Vama ndum mbeina 10:3 - Bible azumeina

³ Nga mi tchi d’igi azlona mi oî na. Bugol tchi mama, alo ma breî d’a kid’iziyad’a mi breî ngola.

Vama ndum mbeina 10:3 ပူးပေါင်းရင်းမြစ်များ

Sawal la giled’a 29:3

Dela hi Ma didinid’a nga d’i zlakulo yam mbina ngungur, Alo ma subura nga mi breî alo ma breîd’a, Ma didina nga mi te yam mbiyo ma nglona.

Zla d’a d’ogolâ 19:12

Ayîna hamulîna mi ni d’igi tchina hazlonina na, wani djivi mamba ni d’igi mbad’ï d’a ata asunid’a na.

Isai 31:4

Gola! Ma didina mi dan ala: D’igi azlona d’oze azlo ma azongâ nga mi ngop ades suma pola yam vama mi vuma, nga mi le mandarâ abo siwel mazid’a á arazi lovota d’uo na, an Ma didin ma ad’engên kal petna mba ni le hina fata ni tchuk asen kä yam ahina d’a Siyon-nda á dur ayîna kuad’a.

Isai 42:13

Ma didina nga mi djï d’igi grang ma durâ na, zlezleû mamba nga d’i zud’um d’igi ma dur ayîna na, nga mi yi tau d’a durâ, nga mi er ad’um akulo, nga mi kus yam mam suma djangûna mi.

Isai 5:29

A tchi ni d’igi azlod’a na, a oî ni d’igi azlo ma azungeîna na, a nga to beîd’a a nga vik ahlena, a nga i ki sed’eziya, wani sama mi mba á prud’uzi abozina nga d’i.

Jeremi 25:30

Wani ang djogozi vuna yam ahle ndazina pet, ang dazi ala: Ma didina nga mi toï breîd’a akulo; suma a nga humum delem ata yam ma kak ma yed’etna, mi nga breî ata yam ma kaka, nga mi de zlad’a ki delem akulo d’igi suma a nga miret guguzlud’ina na á ngop suma a nga kaka yam andagad’ina pet.

Ezekiyel 10:5

Tcherebêna gigingâzi ma nga mi tchina, mi i gak a humum sä woi hur atrang nga abud’a d’igi dela hAlo ma ad’engêm kal petnid’a ata yima nga mi de zlad’ina na.

Wana ni mbaktumba hi Oze-d’a 11:10

Agi mba tid’igi bugol an Ma didina. An mba ni tchi d’igi azlona na. Gagazi, an mba ni tchi d’igi azlona na, grona a mba tcholï abo ma fladegena ki zlaka, a mba.

Joel 3:16

Ma didina nga mi oî kur Siyon, nga mi breî ki delem akulo kur Jerusalem. Akulod’a kandagad’a a nga zlaga. Wani Ma didina nga mi ngom sum máma, mam mi yima ngeid’a hi Israel-lîna.

Amos 1:2

Amos mi dala: Ma didina nga mi to breîd’a kur Siyon, delem nga d’i nde woi avo Jerusalem. Yima te hatna hi suma polina mi lugod’a, hat ma yam ahina d’a Karmel-lina mi so woi mi.

Amos 3:8

Azlona le mi breyâ ni, ni nge ba, mi le mandarâ d’uo ge? Salad’a Ma didina le mi de ni, ni nge ba, mi djogom vunam mbei d’uo ge?

Vama ndum mbeina 14:2

An hum dela ti tcholï akulo, nga d’i siwel d’igi mbiyo ma avun vorina na, d’igi breîd’a halonid’a na mi. An hum dela ti hle tat d’igi dela hi suma a nga bu adingîna na.

Vama ndum mbeina 15:1

An we vama simat ma ding ma ngol ma atchapma sä akulo. Malaikana kid’iziya a nga ki tugud’ei d’a tchod’a kid’iziya aboziya. Ni tugud’ei d’a tcho d’a danan nda dap vun ayîna hAlonid’a.

Vama ndum mbeina 15:7

Ma dingâ tu aduk ahle suma ari suma fid’ina, mi he malaika suma kid’iziya ndazina kop ma kid’iziya ma lor ma nga oîd’a kayîna hAlo ma ari ma gak didinina.

Vama ndum mbeina 4:5

Wiled’a ki siwela ki breîd’a halonid’a a buzuk kei ata zlam mba amul ndata. Lalam mba akud’a kid’iziya nga d’i ngal avok zlam ndata, azi ni muzuk ma kid’iziyana hAlonina.

Vama ndum mbeina 8:5

Malaikana mi hle angala, mi oyôt kaku d’a nga ata yima ngal dubang ma his djivid’ina, mi gat yam andagad’a. Ata yi máma na wat, alona mi wile, mi breyâ, dela ti de zlad’a mi. Ata yi máma, andagad’a ti nde yira.