Vama ndum mbeina 12:10 - Bible azumeina

¹⁰ Bugola, an hum del la ad’eng nga ti tcholï akulod’a, ti dan ala: Ki tchetchemba, suta kad’enga ki leud’a hAlo meinid’a kad’enga hi Christ mamid’a a mba wa, kayam ma tchuk zlad’a yam b’oziyoina avok Alo meina andjege ki faleina, a gumïya wa kä woi yam andagad’a da’.

Vama ndum mbeina 12:10 ပူးပေါင်းရင်းမြစ်များ

1 Sunda Hamuleinid’a 29:11

Ma didina, ngola, sib’ika, subura, wiled’a ki yam mba ted’a ni mangâ! Gagazi, akulod’a kandagad’a pet azi ni mangâ, kayam angî ma te yamba, angî ma akulo yam ahlena petna.

Wana ni mbaktumba hi Job-pa 1:11

Ang le hlabong dom ahle mama ni, an we woi tetet ala mam mba mi ngulung avunang ka tchetchem!

Wana ni mbaktumba hi Job-pa 1:9

Seitan mi hulong de mi Ma didina ala: Job mi lang mandarang ang Alona ni hawa zu?

Wana ni mbaktumba hi Job-pa 2:5

Wani le ang hlabong ang dom asogom ki hliwimu ni, an we woi tetet ala mam mba mi ngulung avunang ka tchetchem!

Sawal la giled’a 22:28

Suma yam andagad’ina pet a mba djib’er yam Ma didina, a mba mbeï gevemu; andjaf suma pet a mba grif kä andaga avoromu.

Sawal la giled’a 45:6

Yeû manga siyat ni feta dedelem. Ang mba yet ki mang suma djangûna; azi mba puk kä avorongû.

Daniel 2:44

Kur atchogoid’a hamulei ndazinid’a, Alo ma sä akulona mba mi tin leu d’a ding nga a mba b’lagat tei d’uo d’a. Andjaf suma dingâ a mba te kat ti. Leu ndata mba d’i to leu mazi ndata woi kikizek, ti mbud’ut vama hawana, wani ndat tata mba d’i ar kaka gak didin.

Matiye 26:64

Jesus mi dum ala: Ang de wa da’. Wani an nga ni dagiya, ki tchetchemba agi mba wagi an Gor Sana ni sä kaka ata bik ka ndjufa hAlo ma ad’engîd’a, agi mba wan an mbeï kur d’ugula mi.

Matiye 28:18

Jesus mi mba, mi dazi ala: Ad’eng nga akulod’a ki d’a yam andagad’id’a pet, Alona mi handjiya.

Matiye 6:10

Ar ang mba á te leu manga yam andagad’a. Ar suma a le min manga yam andagad’a d’igi a nga lat sä akulo na mi.

Wana ni Zla d’a Djivi d’a Luc mi b’irita 11:2

Jesus mi dazi ala: Le agi tchenegiya ni, agi dagi ala: Abumiya, ar suma pet á suburung simiyêngû. Ar ang mba á te leu manga yam andagad’a.

Wana ni Zla d’a Djivi d’a Luc mi b’irita 22:31

Jesus mi de kua ala: Simon, Simon, gola! Seitan nga mi tchen kagi á yigigi d’igi suma a yik awuna na,

1 Korente-na 5:4

Ata yima agi nga togogina, djib’er manda ti nga zlapa ki sed’egiya, ad’enga hi Saleina Jesus Christ-sa ti nga adigagi mi,

2 Korente-na 12:9

Wani mi hulong dan ala: Suma manda ti ndagangû, kayam ata yima ad’engêng nga d’uo na, ad’eng manda ti ndak memet. Kayam ndata, an nga ki furî d’a ngola á subur tan yam amangeî manda, kayam ad’enga hi Christ-sa ti kak kanu.

Wana ni mbaktum mba Paul mi b’irit mi Tit-ta 2:3

Hina mi, ang de marop momorogeina a ka’î d’igi arop suma yed’etna na, a kad’u sa d’i, a gurut ki süma d’uo mi. Ang arazi a hat ni hat ta djivid’a,

1 Pierre 5:8

Ar agi kagagi ki ndjola, agi kagagi iragi sik, kayam Diable magi ma djangûna nga mi tit d’igi azlo ma nga mi tchi á hal nge ma mam vum á mutnina na.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Vama ndum mbeina 2:26

Suma a kus ayîna suma a ngom sun manda gak dabid’ina, an tanda mba ni hazi ad’eng nga Abun handjid’a, an mba ni hazi ad’enga á te yam andjaf suma mi. Azi mba gad’azi ki totogo d’a kawei ma wurana, a mba tozi woi d’igi suma a to dei ma sana minima woi na.

Vama ndum mbeina 7:10

A de ki delezi akulo ala: Sut meid’a ti tcholï nata Alo mei ma nga kaka yam zlam mba amulina ki Gor timina mi.