Vama ndum mbeina 10:1 - Bible azumeina

¹ An gol malaika ma ad’engâ mi tcholï akulo mi tchugï asem kä. D’ugula ti kulubumu, vir ma b’al alona mi nga kam mi. Iram mba gola ni d’igi afata na, asemî d’igi kawei ma murguli ma a gum aduk akud’ina na.

Vama ndum mbeina 10:1 ပူးပေါင်းရင်းမြစ်များ

Sawal la giled’a 104:3

Ang nga min aziyang akulo yam mbina, ang mbut d’ugula d’igi pusâ hakulumeinina na, ang nga dal akulo yam simetna.

Sawal la giled’a 97:2

Nduvunda ki d’ugula a nguyumu, d’ingêra ki sariya d’a ka d’a d’ingêra nad’u ged’a hi leu mam mba ted’id’a.

Buzuk ka Abud’a 16:10

Kid’a Aron nga mi de zlad’a mablaud’a hi Israel-lîd’a tua d’a, a mbut irazi abo ma hur fulîna. Gol wani, subura hi Ma didinid’a ti ndeï woi kur d’ugula.

Sawal la kal teglesa 5:15

Asemî d’igi agu ma murgulina hahina d’a a yat ala marbre d’a hapa ma a nigim kä kur lor ra kal teglesid’a na. Iram mba gola ni d’igi ahuniyô suma Liban-na na, ti vat zenen d’igi agu sedrena na mi.

Isai 19:1

Wana ni zla d’a a dat yam Ezipte-nid’a: Gola! Ma didina mi djak akulo yam d’ugul la djang heîd’a, nga mi djï avo Ezipte. Alona hi Ezipte-na pet nga mi zlak avoromu, Ezipte-na huruzi mi ka mbina mi.

Isai 54:9

An mba ni le ki sed’e’î d’igi an le kur atchogoid’a hi Noe-d’a na. Ata yi máma an gun tan ala: Mbiyo ma mi kus kur atchogoid’a hi Noe-d’ina mba mi kus yam andagad’a d’uo d’a. An nga ni gun tan ini hina mi. An mba ni zal hurun kak kuo d’a, an dok ni ngobok kuo mi.

Hor ma tchina 3:44

Ang ngei tang ngei gumun d’ugula tala tchen mamid’a ti i atang nguo d’a.

Ezekiyel 1:28

B’o d’a wile d’a nguyum mbei d’uhl ndata, ti hle tat ni d’igi virâ mi b’al alona ata yima nga mi sena na, ni vama hle tam d’igi subura hi Ma didinid’a na na. Ata yima an huma, an ge tan kä avoromu. Bugola, an hum dela hi sanid’a ti dan zlad’a.

Daniel 10:6

Tamî d’igi ahina d’a guzut kal teglesa na, iram wile ni d’igi wiled’a halonid’a na, iram mba gola ni d’igi sin akud’a na, abom kasem a wile ni d’igi kawei ma hleu ma a hegem mbeina na. Ata yima nga mi de zlad’ina, an hum delem nga d’i siwel d’igi dela hablaud’id’a na.

Daniel 7:13

Kid’a an nga ni gol vama nde tam mbei iran andjegena tua d’a, an gol wani, sana nga mi djï yam dugula d’igi gor sana na, mi mba, mi hut gen ma abizei ma dedei máma, a mbamzi avoromu.

Sunda hi suma hi Levi-nid’a 16:2

Ma didina mi de mi Moise ala: Ang i de mi wiyengâ Aron, ar mi kal ata yima a tinim iram vam ma kal tegles ma nga bugol baru d’a ka ira ma nga avok yima we hohou ma nga akulo yam zandu’îna teteu tala mi mit tuo d’a. Kayam an mba ni nde woi kur d’ugula yam yima we hohou ma nga akulo yam zandu’îna.

Matiye 17:2

Tam mbi mbut vat zenen avoroziya, iram mbi mbut ngal wiwilik d’igi afata na, baru mamba ti mbut hapa titil d’igi b’od’a na mi.

Wana ni Zla d’a Djivi d’a Luc mi b’irita 21:27

Ata yi máma, suma a mba wan an Gor Sana mba ni mbeï kur d’ugula kad’eng nga ngola ki subura mi.

Sunda hi suma a sunuzinid’a 26:13

Amulâ, ata yima an nga kur titina, kid’a afata tchol falei d’ad’ara, an we b’od’a tcholï akulo kal b’od’a hafatid’a. B’o ndata nguyun ki suma a nga ki sed’ena.

Vama ndum mbeina 1:7

Gola! Nga mi djï kur d’ugula. Suma pet a mba golomu, suma tchogoma pî a mba wumu, suma yam andagad’ina pet a mba tchi hora kamu. Â, ar le hina. Amin!

Vama ndum mbeina 18:1

Bugol ahle ndazina, an we malaika ma dingâ mi tcholï akulo, mi tchugï asem kä. Mi nga kad’enga ngola, wile mamba ti b’o yam andagad’a pet.

Vama ndum mbeina 18:21

Ata yi máma, malaika ma ad’engâ mi hle ahina d’a ngola d’igi d’a lutna na, mi gat kur alum ma ngolâ, mi dala: A mba ge azì ma ngol ma Babilon-na kä hina dedege mi, a mba wum bugol luo d’a.

Vama ndum mbeina 20:1

Bugola, an we malaikana mi tcholï akulo, mi tchuk asem kä. Lakled’a hi zul la yiyika ki kindjing ma ngolâ a nga abomu.

Vama ndum mbeina 4:3

Iram mba gola nga d’i wile d’igi ahina d’a kal tegles sa jasped’a d’igi d’a sarduwanda na. Zlam mba amul ndata nga nguid’a ki vir ma b’al alona, nga mi wile d’igi ahina d’a emerota na.

Vama ndum mbeina 5:2

An we malaika ma ad’engâ nga mi tchi wala ki delem akulo ala: Ni nge ba, mi ndak á hô dubangâ woi á mal mbaktum ndata woi ge?

Vama ndum mbeina 8:13

An gola, an hum dela hagigilau ma pirï akulo kur simetnina nga mi de ki delem akulo ala: Ni zla d’a hohoud’a, ni zla d’a hohoud’a, ni zla d’a hohoud’a yam suma a nga kaka yam andagad’ina, fata malaika suma hindina a bu adif mazid’id’a.