ge yazi kä ad’u vun ma hed’a hAlonina ki suma d’engzeng suma a nga tit yam gagazi d’a Jesus mi ndat teid’ina.

Vama ndum mbeina 12:4

Andjawam nga d’i tan tchitchiu d’a a walat aduk hindid’a abot ma tuna, nga d’i tchugut kä yam andagad’a. Mi nga tchola avok atcha d’a nga d’i vuta, kayam mi lik gor ma ndat nga d’i vud’uma.

Vama ndum mbeina 12:7

Ata yi máma, ayîna mi tchol akulo hur alona. Michel ki malaika mama a nga dur ayîna ki dragona, dragona ki malaika mama a nga dur ayîna ki Michel mi.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.

Vama ndum mbeina 13:1

Bugola, an we ambur ma dingâ kadifa dogo ki yamba kid’iziya, mi ndeï kur alum ma ngolâ. Avavala ti nga yam adif ma lara ge pet, simi ma ngul Alona mi nga b’ira kam akulo mi.

Vama ndum mbeina 13:2

Ambur ma an wuma, mi hle tamî d’igi sindilâ na, asemî d’igi ursâ na, vunamî d’igi azlona na. Dragona mi hum ad’eng mamba, mi hum zla mam mba amula ki yam mam mba te d’a ngola mi.

Vama ndum mbeina 13:4

Suma duniyad’a pet a nde kud’or dragon máma kayam mam had’eng mamba mambur máma, a kud’or ambur máma mi. A dala: Ni nge mi hle tam d’igi ambur máma na ge? Ni nge ndak á dur ayîna ki sed’em ge?

Vama ndum mbeina 15:1

An we vama simat ma ding ma ngol ma atchapma sä akulo. Malaikana kid’iziya a nga ki tugud’ei d’a tchod’a kid’iziya aboziya. Ni tugud’ei d’a tcho d’a danan nda dap vun ayîna hAlonid’a.

Vama ndum mbeina 16:13

Bugola, an we muzuk ma tchona hindi, mi hle tamî d’igi greneûna na. Mi buzuk kei avun dragona avun ambur máma, avun ma djok vun ma ka zlad’a mi.

Vama ndum mbeina 17:12

Adif ma dogo ma ang wuma namulei suma dogo suma a nga bei tin ad’ud’a á te yamba tua na. Wani azi mba fad’enga á te yamba zlapa kambur máma lera tu.

Vama ndum mbeina 17:16

Adif ma dogo ma ang wuma kambur máma a mba noî atcha d’a gaulang ndata. A mba yo ahle matna pet, a mba arat gandilad’a, a mba mud’ut hliwid’u, a mba ngalat tei kakud’a mi.

Vama ndum mbeina 17:7

Malaikana mi dan ala: Ni kayam me ba, ang le atchap ke? An mba ni vang ad’u simi ma mudurina hatcha ndata kambur ma nga mi zit ma yam kid’iziya kadifa dogona woi mi.

Vama ndum mbeina 19:12

Iram mba gola ni d’igi aku d’a ngala na, avaval la ablaud’a ti nga kamu. Mi nga ki simina b’ira ma sana mi ndak á wum mbuo na, ni mam hol ba, wumu.

Vama ndum mbeina 20:2

Mi ve dragona, nala, gugui ma mamar máma, nala, Diable d’oze Seitan, mi djinim kä á le bizad’a dubu.