Vama ndum mbeina 11:3 - Bible azumeina

³ An mba ni sun man suma glangâsâ mbà, a mba tchuk baru d’a ndjondjorod’a ataziya, a mba djok vun Alona woi burâ dubu yam kikis mbà yam dok karagaya.

Vama ndum mbeina 11:3 ပူးပေါင်းရင်းမြစ်များ

Ad’u Tinda 37:34

Jakob mi haû baru ma atama woyo, mi djin ziyona furumu, mi tchi goroma burâ ngola.

2 Samuel 3:31

David mi de mi Jowap azi ki suma ad’uma ala: Agi hawâgi baru ma atagina woyo, agi djinigi talagad’a furugiya, agi tchigi Apner. Amulâ David nga mi tit bugol mad’a Apner.

1 Amuleina 21:27

Ata yima amulâ Ahap mi hum zla d’a ded’a hi Ma didinid’ina, mi hulong yam kä, mi haû baru mama woyo, mi tchuk baru ma ndjondjorona atamu, mi d’el tam bei te tena, nga mi tit ni ki baru ma ndjondjoro mama, mi bur ki kä mi, nga mi tit hina lalam.

2 Amuleina 19:1

Kid’a amulâ Ezekiyas mi hum zla ndatid’a, mi haû baru mama woyo, mi tchuk baru d’a dodora atamu, mi i kur gong nga kud’ora hi Ma didinid’a.

1 Sunda Hamuleinid’a 21:16

David mi hle iram akulo, mi we malaikana hi Ma didinina, mi nga tchola aduk andagad’a kakulod’a, mbigeu d’a fiyaka nga pata woi abomu, mi mbut iram yam azì ma Jerusalem-ma. Ata yi máma David ki suma nglo suma a tchuk baru d’a dodora atazina, a grif kä ki irazi andaga.

Nehemi 9:1

Kur bur ma dok mbà yam fid’ina hi til mámina, Israel-lâ a tok taziya, a d’el tazi bei te tena, a tchuk baru d’a ndjondjorod’a ataziya, a tchuk andagad’a kazi mi.

Wana ni mbaktumba hi Job-pa 16:15

An tchuk baru d’a ndjondjorod’a atanu, an pe yan kä aduk andagad’a.

Sawal la giled’a 69:11

An nga ni le tan ndaka, an nga ni d’el tan bei te tena mi, wani a mbut ni vama ngula kanu.

Isai 22:12

Salad’a Ma didin ma ad’engêm kal petna mi yagi kur bur máma ná tchina, ná yor tad’a, ná welegi yagi woyo, ná tchugugi baru d’a dodora atagi mi.

Jeremi 1:10

Gola! An tining ini yam andjaf suma ki leud’a tala ang pat teyo, ang to kä woyo, ang b’lak keyo, ang pleî woyo, ang min akulo, ang pe mi d’a.

Hor ma tchina 2:10

Suma nglo suma Jerusalem-ma a kak nga kä aduk andagad’a ki vunazi ma du’â, a nga ko andagad’a kaziya, a tchuk baru ma ndjondjorona ataziya. Yugunei suma Jerusalem-ma a tchok yazi kä andaga mi.

Ezekiyel 4:6

Le bur máma mi dap wa ni, ang djok burâ yam bigang nga ndjufa, ang mba zi tchod’a hi suma Juda-nid’a gak burâ dok fid’i. Biza d’a lara pî, an mba ni ndumung burâ ngad’a kad’u.

Daniel 12:7

Sama tchuk baru d’a luluîd’a atama, mi yo abom akulo hur alona ki zla tam djak. An hum mi dala: An gun tan ki simiyê Alo ma gak didina. Ahle ndazina a mba le gak bizad’a hindi ki nusa, a mba dap pei ni fata ad’enga hi suma hAlonina mba d’i dap peid’a.

Daniel 7:25

Mam mba mi de zla d’a tchod’a yam ma sä akulo ma kal teglesâ, mba mi djop vun sum mama mi. Mam mba mi nga hurum á mbut bur tilâ ki gata hAlonid’a kä. Ma sä akulo ma kal teglesâ mba mi hum sum mama abom gak bizad’a hindi ki nusa.

Daniel 8:14

Malaika máma mi hulong dum ala: Gak fladeged’a ki yorogod’a 2300 mi. Bugola, a mba tin gong nga kud’ora hAlonid’a irat vat tin nda dinga kua.

Joel 1:13

Agi suma ngat buzuna, agi tchugugi dodora atagiya, agi yorogi tagiya. Agi suma lagi sunda ata yima ngal ahle suma ngat buzunina, agi tchigiya. Agi suma lagi sunda mAlo manina, agi tchugugi dodora atagiya, agi mbeï burugi kä andjege. Kayam a nga mba ki he d’a hawa d’a afuta ki he d’a hawa d’a süm guguzlud’a kur gong nga kud’ora hAlo maginid’a d’uo d’a.

Jonas 3:5

Suma Ninif-fâ a he gagazid’a yam Alona, a d’el tazi bei te tena pepet; suma beged’a ki suma houd’a a tchuk baru d’a dodora ataziya.

Jonas 3:8

Ar suma ki d’uwarâ a tchuk baru d’a dodora ataziya, a tchi avok Alona ki delezi akulo, nge nge pî mi ar tcho mamba ki so vun mama woyo.

Ndumba 11:26

Suma mbà a ar nga kä kur kangâ, ma tuna a yum ala Eldat, ma mbàna a yum ala Medat. Muzu’â mi kak kaziya, kayam azi ni suma a b’irizi aduk suma dok kid’iziyana mi, wani azi iza nga avun zlub’ud’a d’i. A nde djok vuna kur kangâ.

Matiye 11:21

Mi dazi ala: Ni zla d’a hohoud’a kagi agi suma Korazin-na. Ni zla d’a hohoud’a kagi agi suma Betsaida-na. Kayam an ladjï sun nda ndandal la wanda aduk suma Tir-râ ki suma Sidon-na d’igi an lat adigagi agi na ni, azi mbut wa huruzi dedei, a tchuk wa baru d’a dodora ki butna kazi mi.

Matiye 18:16

Wani le mi humung nga d’uo ni, ang ve sana tu d’oze mbà, kayam glangâsâ hi suma mbà d’oze hi suma hindina ni zla d’a ndaka.

Wana ni Zla d’a Djivi d’a Luc mi b’irita 10:13

Jesus mi had’azi kua ala: Ni zla d’a hohoud’a kagi agi suma Korazin-na. Ni zla d’a hohoud’a kagi agi suma Betsaida-na. Kayam an ladjï le sun nda ndandal la wanda aduk suma Tir-râ ki suma Sidon-na d’igi an lat adigagi agi na ni, azi mbut wa huruzi dedei, a tchuk wa baru d’a dodora ki butna kaziya.

Wana ni Zla d’a Djivi d’a Luc mi b’irita 24:48

Agi ni suma glangâsâ yam ahle ndazina.

Jean 15:27

Agi mba lagi glangâsâ kan mi, kayam agi nga ki sed’en ni kad’u tinda dei.

Jean 3:27

Jean mi hulong dazi ala: Le Alona mi he va mi sa d’uo ni, sana mi ndak á le va yam tam mbi.

Sunda hi suma a sunuzinid’a 1:8

Wani fata Muzuk ma bei tchod’a ba na mba mi mba kagid’a, agi mba fagi ad’enga, agi mba mbud’ugi man suma glangâsâ kur Jerusalem ki Jude pet ki Samari gak dabid’a handagad’id’a.

Sunda hi suma a sunuzinid’a 13:31

Jesus mi tak tam mbei burâ ablaud’a mi suma a tcholï ki sed’em Galile a i ki sed’em Jerusalem-ma, ni suma a nga le glangâsâ kam mi Israel-lâ ki tchetchembina mi.

Sunda hi suma a sunuzinid’a 2:32

Ni Jesus máma ba, Alona mi tcholom akulo; ami pet ni suma glangâsâ yam zla ndata mi.

Sunda hi suma a sunuzinid’a 3:15

Agi tchagi Sala arid’a, wani Alona mi tcholom akulo aduk suma matna. Ami ni suma glangâsâ yam zla ndata.

1 Korente-na 12:28

Ni kayam ndata ba, Alona mi tin suma kur Toka. Suma avo’â ni suma a sunuzina, suma mbàna ni suma djok vun Alona, suma hindina ni suma hat suma. Bugola, ni suma lahle suma ndandalâ, suma dingâ a nga kad’enga á sut suma tugud’eid’a teteng, suma dingâ ni suma ndjun suma, suma dingâ ni suma d’op suma, suma dingâ Alona mi hazi he d’a hawad’a á de vuna hi suma tetengâ mi.

2 Korente-na 13:1

Wana ni i manda yan á hindid’a á iza hatagid’a. D’igi mbaktumba hAlonid’a ti de na ala: Le zla d’a glangâsâ hi suma mbà d’oze hindid’a ti ndjak tu yam sama a tchugum zlad’a kama ni, zlad’a mba d’i vumu.

Efes-sâ 4:11

Mi he suma dingâ á mbut suma a sunuzina, suma dingâ á mbut suma djok vun Alona, suma dingâ á mbut suma tchi wal Zla d’a Djivid’a, suma dingâ á mbut suma pol suma ki suma hat suma mi.

Gat ta a hat á mbàd’id’a 17:6

Sama a tchugum zlad’a kama a mba tchumî yam glangâsâ hi suma mbà d’oze suma hindina tua; glangâsâ hi sama tuna, mi ndak nga á tchum mbi.

Gat ta a hat á mbàd’id’a 19:15

Moise mi de kua ala: Glangâsâ hi sama tunina, mi ndak nga á ve sama le tchod’a ki zlad’a d’i. Le tcho d’a tchi matna d’oze tcho d’a lara pî d’a mi lata, glangâs ma ve sana ki zlad’ina ni suma mbà d’oze suma hindi tua.

Vama ndum mbeina 11:2

Wani ang ar yima huyok gong nga kud’ora hAlonid’a bei ngad’a, kayam a humî mi suma bei wAlona. Azi mba miret azì ma ngolâ hAlonina kä kasezi gak tilâ dok fid’i yam mbà.

Vama ndum mbeina 11:6

Azi nga kad’enga á duk akulod’a á d’el alona mi se ata bur ma azi nga djok vun zlad’a hAlonina. Azi nga kad’enga á mbut mbina buzuna mi. Azi nga kad’enga kua á tum suma yam andagad’ina ki tugud’ei d’a tcho d’a lara ge teteng ata min mazid’a.

Vama ndum mbeina 12:6

Atcha ndata, ti ring abagei ata yima Alona mi minim katna, kayam mi hat tena burâ dubu yam kikis mbà yam dok karagaya.

Vama ndum mbeina 13:5

Ambur máma, a hum vun ma de zla d’a subur tad’a á ngul Alona. Mi fad’enga á le hina gak tilâ dok fid’i yam mbà.

Vama ndum mbeina 19:10

Ata yi máma, an puk kä asem á kud’uromu, wani mi dan ala: Ang gol tang djiviya, an ni ndrang ma sunda d’igi b’oziyong suma a ve zla d’a gagazi d’a Jesus mi ndat teid’a na. Ang kud’orî Alona hol. Zla d’a gagazi d’a Jesus mi ndat teid’a, ti zut suma djok vun Alona á dat teyo.

Vama ndum mbeina 20:4

An we zlumiyô suma amula. Suma a nga kaka kazina a hazi ad’enga á ka sariyad’a. An we tad’a hi suma a ngad’azi yazi kayam a tchi wal zla d’a gagazi d’a Jesus mi ndat teid’a ki zlad’a hAlonid’ina. Ni azi suma a kud’or nga ambur máma ki vama a yoromzina d’uo na, ni azi suma a ve nga nomrod’a hambur mámid’a avorozi d’oze bigazi d’uo mi na. Azi tchol akulo, a nga karid’a á te leud’a ki Christ bizad’a dubu.