Vama ndum mbeina 1:2 - Bible azumeina

² Jean mi dahlena pet suma mi wazina, ni zla d’a tcholï avun Alonid’a ki gagazi d’a Jesus Christ mi ndat teid’a.

Vama ndum mbeina 1:2 ပူးပေါင်းရင်းမြစ်များ

Jean 1:32

Jean mi le glangâsâ ala: An we Muzu’â hAlonina mbeï akulo d’igi gugud’a na, mi kak kamu.

Jean 12:17

Suma pet suma a nga ki Jesus ata yima mi yi Lazar woi kur zula mi tcholom akulo aduk suma matnina, a le glangâsâ yam ahle ndazina.

Jean 19:35

Mam ma we na, mi le glangâsâ. Glangâs mama ni gagazi, mi wala mi de ni zla d’a irata mi, kayam agi hagi gagazid’a kad’u.

Jean 21:24

Ni ma hat máma ba, mi le glangâsâ yam ahle ndazina wana, ei wei ala glangâs mama ni gagazi mi.

Jean 3:11

Gagazi, an nga ni dangû, ami dami ni vama ami wuma, ami lami glangâsâ ni yam vama ami wamizi ki iramina, wani agi nga vagi zla mamid’a d’i.

Sunda hi suma a sunuzinid’a 22:15

Kayam ang mba mbut ma glangâs mama avok suma pet yam vama ang wuma, yam vama ang humuma mi.

Sunda hi suma a sunuzinid’a 26:16

Wani ang tchol akulo. Ni kayam ndata ba, an nde tan ndei irang á mbud’ung azong mana. Ang mba le glangâsâ kan mi suma dingâ ni nana ba, ang wan ini ge, ang mba dazi yam vama an mba ni tagangzina kua mi.

Sunda hi suma a sunuzinid’a 4:20

Wani ami ndak á arami bei de zlad’a yam vama ami wamizina ki vama ami humumizina d’uo mi.

1 Korente-na 1:6

Zla d’a glangâs sa a lat yam Christ-sa ti nga kaka adigagi ngingring.

1 Korente-na 2:1

B’oziyona, kid’a an iza hatagi á tchagi wal zla d’a gagazi d’a mudurid’a hAlonid’a, an dagi nga ni zlad’a hi sama we zla d’a ded’a heîna d’oze ne d’a kal papad’a d’uo mi.

1 Jean 1:1

Ami nga b’irigi yam Zla d’a Ari d’a nga avok ahle suma lazina peta. Ami humud’u, ami wamizi ki iramiya, ami golod’u, ami dot kabomi mi.

1 Jean 4:14

Ei wei wa, ei nga lei glangâsâ ala: Abui Alona mi sunï Goroma á sut suma kur duniyad’ina.

3 Jean 1:12

Suma ablaud’a a nga le glangâs ma djivina yam Demetriyus, gagazid’a tata nga d’i le glangâsâ kam mi. Ami nga lami glangâsâ kamu; ang wala glangâs mamina ni gagazi mi.

Vama ndum mbeina 1:11

Ti dan ala: Ang b’ir vama an wuma kur mbaktumba, ang sunut mi Tok ka kid’iziyad’a, nala, ta Efes-sa, ta Ismirin-nda, ta Pergam-mba, ta Tiyatir-ra, ta Sardes-sa, ta Filadelfi-d’a ki d’a Lawodise-d’a mi.

Vama ndum mbeina 1:19

Kayam ndata, ang b’ir ahle suma ang wazina, nala, ahle suma a nga na kahle suma a nga mbeï bugolâ mi.

Vama ndum mbeina 1:9

Ni an wiyegina Jean ndragi ma kur ndaka zlapa ki sed’egi yam Jesus yam leud’a hAlona d’a ei nga djubut ki ve tad’id’a. An nga kur til la a yat ala Patmos-sa, kayam an tchi wal zlad’a hAlonid’a ki gagazi d’a Jesus mi ndat teid’a mi.

Vama ndum mbeina 12:11

B’oziyoina a kal kamî kad’enga hi buzuna hi Gor timinina ki zla d’a gagazi d’a azi tchat walata, a he tazi woi gak matna mi.

Vama ndum mbeina 12:17

Dragona mi mbut ayîna, mi kak djangûna katcha ndata, mi i á dur ayîna kandjavat ma arâ ki suma pet suma a ge yazi kä ad’u vun ma hed’a hAlonina ki suma d’engzeng suma a nga tit yam gagazi d’a Jesus mi ndat teid’ina.

Vama ndum mbeina 20:4

An we zlumiyô suma amula. Suma a nga kaka kazina a hazi ad’enga á ka sariyad’a. An we tad’a hi suma a ngad’azi yazi kayam a tchi wal zla d’a gagazi d’a Jesus mi ndat teid’a ki zlad’a hAlonid’ina. Ni azi suma a kud’or nga ambur máma ki vama a yoromzina d’uo na, ni azi suma a ve nga nomrod’a hambur mámid’a avorozi d’oze bigazi d’uo mi na. Azi tchol akulo, a nga karid’a á te leud’a ki Christ bizad’a dubu.

Vama ndum mbeina 22:21

Ar Salad’a Jesus mi vagi sumad’a pet. Amin!

Vama ndum mbeina 6:9

Ata yima Gor timina mi hô dubang ma vahlâ woina, an we suma a tchazi yam zlad’a hAlona suma a le glangâs mazi ma d’engzengîna. Azi nga kä ad’u yima ngal dubang ma his djivid’ina.