Vama ndum mbeina 11:15 - Bible azumeina

¹⁵ Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Vama ndum mbeina 11:15 ပူးပေါင်းရင်းမြစ်များ

Sawal la giled’a 110:4

Ma didina mi gun tamu, mba mi hulong bugol li. Mi dala: Angî ma ngat buzuna gak didin d’igi Melkisedek na.

Sawal la giled’a 146:10

Ma didina mba mi te yamba gak didin. Siyon, Alo ma’â ni ma nga kaka kur atchogoi d’a lara ge petna. Agi gilegi Ma didina!

Sawal la giled’a 2:2

Amulei suma yam andagad’ina a tchol ki huneîd’a, suma te yamba a ndjak vunazi tu á kak djangûna ki Ma didina ki ma mam minim tinim amulina.

Sawal la giled’a 72:11

Amuleina pet a mba grif kä avoromu, andjaf suma pet a mba mbut ni magumei mama mi.

Sawal la giled’a 82:8

Alo mana, ang tchol akulo, ang ka sariyad’a yam suma yam andagad’ina, kayam angî Sala andjaf suma yam andagad’ina pet.

Sawal la giled’a 86:9

Salad’a, andjaf suma ang lazina pet, a mba grif kä avorongû, a mba suburung simiyêng mi.

Buzuk ka Abud’a 15:18

Ma didina, ang mba tamula bei dabid’a gak didin!

Isai 27:13

Kur bur máma a mba bu adif fa ngola. Ata yi máma suma a vit tei yam ambas sa Asiri-d’a ki suma a ndjoî woi yam ambas sa Ezipte-d’ina pet a mba mba, a mba grif kä avok Ma didina yam ahina d’a a tinit irat vat ta avo Jerusalem-mba.

Isai 44:23

Ndak akulod’a, ndak ayâ, kayam Ma didina mi le wa va. Ndak andaga d’a ad’ut ta kä yiyika, ndak er ad’uk akulo ki furîd’a. Agi ahuniyôna, agi eregi ad’ugi akulo, agi ayâgiya. Ndak agud’a kagu ma adiga’â pet, agi lagi furîd’a mi. Kayam an Ma didina ni wurak wa yam suma hi Jakob-ma, nga ni tak subur manda woi aduk Israel-lâ mi.

Isai 55:5

Gola! Ang mba yi andjaf suma ang wazi nga yang tu d’uo na; andjaf suma a wang nga yazi tu d’uo na a mba ring geveng zuzuk, yam an Ma didina Alo mang ma tin tan irat vat yam Israel-lâ ma ni hang ngolîna.

Isai 9:7

Ma didina mi sunï zlad’a á ngop suma hi Jakob-ma, ti nde yam Israel-lâ.

Jeremi 16:19

Jeremi mi dala: Ma didina, angî ad’eng manda, angî gulumun mana, angî yi man ma ngeid’a kur bur ma ndaka. Andjaf suma yam andagad’ina pet a mba mbeï gevengû, a mba dala: Abuyomi ngolo a tin huruzi ni yam filei ma hawa ya’â, ni vama hawa yak ma ndak á le va d’uo na.

Ezekiyel 37:25

Azi mba kak yam andaga d’a an hat mazong mana Jakob pa abuyozi ngolo a kak kuad’a. Azi tazid’a, grozina ki grozi ngolona a mba kak kua ki irazi fafat. Azong mana David mba mi tamula kazi gak didin mi.

Ezekiyel 47:5

Mi nga yina á dabid’a kua metred’a kikis vahl, wani an ndak á djak mbina d’uo d’a, kayam mbina mi mbut ni toliyon nda zul la yiyik ka sana mi ndak á djagat tuo d’a.

Daniel 7:14

Ma abizei ma dedei máma mi hum ad’eng nga te yamba, subura ki leu d’a ted’a. Andjaf suma ki suma ad’u vun ma ded’a tetengâ pet a nga lum sunda. Yam mam mba ted’a ni d’a didin nda bei dabid’a ba d’a, leu mamba nga d’i b’lak kei d’uo mi.

