Vama ndum mbeina 11:5 - Bible azumeina

⁵ Le sana mi min á lazi tchod’a ni, akud’a mba d’i nde woi avunazi á b’lak mazi suma djangûna. Sama hal á lazi vana, a mba tchum mbei hina mi.

Vama ndum mbeina 11:5 ပူးပေါင်းရင်းမြစ်များ

Sawal la giled’a 18:8

Ata yima hurum zalâ, andagad’a yir gigidji, ti giget mi; ad’u ahuniyôna pet a yira, a giget mi.

Isai 11:4

Wani mba mi ka sariyad’a yam suma houd’a ki d’ingêra ki gagazid’a, mba mi we hohowa suma hohou suma yam andagad’ina, zla mam mba ded’a mba d’i mbut ni totogo d’a mi to ki suma yam andagad’ina, mba mi tchi ma asa’atna woi ki fo d’a avunamba mi.

Jeremi 1:10

Gola! An tining ini yam andjaf suma ki leud’a tala ang pat teyo, ang to kä woyo, ang b’lak keyo, ang pleî woyo, ang min akulo, ang pe mi d’a.

Jeremi 5:14

Ni kayam ndata ba, Ma didin ma ad’engêm kal petna mi dala: Kayamba azi de hina d’a, an nga ni tin zla man nda d’igi akud’a na d’a avunang ang Jeremi. Sum ndazina a mba mbut ni d’igi aguna na mi. Aku ndata mba d’i ngalazi woyo!

Ezekiyel 43:3

Vama mi nde tam mbei iran máma mi ni d’igi vama mi nde tam mbei iran adjeu ata yima Alona mi mba á b’lak Jerusalem-ma na, mi ni d’igi vama mi nde tam mbei kid’a an nga avun alum ma Kebar-rîd’a na mi. An grif kä avoromu.

Wana ni mbaktumba hi Oze-d’a 6:5

Kayam ndata, an nga ni zut suma djok vuna á togiya, an nga ni tchagi ki zla d’a de d’a avunanda. Sariya manda mba d’i ndeï woi d’igi b’o d’a faleid’a na.

Zakari 1:6

Wani zla manda ki vun ma hed’a suma an hazi mazungeî man suma djok vunina, a vabuyogi ngolo ki zlad’a. Azi hulongî gevenu, a djok tit mazid’a, a dala: Ma didin ma ad’engêm kal petna mi le ki sed’ei ni ngad’a yam sun meid’a ki tit meid’a d’igi mi nga hurum na.

Zakari 2:8

Ma didin ma ad’engêm kal pet ma ganï sundina, mi de zla d’a ndaka yam andjaf suma a hurumugina ala: Sama lara ma dogina mi don ni iran nda aduka.

Vama ndum mbeina 13:13

Ambur ma mbà máma mi lahle suma atchapma ngola gak akud’a ti tcholï akulo, nga d’i yak kä kus kus ir suma pet.

Vama ndum mbeina 9:17

Ata yima vana nde tam mbei irana, an we akulumeina ki suma a nga kazina, azi nga ki kongrong ma hleuna d’igi akud’a na, botlozid’a d’igi safira na, grumgrum d’igi sufred’a na. Yam akulumei ndazina ni d’igi yam azlona na. Akud’a nga d’i buzuk kei avunazi kandosâ d’igi andosâ hi sufred’ina na.