Vama ndum mbeina 1:11 - Bible azumeina

¹¹ Ti dan ala: Ang b’ir vama an wuma kur mbaktumba, ang sunut mi Tok ka kid’iziyad’a, nala, ta Efes-sa, ta Ismirin-nda, ta Pergam-mba, ta Tiyatir-ra, ta Sardes-sa, ta Filadelfi-d’a ki d’a Lawodise-d’a mi.

Vama ndum mbeina 1:11 ပူးပေါင်းရင်းမြစ်များ

Isai 30:8

Ma didina mi de mi Isai ala: Ki tchetchemba ang i b’ir ahle ndazina kä kur ahina d’a tchet ta bebed’ed’a kä iraziya, ang b’irizi kä yam mbaktumba, kayam zla ndata ti arî vama ge humba gak bur ma danana á le glangâsâ gak didin bei dabid’a.

Jeremi 30:2

Ang b’ir zla d’a pet ta an Ma didina Alona hi Israel-lîna ni dangzid’a kä kur mbaktumba.

Habakuk 2:2

Ma didina mi hulong dan ala: Ang b’ir zla d’a an nga ni tagangzi woi wanda; ang b’irit kur agu ma tcheta, kayam suma a ndumut atogo zak.

Sunda hi suma a sunuzinid’a 16:14

Atcha d’a dinga, simiyêt ala Lidi, ti hum zla mamid’a. Natcha d’a kur azì ma ngol ma Tiyatir-rîd’a ni d’a nga d’i gus baru d’a hleud’a woid’a, ni d’a nga d’i kud’or Alonid’a. Salad’a mi malat hurut á hum zla d’a Paul nga mi data.

Sunda hi suma a sunuzinid’a 18:24

Kur bur máma ma Juif-fâ, simiyêm ala Apolos, ambas mamba ni Alezandri, mi mba Efes. Ni ma we zla d’a ded’a heîna, mi we mbaktumba hAlonid’a ngola heî mi.

Sunda hi suma a sunuzinid’a 20:17

Kid’a Paul mi nga avo Milet-ta, mi ge sunda Efes, mi yï nglo suma gol toka gevemu.

1 Korente-na 15:32

Wani le an ndjiget kambureina avo Efes ni yam d’alâ hi sana ni, mbiyo ma an fuma ni me ge? Le suma matna a mba tchol akulo d’uo ni, ar ei teya, ar ei tcheya, kayam avin ei boya, d’igi zla d’a d’ogola ti de na.

1 Korente-na 16:8

Wani an mba ni kak ka hî kur Efes gak bur ma Pantekot-na,

Efes-sâ 1:1

Ni an Paul ma a sunuma hi Jesus Christ-sâ kur minda hAlonid’a. An nga ni b’ir mbaktum mba wanda mi agi suma hAlona suma avo Efes suma d’engzeng suma zlapa tu ki Jesus Christ-sâ.

Gat ta a hat á mbàd’id’a 31:19

Ki tchetchemba, agi b’irigi sawal la wanda, agi had’at mi Israel-lâ, agi tinizizi avunaziya. Sawal ndata mba d’i le glangâs mana yam Israel-lâ.

Kolos-sâ 2:1

Kayam an min agi wagi ayî ma ngol ma an nga ni durum kagi ki suma avo Lawodise-na ki suma a nga bei wan irana pet,

1 Timote 1:3

Kid’a an tchol á i Maseduwan-nda, an gigid’eng ala ang kak avo Efes kayam ang he suma a nga hat hat ta tchod’ina vuna á hat hat ta tchod’a d’i.

Vama ndum mbeina 1:17

Ata yima an wuma, an puk kä asem d’igi sama matna na, wani mi tin abom ma ndjufâ kanu, mi dan ala: Ang le mandar ri; ni an Ma avo’â, ni an Ma danana.

Vama ndum mbeina 1:19

Kayam ndata, ang b’ir ahle suma ang wazina, nala, ahle suma a nga na kahle suma a nga mbeï bugolâ mi.

Vama ndum mbeina 1:2

Jean mi dahlena pet suma mi wazina, ni zla d’a tcholï avun Alonid’a ki gagazi d’a Jesus Christ mi ndat teid’a.

Vama ndum mbeina 1:20

Ang we zla d’a mudurid’a hi tchitchiu d’a kid’iziya d’a ang wat abon ma ndjufâ kagu ma tin lalam mba lora kama kid’iziyad’a. Tchitchiu d’a kid’iziya ti ni malaika suma kid’iziya suma yam Tok ka kid’iziyad’ina; agu ma tin lalamba kam ma kid’iziyana mi ni Tok ka kid’iziyad’a mi.

Vama ndum mbeina 1:4

An Jean nga ni b’ir mbaktumba mi agi Tok ka kid’iziya d’a kur ambas sa Asi-d’id’a. Alo ma nga na, ma nga adjeu deina, ma nga mi mbana azi ki muzuk mam ma kid’iziya ma nga avok zlam mba amulina zlapa ki Jesus Christ ma glangâs ma d’engzengâ, ni Gor ma a vud’um avok ma tchol akulo avok kikidji aduk suma matna karid’ina, mam mi amul ma kal teglesâ hamulei suma yam andagad’ina, a vagi sumad’a ki b’leng nga halasa. Christ ni ma le keina, ni ma pad’ei woi kur tcho meid’a ki buzuwama.