Daniel 7:18

Wani suma ma sä akulo ma kal teglesâ mi tinizi irazi vazina a mba hle leud’a, a mba te leud’a kur atchogoi d’a lara ge pet gak didin.

Daniel 7:22

gak ma bizei ma dedeina mi mba á ka sariya d’a d’ingêra hi suma ma sä akulo ma kal teglesâ mi tinizi irazi vazina, gak kur bur ma suma a tinizi irazi vazina a te leud’ina.

Daniel 7:27

Leud’a, yam mba ted’a ki ngola hi suma kur leu d’a yam andagad’a ka hid’a pet, a mba hat mi suma Ma sä akulo ma kal teglesâ mi tinizi irazi vazina. Leu mam mba ted’a ni leu d’a gak didinda. Suma te yamba pet a mba lum sunda, a mba ge yazi kä avorom mi.

Wana ni mbaktumba hi Oze-d’a 2:23

An Ma didina nga ni dagu: Kur bur máma an mba ni arî Alo ma hulong humba, an mba ni hulong humba makulod’a. Akulod’a mba d’i hulong humba mandagad’a,

Abdiyas 1:21

Suma a sutna a mba djak akulo yam ahina d’a Siyon-nda, a mba te yam ahina d’a Edom-mba mi. Ma didina mba mi kak amula!

Mise 4:7

Suma dileîd’a an mba ni sud’uziya, suma a yozi magomba woi adjeu deina a mba mbut andjaf ma sib’ika. An Ma didina mba ni te kazi yam ahina d’a Siyon-nda tinï ad’ud’a ata yi máma dei gak didin.

Zakari 14:9

Ma didina mba mi ka’î amul ma yam andagad’a petna. Kur bur máma mba mi ar Ma didina ni mam tu go, simiyêm mba mi arî mam tu go mi.

Zakari 2:11

Kur bur máma andjaf suma ablaud’a a mba reî ki an Ma didina, a mba mbut sum mana, an mba ni kak adigagiya. Kur bur máma agi mba wagi ala ni Ma didin ma ad’engêm kal petna ba, mi sununï gevegiya.

Malatchi 1:11

Ma didin ma ad’engêm kal petna mi dala: Deîd’a hafatid’a gak nik mata, simiyên nga mi yï aduk andjaf suma, a nga ngalan dubang ma his djivid’ina á suburun simiyênu, a nga mban ahle suma ngat buzu suma nda’â mi, kayam simiyên nga mi yï aduk andjaf suma.

Matiye 24:31

An mba ni sun malaika mana, a mba bu adif fa ngola, a mba tok suma an manazina abo yima fid’ina gak ata avun dabid’a handagad’id’a pet mi.

Matiye 6:13

Ar ang imi kur kuka d’i, wani ang pad’ami woi abo Ma tchona. [Leud’a, ad’enga ki subura ni manga gak didin. Amin!]

Wana ni Zla d’a Djivi d’a Luc mi b’irita 1:33

Mam mba mi te leud’a yam Israel-lâ gak didin, leu mamba mba d’i dap pi.

Wana ni Zla d’a Djivi d’a Luc mi b’irita 15:10

Kayam ndata, an nga ni dagiya, malaikana hAlonina a mba le furîd’a yam sama tu ma tcho ma mi mbut hurum yam tcho mambina.

Wana ni Zla d’a Djivi d’a Luc mi b’irita 15:6

Ata yima mi kal avo hatama, mi yi buniyôma ki ndroma, mi dazi ala: Agi mbeyegïya! Agi lagi furîd’a zlapa ki sed’enu, kayam an fe wa timi man ma vit teina da’.

Sunda hi suma a sunuzinid’a 4:26

Amulei suma yam andagad’ina a tchol ki huneîd’a, suma te yamba a tok zlapa á kak djangûna ki Salad’a ki Mesi mama.

Hebre-na 1:8

Wani Alona mi de yam Goroma ala: Ang Alona, zlam mang nga amula ni d’a gak didinda. Ang nga te leu manga ni ki d’ingêra.

Vama ndum mbeina 10:7

Wani bur ma malaika ma kid’iziyana mba mi bu adif mambina, ata yi máma, Alona mba mi ndak vun nga hur mam ma mudurina d’igi mi de mazungeî mam suma djok vuna na.

Vama ndum mbeina 12:10

Bugola, an hum del la ad’eng nga ti tcholï akulod’a, ti dan ala: Ki tchetchemba, suta kad’enga ki leud’a hAlo meinid’a kad’enga hi Christ mamid’a a mba wa, kayam ma tchuk zlad’a yam b’oziyoina avok Alo meina andjege ki faleina, a gumïya wa kä woi yam andagad’a da’.

Vama ndum mbeina 15:4

Salamina, ni nge ba, mba mi lang mandarang nguo ge? Ni nge ba, mba mi suburung nguo ge? Kayam ang tu ni Ma bei tchod’a ba na. Andjaf suma pet a mba mba, a mba grif kä avorong á kud’urongû, kayam sun mang nga d’ingêra, ti nde wa woi abua.

Vama ndum mbeina 16:17

Malaika ma kid’iziyana, mi vo mama akulo aduk simetna. An hum del la ngola ti ndeï kur gong nga kud’ora hAlonid’a, ata yima zlam mba amula nga kuana ala: Ndak wa da’.

Vama ndum mbeina 17:14

Azi mba dur ayîna ki Gor timina, wani Gor timina mba mi kus kaziya, kayam mam mi Sala suliyod’a, nAmulâ hamuleinina mi. Mam mba kus kazi ki sum mama; azi ni suma yid’a, ni suma manda, ni mam suma d’engzengâ mi.

Vama ndum mbeina 19:1

Bugol ahle ndazina, an hum del la ngola d’igi dela hablau sumid’a na kur akulod’a, ti dala: Ei gilei Alona! Suta, subura kad’enga ni hAlo meinid’a.

Vama ndum mbeina 19:6

An hum dela d’igi dela hablau sumid’a na nga d’i siwel d’igi mbiyo ma avun vorina na, d’igi breîd’a halonid’a na mi. An hum ti dala: Aleluya! Kayam Salad’a Alo mei ma ad’engêm kal petna nga mi te leud’a.

Vama ndum mbeina 20:4

An we zlumiyô suma amula. Suma a nga kaka kazina a hazi ad’enga á ka sariyad’a. An we tad’a hi suma a ngad’azi yazi kayam a tchi wal zla d’a gagazi d’a Jesus mi ndat teid’a ki zlad’a hAlonid’ina. Ni azi suma a kud’or nga ambur máma ki vama a yoromzina d’uo na, ni azi suma a ve nga nomrod’a hambur mámid’a avorozi d’oze bigazi d’uo mi na. Azi tchol akulo, a nga karid’a á te leud’a ki Christ bizad’a dubu.

Vama ndum mbeina 8:12

Malaika ma fid’ina, mi bu adif mamba. A tum afat ta a walat aduk hindid’a abot ma tuna, a tum til ma a walam aduk hindina abom ma tuna, a tum tchitchiu d’a a walat aduk hindid’a abot ma tuna, kayambala abozi ma tutuna mi b’o d’uo d’a, falei d’a a walat aduk hindid’a abot ma tuna mi ba bei b’od’a d’a, andjege d’a a walat aduk hindid’a abot ma tuna mi le ni na mi.

Vama ndum mbeina 9:1

Malaika ma vahlâ, mi bu adif mamba. An we tchitchiud’a tu ti ndeï kä yam andagad’a. A hat lakled’a hi zul la yiyika abod’u.

Vama ndum mbeina 9:13

Malaika ma karagayana, mi bu adif mamba. An hum dela ti tcholï ata keng yima ngal dubang ma his djivid’a ma lor ma nga avok Alonina.