Sawal la giled’a 98:2 - Bible azumeina

² Ma didina mi nde sut mamba woyo, mi tak d’ingêr mamba woi ir andjaf suma.

Sawal la giled’a 98:2 ပူးပေါင်းရင်းမြစ်များ

Sawal la giled’a 22:31

Andjavazi mba mi lum sunda, mba mi de zla Salad’a woi mandjavazi ma kur atchogoi d’a nga d’i mbad’ina.

Sawal la giled’a 24:5

Ma didina mba mi b’e vunam kamu; Alo ma sud’uma mba mi de woi kam ala ni sama d’ingêrâ.

Isai 46:13

An nga ni hud’ï d’ingêr manda, ti nga dei d’i. An nga ni le lilinga ki sut manda d’uo mi. An nga ni mba ki suta kur Siyon, an nga ni mba ki subur manda yam Israel-lâ mi.

Isai 49:6

Mi dala: Ni vama akid’eina iran tala ang kak azong mana á tchol kandjafâ hi Jakob-ma akulo, á hulongî ki Israel suma a arâ d’a, wani an tining d’igi b’od’a na yam andjaf suma dingâ, kayam ang tak sut manda woi mi suma gak avun dabid’a handagad’id’a.

Isai 52:10

Ma didina mi tak abom ma bei tchod’ina woi ir andjaf suma pet. Suma avun dabid’a handagad’ina pet a mba we suta hAlo meinid’a.

Isai 52:7

Djivid’a yam sama nga mi djï akulo yam ahuniyôna á de zla d’a djivid’a woina, yam ma nga mi de woi yam b’leng nga halasa, yam djivid’a ki sutina, ma nga mi de mi Jerusalem ala: Alona namul ma’â na.

Isai 62:2

Ata yi máma andjaf suma a mba we sut ta Ma didina mi sud’uka, amuleina pet a mba we subur maka, a mba yak ki simi ma awili ma Ma didina mba mi yakina.

Jeremi 23:6

Kur atchogoi mamba mba mi sut suma Juda-na. Israel-lâ a mba kak ki halasa, a mba yum ala: Ma didina ni d’ingêr meid’a.

Matiye 28:19

Kayam ndata, agi igiya, agi mbud’ugi andjaf suma pet man suma hata, agi lazi batemba ki simiyê Abun ki simiyê an Gorâ ki simiyê Muzuk ma bei tchod’a ba na mi.

Marik 16:15

Bugola, mi dazi ala: Agi igi yam andagad’a pet, agi tchagi wal Zla d’a Djivid’a mi suma pet.

Wana ni Zla d’a Djivi d’a Luc mi b’irita 3:6

Suma pet a mba we sut ta Alona mba mi sud’uzid’a.

Romê-na 1:17

Kayam Zla d’a Djivi ndata ti tagei woi ni nana ba, Alona mi mbut suma d’ingêr avorom ge. Ni yam he gagazid’a hol, ei ad’u tinda dei gak dabid’a, d’igi mbaktumba hAlonid’a ti de na ala: Sama mi mbut d’ingêr avok Alonina mba mi kak karid’a ni yam he gagazid’a.

Romê-na 10:18

Wani an nga ni djop ala: Azi hum nga zla ndata d’uo zu? Azi hum wa gagazi, kayam mbaktumba hAlonid’a ti dala: Suma a humuzi delezi yam andagad’a pet, zla mazid’a ti b’rau woi avun dabid’a handagad’id’a pet mi.

Romê-na 9:30

Na ni ei mba dei nana ge? Gola! Andjaf suma ding suma a hal nga á mbut tazi d’ingêr avok Alona d’uo na, Alona mi mbud’uzi wa suma d’ingêrâ avorom yam he gagazid’a.

2 Korente-na 5:21

Christ ni sama bei tchod’a ba na, wani Alona mi mbud’um tchod’a keya, kayam ei mbud’i suma d’ingêrâ avorom zlapa tu ki mamu.

Filip-ma 3:9

á fan zlapa tu ki mamu. Ni yam d’ingêr manda á ge yan kä ad’u gata d’i, wani ni yam d’ingêr ra an he gagazid’a yam Christ-sa. Ni d’ingêr ra tcholï ata Alona yam he gagazid’id’a.

Wana ni mbaktum mba Paul mi b’irit mi Tit-ta 2:13

Ti nga d’i had’ei á tini huri ki furîd’a á djup bur ma subura hAlo mei ma ngol ma sud’ina Jesus Christ mba mi nde woina.

2 Pierre 1:1

Ni an Simon Pierre, azong ma a sunuma hi Jesus Christ-sâ. An nga ni b’ir mbaktum mba wanda mi agi suma a fagi he gagazi d’a guzut kal tegles d’igi ami na na, yam d’ingêra hi Jesus Christ Alo mei ma sud’ina.