Vama ndum mbeina 1:8

Salad’a Alo ma ad’engêm kal petna, Ma nga na, Ma nga adjeu deina, Ma nga mi mbana, mi de woi ala: An ni Alfa, an ni Omega mi.

Vama ndum mbeina 10:4

Ata yima an hum breî d’a kid’iziyad’a halonid’ina, an min ala ni b’ir ahle ndazina. Wani an hum del la tcholï akulod’a ti dan ala: Ang ve breî d’a kid’iziya ndata kurungû, ang b’irit ti.

Vama ndum mbeina 14:13

An hum dela ti tcholï akulo, ti dan ala: Ang b’ir kur mbaktumba ala: Suma a nga bo kur sunda hi Salad’id’a ki tchetchembina, a mba le furîd’a. Muzu’â hAlonina mi de na ala: Gagazi, azi ndak á tuk tazi kur sun mazi d’a kaud’a, kayam sun mazi d’a djivid’a nga d’i tit ad’uziya.

Vama ndum mbeina 19:9

Malaikana mi dan ala: Ang b’ir kur mbaktumba ala: Suma a yazi kur tela hi Gor timinid’a a le furîd’a. Mi de kua ala: Zla ndata ni zla d’a gagazid’a hAlonid’a.

Vama ndum mbeina 2:1

Ang b’ir mbaktumba mi malaika ma nga yam Tok ka Efes-sina. Wana nahle suma ma ve tchitchiu d’a kid’iziyad’a abom ma ndjufâ ma nga mi tit aduk agu ma tin lalam mba lora kam ma kid’iziyana mi dazina:

Vama ndum mbeina 2:12

Ang b’ir mbaktumba mi malaika ma nga yam Tok ka Pergam-mbina. Wana nahle suma Ma nga ki mbigeu d’a fiyak ka te d’a siyat mbàd’a mi dazina:

Vama ndum mbeina 2:18

Ang b’ir mbaktumba mi malaika ma nga yam Tok ka Tiyatir-rina. Wana nahle suma Alona Gorom ma iram mba gola d’igi sin akud’a na ma asem mi wile d’igi kawei ma hleu ma a gum aduk aku d’a tchafa na na mi dazina:

Vama ndum mbeina 2:24

Wani agi suma ding suma kur Tok ka Tiyatir-ra suma zlabagi nga ki hat ta tcho ndata d’uo na, agi had’agi nga vama a yum ala Zul la yiyik ka mudurid’a hi Seitan-nda d’uo na, an nga ni dagi woyo, an dok tinigi vama anek ma ding kagi d’uo d’a.

Vama ndum mbeina 2:8

Ang b’ir mbaktumba mi malaika ma nga yam Tok ka Ismirin-ndina. Wana nahle suma Ma avo’â, Ma danan ma mi mit mi mbut arid’ina ni dazina:

Vama ndum mbeina 21:5

Mam ma nga kaka yam zlamba amulina mi dan ala: Ki tchetchemba, an le wa ahlena pet awilid’a. Mi dan kua ala: Ang b’ir ahle ndazina kur mbaktumba, kayam zla manda ni zla d’a gagazi d’a ndak ang tin hurung kata.

Vama ndum mbeina 22:10

Mi dan kua ala: Ang ngei zla d’a a nga djogot vunat tei kur mbaktum ndatid’a kä d’i, kayam yima ngam yam ahle ndazina ar go.

Vama ndum mbeina 22:16

An Jesus, an sunugi malaika mana, kayam mi dagi ahle ndazina pet kur Toka. An ni David gorom ngolona, an ni avevel ma fo yina.

Vama ndum mbeina 3:1

Ang b’ir mbaktumba mi malaika ma nga yam Tok ka Sardes-sina. Wana nahle suma ma nga ki muzu’â hAlonina kid’iziya ki tchitchiud’a kid’iziya aboma mi dazina: An wahlena pet suma ang nga lazina, an we simiyêng nga mi yi d’igi sama arina na, wani angî matna.

Vama ndum mbeina 3:14

Ang b’ir mbaktumba mi malaika ma nga yam Tok ka Lawodise-d’ina. Wana nahle suma ma Amin ma glangâs ma d’engzeng ma gagazi ma nad’u tinda hahlena pet suma Alona mi lazina mi dazina:

Vama ndum mbeina 3:4

Wani ang nga ki suma dingâ avo Sardes suma a zot nga baru mazina d’uo na. Azi mba tit ki sed’en ki baru ma hapma ataziya, kayam azi ndaga.

Vama ndum mbeina 3:7

Ang b’ir mbaktumba mi malaika ma nga yam Tok ka Filadelfi-d’ina. Wana nahle suma Ma bei tchod’a ma gagazi ma nga ki lakled’a hamulâ David-ta aboma, le ni mala, sama ndak á duka nga d’i, le ni duga, sama ndak á mala nga d’uo mi na mi dazina: