Sawal la giled’a 97:3 - Bible azumeina

³ Akud’a nga d’i ngal avoromu, nga d’i ngal suma djangû suma a nguyuma.

Sawal la giled’a 97:3 ပူးပေါင်းရင်းမြစ်များ

Sawal la giled’a 18:8

Ata yima hurum zalâ, andagad’a yir gigidji, ti giget mi; ad’u ahuniyôna pet a yira, a giget mi.

Sawal la giled’a 18:9

Andosâ buzuk kei atchinamu, sin akud’a nde woi avunamu, nga d’i yak kä tchutchum d’igi gordjona na.

Sawal la giled’a 50:3

Alo meina nga mi djïya, nga mi kak ki vunam ma du’â d’i, aku d’a b’lak yina nga d’i ngal avoromu, babar ma ngolâ mi nguyumu.

Ezekiyel 1:4

Ata yi máma an gola, an we babar ma ngol ma bibi’â mi tcholï abo ma norâ ki d’ugul la ngola zlapa kakud’a, nga d’i wile ti ngui yina woi gevet d’uhl. Vana nga mi wile adigat d’igi kawei ma hleu ma a hegema na, mi nde woi aduk aku ndata.

Daniel 7:10

toliyon nda akud’a nga avoromu, nga d’i djang d’igi mbina na. Suma dubuna a nga gevem á lum sunda, suma bubupma a nga tchola avorom mi. Suma ka sariyad’a a nga kaka kä yam zlumiyô mazina, a mal mbaktumba woi teteng mi.

Habakuk 3:5

Nga mi sun tugud’eid’a tchod’a avoromu; nga mi he vuna mi matna mi tid’i ad’um mi.

Gat ta a hat á mbàd’id’a 32:22

Kayam ayî mana mba mi fo d’igi akud’a na, mba mi ngal gak mi i kä ata yima azuleina, mba mi ngal andagad’a kahle suma katna woyo, mba mi ngal ahinad’a kad’ut ta kä d’a woi mi.

Gat ta a hat á mbàd’id’a 4:11

Agi hud’ugi tchologi kä ad’u ahinad’a. Ahinad’a ti vakud’a, sin akud’a nga d’i ngal gak i akulo hur alona. Nduvunda nga, d’ugula nga, andosâ mi tin d’ugula ndus mi.

Gat ta a hat á mbàd’id’a 4:36

Ei akulo mi tagagï delem mbei á had’agiya. Yam andagad’a ka hî mi tagagï aku mamba ngola. Agi humum zla mam mba ded’a aduk akud’a mi.

Gat ta a hat á mbàd’id’a 5:4

Ma didina mi dagi zlad’a yam ahinad’a aduk akud’a ni kä iragi na.

2 Tasaloni’â 1:8

aduk sin akud’id’a, kur bur máma Saleina mba mi mba kayî mama yam suma a wum nga d’uo na ki suma a ge nga yazi kä ad’u Zla d’a Djivid’a hi Saleina Jesus-d’a d’uo na.

Hebre-na 12:29

kayam Alo meina naku d’a nga d’i ngal ahlena woid’a.

Vama ndum mbeina 11:5

Le sana mi min á lazi tchod’a ni, akud’a mba d’i nde woi avunazi á b’lak mazi suma djangûna. Sama hal á lazi vana, a mba tchum mbei hina mi.

Vama ndum mbeina 20:15

Sama lara pî ma fum nga simiyêm b’ira kä kur mbaktum mba ari ndata d’uo na, a gumî kur apo d’a akud’a.