Vama ndum mbeina 1:17 - Bible azumeina

¹⁷ Ata yima an wuma, an puk kä asem d’igi sama matna na, wani mi tin abom ma ndjufâ kanu, mi dan ala: Ang le mandar ri; ni an Ma avo’â, ni an Ma danana.

Vama ndum mbeina 1:17 ပူးပေါင်းရင်းမြစ်များ

Ad’u Tinda 15:1

Bugol ahle suma lena, Ma didina mi nde tam mbei ir Abram, mi dum ala: Abram, ang le mandar ri; an ni mbarei manga, wurak manga mba d’i zul avok ngola.

Sawal la giled’a 139:5

Ang nga avoronu, ang nga blogon mi; abong nga tinda kan mi.

Buzuk ka Abud’a 14:13

Moise mi hulong de mi Israel-lâ ala: Agi lagi mandar ri, agi kagagi ata yagi hina djang, agi mba wagi ini sut ta Ma didina mba mi sud’ugi inid’a. Kayam Ezipte suma agi wazi ini wana, agi mba wazi bugol luo d’a.

Buzuk ka Abud’a 20:20

Moise mi de mi Israel-lâ ala: Agi lagi mandar ri, kayam ni vama kuka kagi ala Alona mi mba ni kayambala agi lum mandaram tala agi lagi tchod’a d’uo d’a.

Buzuk ka Abud’a 3:6

Mi dum kua ala: Ni an Alona habungâ, Alona hi Abraham-ma, Alona hi Isa’â, Alona hi Jakob-ma mi. Moise mi zlup ahlena iramu, kayam nga mi le mandarâ á gol Alona.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Isai 41:4

Ni nge ba, mi ndak vun ahle ndazina ge? Ni Ma mi yi andjaf suma kad’u tinda deina. Ni an Ma didin ma lahle ndazina avok deina, ni an ba, mba ni lahle suma kur atchogoi d’a danandina mi.

Isai 44:6

Ma didina amulâ hi Israel-lâ ma mi wurak kazi ma ad’engêm kal petna, mi dala: An tu ni Ma avo’â, an ni Ma danana. Alo ma ding nga woi keng vam mbi.

Isai 48:12

Ma didina mi de kua ala: Agi Israel suma hi Jakob suma an yagina, agi humugiya. An tu ni Ma avo’â, an ni Ma danana mi.

Hor ma tchina 3:57

Kid’a an yanga, ang hud’ï gevenu, ang dan ala: Ar ang le mandar ri!

Ezekiyel 1:28

B’o d’a wile d’a nguyum mbei d’uhl ndata, ti hle tat ni d’igi virâ mi b’al alona ata yima nga mi sena na, ni vama hle tam d’igi subura hi Ma didinid’a na na. Ata yima an huma, an ge tan kä avoromu. Bugola, an hum dela hi sanid’a ti dan zlad’a.

Daniel 10:12

Mi dan kua ala: Daniel, ang le mandar ri. Tin ad’ud’a kur bur ma avok ma ang mbut tang hohoud’a ang ge yang kä avok Alo mangâ á wäd’u vama lena, mi hum tchen manga. Kayam ndata, an mbeï geveng ná hang humba.

Daniel 10:15

Ata yima nga mi dan zla ndatina, an pe iran kä andaga. An nga ni gol ki vunan ma du’â.

Habakuk 3:16

An hum hina, wani vunadigan ndi pad’a. Kid’a an hum siwel ndatid’a, vunan nde zlaka, tan ndi tchuk susub’ok, asen mi nde zlaka kikib’i mi. An ni kak tchugot á djup bur ma ndak ma ang Alona mba ka sariyad’a yam suma a mba mba á lami tchod’ina.

Matiye 14:27

Ata yi máma na wat, Jesus mi dazi ala: Agi vagi tagiya! Ni anu, agi lagi mandar ri.

Matiye 28:4

Mandarâ tchi suma ndjola su, a zlak djidjik, a mbut d’igi suma matna na.

Matiye 28:5

Wani malaikana mi de marop ndazina ala: Agi lagi mandar ri, kayam an wala agi halagi ni Jesus ma a b’alam akulo ata agunina.

Jean 13:23

Ma dingâ aduk mam suma hata, ni ma Jesus mi le kam heîna, mi nga kaka kä avun tena go ki Jesus.

Jean 21:20

Pierre mi pret tamu, mi we ma hat ma Jesus le kam heîna nga mi djï bugolo. Ni ma deng tam ata Jesus kid’a azi nga te te ma fladegenid’a, ni ma mi dum ala: Salana, ni nge ba, nga mi hang abo suma ge na.

Vama ndum mbeina 1:11

Ti dan ala: Ang b’ir vama an wuma kur mbaktumba, ang sunut mi Tok ka kid’iziyad’a, nala, ta Efes-sa, ta Ismirin-nda, ta Pergam-mba, ta Tiyatir-ra, ta Sardes-sa, ta Filadelfi-d’a ki d’a Lawodise-d’a mi.

Vama ndum mbeina 1:4

An Jean nga ni b’ir mbaktumba mi agi Tok ka kid’iziya d’a kur ambas sa Asi-d’id’a. Alo ma nga na, ma nga adjeu deina, ma nga mi mbana azi ki muzuk mam ma kid’iziya ma nga avok zlam mba amulina zlapa ki Jesus Christ ma glangâs ma d’engzengâ, ni Gor ma a vud’um avok ma tchol akulo avok kikidji aduk suma matna karid’ina, mam mi amul ma kal teglesâ hamulei suma yam andagad’ina, a vagi sumad’a ki b’leng nga halasa. Christ ni ma le keina, ni ma pad’ei woi kur tcho meid’a ki buzuwama.

Vama ndum mbeina 1:8

Salad’a Alo ma ad’engêm kal petna, Ma nga na, Ma nga adjeu deina, Ma nga mi mbana, mi de woi ala: An ni Alfa, an ni Omega mi.

Vama ndum mbeina 2:8

Ang b’ir mbaktumba mi malaika ma nga yam Tok ka Ismirin-ndina. Wana nahle suma Ma avo’â, Ma danan ma mi mit mi mbut arid’ina ni dazina:

Vama ndum mbeina 22:13

An ni Alfa, an ni Omega, an ni Ma avo’â, an ni Ma danana. An nAd’u tinda, an ni Yam mba dabid’a mi.