Vama ndum mbeina 10:11 - Bible azumeina

¹¹ A dan ala: Ang mbeya, ang djok vun zlad’a hAlonid’a woi kua mi suma ablaud’a, mandjaf suma, mi vun ma ded’a hi sumina, mamuleina mi.

Vama ndum mbeina 10:11 ပူးပေါင်းရင်းမြစ်များ

Jeremi 25:13

An mba ni mba ki ndak ka pet ta an dat zlata yam ambas ndata, kahle suma pet suma a b’irizi kur mbaktum mba wanda suma Jeremi mi djok vuna kazi yam andjaf sum ndazinina.

Ezekiyel 37:4

Mi dan ala: Ang djok vuna masok ma wana, ang dum ala: Ang asok ma ablarina, ang hum zlad’a hi Ma didinid’a.

Ezekiyel 37:9

Bugola, Ma didina mi dan ala: Ang gor sana, ang djok vuna mi Muzu’â, ang dum ala: Salad’a Ma didina mi dang ala: Ang Muzu’â, ang tcholï abo yima fid’ina, ang mbeï fo yam mad’a sum ndazina kayam a zlit akulo.

Vama ndum mbeina 10:10

An ve mbaktum mba gor ndata abomu, an mud’ud’u. Ti mbut avunan adjib’eta d’igi ayuma na, wani ata yima an ligitna, ti mbut aglara kurunu.

Vama ndum mbeina 11:1

A han akeid’a d’igi totogod’a na abonu, a dan ala: Ang tchola akulo, ang nga gong nga kud’ora hAlonid’a ki yima ngal ahle suma ngat buzuna, ang ndum suma a nga kud’or kurutna mi.

Vama ndum mbeina 11:9

Suma pet kad’u andjafâ ki vun ma ded’a kandjaf suma pet a mba golozi mad’azi kä gak burâ hindi ki nusa, a mba arazi mad’azi á tosa d’i.

Vama ndum mbeina 14:6

An we malaika ma dingâ mi pirï akulo dei aduk simetna. Mi nga ki Zla d’a Djivi d’a ari d’a didinda á ded’a mi suma yam andagad’ina, mandjaf suma pet, ad’u andjafâ pet ki vun ma ded’a pet, mi suma pet mi.

Vama ndum mbeina 17:10

Azi tazid’a namulei suma kid’iziyana mi. Suma vahl adigazi a puk kä, ma tuna nga mi te yamba ki tchetchemba, ma dingâ nga bei mba tua. Fata mi mbad’a, mba mi ka’î ndjö hawa.

Vama ndum mbeina 17:12

Adif ma dogo ma ang wuma namulei suma dogo suma a nga bei tin ad’ud’a á te yamba tua na. Wani azi mba fad’enga á te yamba zlapa kambur máma lera tu.

Vama ndum mbeina 17:15

Malaikana mi dan kua ala: Mbiyo ma ang wum ma atcha d’a gaulangâ ti nga kaka kuana, ni suma, nablaud’a, nandjaf suma, ni vun ma de ma tetengâ mi.

Vama ndum mbeina 5:9

Azi nga hle sawal la awilid’a ala: Ang ndak á hle mbaktum ndata, á hô dubang máma woi mi. Kayam a tchang adjewe. Ang gus suma mAlona ki buzuwang ad’u andjafâ pet, ad’u vun ma ded’a pet ki suma pet, ad’u andjaf suma teteng pet mi.