Sawal la kal teglesa 7:2 - Bible azumeina

² Mi dala: Ndak amulâ goromba, asek mi djif kur atuguruna, ir tchuguluk ka nguid’a woi d’uhla ni d’igi hed’eu ma sama d’alâ mi yoroma na.

Sawal la kal teglesa 7:2 ပူးပေါင်းရင်းမြစ်များ

Sawal la giled’a 45:16

A nga tinizi ki aîd’a ki hur ma hapma; a kal avo hurazina hamulîna.

Zla d’a d’ogolâ 3:8

Ahle ndazina a mba mbut ni lafiya d’a yam hliwinga, ni b’leng nga halas sa yam asogonga mi.

Sawal la kal teglesa 5:14

Abomî d’igi ngangam ma lor ma a ndalam kahina d’a a yat ala Krisolitid’a na. Tamî d’igi sï ahlok ma a tched’em a ndalam kahina d’a a yat ala Safirid’a na mi.

Sawal la kal teglesa 7:1

Aropma ki yuguneina a dala: Ndak hulongîya, ndak hulongîya, ndak ka Sulam-mba, ndak hulongîya, ndak hulongîya, ar ami gologu! Ni kayam me ba, agi gologi d’a Sulam-mba d’igi suma a gol ades lü ma mbàna na ge?

Sawal la kal teglesa 7:3

Uvu’î d’igi kop ma vunam dalalâ ma a vo süm guguzlu d’a his djivid’a heîd’a kurum teteuna na. Haya’î d’igi geme ma mol ma tamasa ti nguyuma na.

Isai 46:3

Agi Israel suma hi Jakob suma aragina, agi humugiya. An hlanek magid’a kan ni kid’a a vagi wirigid’a dei, an hlanek magid’a kan ni ata yima a vud’ugina dei mi.

Jeremi 1:5

An wangî avok ka bei an kolong kur asung ba d’a; avok ka bei ang ndeï woi kur asung ba d’a, an tining irang vangû, an tining man ma djok vuna mandjaf suma.

Romê-na 7:4

Kayam ndata, b’oziyona, ata yima agi zlabagi tu ki hliu tad’a hi Christ-sîna, agi bogi woi ata gata. Ki tchetchemba, agi mbud’ugi ni suma hi sama dingîna, nala, hi mam ma tchol akulo aduk suma matnina. Hina, ei lei sun nda djivid’a yam Alona.