Vama ndum mbeina 11:19 - Bible azumeina

¹⁹ Ata yi máma, a mal vun gong nga kud’ora hAlona d’a akulod’a woyo, a we zanduk ma vun ma djinda hAlonina mi nga tinda kur gong mamba. Ata yi máma, alona mi wile, dela ti de zlad’a, alona mi breyâ, andagad’a ti yira, alona mi se mogoina ngola mi.

Vama ndum mbeina 11:19 ပူးပေါင်းရင်းမြစ်များ

Sawal la giled’a 105:32

Mi ar zla d’a mi sazi alona kazid’a ta, mi sazi ni mogoina kazi kaku d’a ngal bibiliud’a yam ambas mazid’a zang.

Sawal la giled’a 18:12

Mi mbut nduvunda ni yi mam ma ngeid’a, ni zlub’u mam mba nguyumba; alo ma sed’a ki d’ugul la wurad’a a nguyum mi.

Isai 28:2

Gola! Sama ad’eng ma sib’ik ma Salad’a mi sunumina nga mi djïya. Mi ni d’igi alo ma se ki mogoinina na, mi ni d’igi babar ma ngol ma mi b’lak ahlenina na, mi ni d’igi alo ma mi se mbina heî ma hle yina d’igi toliyonda na na. Mam mba mi b’lak yam andagad’a woi kad’enga na mi.

Isai 29:6

Ma didin ma ad’engêm kal petna mba mi mba á ndjun kangî ki breîd’a halonid’a. Andagad’a mba d’i yir ki siwel la kal teglesa ki babar ma bibi’â ki sin aku d’a mba d’i ngal ahlena woid’a.

Isai 30:30

Ma didina mba mi de ki delem mba kal papad’a, mba mi tak abom ma zid’a woi zi á to ki suma kur ayî mam ma bibiliuna, aduk sin aku d’a nga d’i ngal yinid’a, aduk alo ma mi se ki babarâ ki mogoina mi na.

Isai 32:19

Wani mogoina mba mi kizak agud’a woi atogo zak, azì ma ngolâ mba mi feî mi.

Ezekiyel 13:11

Ang de mi suma a nga gulud’um ki lasod’ina ala: Alo ma se ma tchona mba mi mba, mogoi ma nglona mba mi yak kä, babar ma ngolâ mba mi mba. Gulumun máma mba mi to kä woyo.

Ezekiyel 13:13

Ni kayam ndata ba, an Salad’a Ma didina ni dala: Kur hur man ma zala, an mba ni mba ki babar ma ngolâ. Kur ayî mana, an mba ni mba kalo ma se ma tchona. Mogoi ma nglona mba mi yak kä kad’enga, mba mi b’lak ahlena woi pet.

Ezekiyel 38:22

An mba ni kang sariyad’a kang ki tugud’ei d’a tcho d’a tchi matna ki mat ma tchid’a mi. An mba ni salo ma kûkûna kang ki mogei ma nglona, zlapa kakud’a ki sufred’a yam andjaf suma ablau suma a nga zlapa ki sed’engâ mi.

Ndumba 10:33

A tchol yam ahinad’a hi Ma didinid’a a i á tit burâ hindi. Zandu’â hi Ma didinina nga mi i avorozi á hal yima azi tuk tazi kuana.

Ndumba 4:15

Le Aron azi ki groma a dap wa zlup yam ahle suma a tinizi irazi vazina kahle suma a le ki sunda ata yima a tinim iram vama da ni, ata yima agi igina, suma hi Kehat-na a mba, a yo ahle ndazina. Wani a do ahle suma a tinizi irazi vazina tala azi bö d’a d’i. Wana ni sun nda a hat mi suma hi Kehat-na kur zlub’u d’a ngaf tad’id’a.

Ndumba 4:5

Fata agi yogi á id’id’a, Aron azi ki groma a but baru d’a ka ira woyo, a zlubut yam zandu’â hAlonina.

Josue 10:11

Kid’a azi nga ring avok Israel-lâ a sulugot kä Bet-Horon-nda, Ma didina mi sazi mogoi ma nglona kazi ei akulo gak a mba Azeka; a bo ablaud’a. Suma a bo abo mogoinina ablaud’a kal suma Israel-lâ a tchazi ki mbigeu d’a fiyakina.

Vama ndum mbeina 11:13

Ata yi máma na wat, andagad’a ti yir gigidji, abo azì ma a walam aduk dogona, ma dogona mi dris kä, suma a bo dudubud’a kid’iziya abo yir ndata. Suma a arâ a le mandarâ, a subur Alo ma akulona.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Vama ndum mbeina 12:1

Vama simat ma ngolâ mi ndeï akulo. Atchad’a ti tchuk afata d’igi barud’a na, tilâ nga kä ad’u ased’u, avaval la tchitchiud’a dogo yam mbà ti nga kulupa kad’u.

Vama ndum mbeina 16:1

An hum dela ngola ti tcholï kur gong nga kud’ora hAlonid’a. Ti de mi malaika suma kid’iziyana ala: Agi i vogi ayîna hAlona ma nga kur angulei suma kid’iziyanina woi yam andagad’a.

Vama ndum mbeina 16:18

Ata yi máma, alona mi wile, mi breyâ, dela ti de zlad’a, andagad’a ti yir gigidji mi. Kid’a Alona mi ge sana yam andagad’a deid’a, andagad’a ti yir nga yir ra ngola hina d’a yat tu d’i.

Vama ndum mbeina 16:21

Mogoi ma nglona mi tcholï akulo, nga mi yak kä yam suma. Anek mamba ni kilona dok fid’i. Suma a ngul Alona abo mogoi ma tcho mama kayam mi yagï kä ngola heî.

Vama ndum mbeina 19:11

An we akulod’a ti mal leyo, akulum ma hapma mi nde woi kuru. Ma nga kama a yum ala Ma d’engzeng ma gagazina. Nga mi ka sariyad’a, nga mi dur ayî ma d’ingêrâ mi.

Vama ndum mbeina 4:1

Bugol ahle ndazina, vama dingâ mi nde tam mbei iranu. An we vun azì ma akulona mi mal leyo. Del la ti tchi d’igi adifa na d’a an humut avoka ti dan ala: Ang djagï ka hî. An mba ni tagang ahle suma a nga mba bugolâ.

Vama ndum mbeina 4:5

Wiled’a ki siwela ki breîd’a halonid’a a buzuk kei ata zlam mba amul ndata. Lalam mba akud’a kid’iziya nga d’i ngal avok zlam ndata, azi ni muzuk ma kid’iziyana hAlonina.

Vama ndum mbeina 7:15

Kayam ndata, azi nga tchola avok zlam mba amula hAlonid’a, a nga le sunda mAlona andjege ki falei kur gong mamba. Mam ma nga kaka yam zlam mba amulina mba mi tin iram kaziya, mba mi ngomozi mi.

Vama ndum mbeina 8:5

Malaikana mi hle angala, mi oyôt kaku d’a nga ata yima ngal dubang ma his djivid’ina, mi gat yam andagad’a. Ata yi máma na wat, alona mi wile, mi breyâ, dela ti de zlad’a mi. Ata yi máma, andagad’a ti nde yira.

Vama ndum mbeina 8:7

Malaika ma avo’â, mi bu adif mamba. Mogoina kakud’a gizeîd’a ki buzuna a tchugï kä yam andagad’a. Andaga d’a a walat tei aduk hindid’a abot ma tuna mi ngal leyo, agu ma yam andaga ma a walam mbei aduk hindina mi ngal leyo, asu ma ngloma pet mi ngal lei mi.