Sawal la giled’a 96:2 - Bible azumeina

² Agi gilegi Ma didina, agi suburum simiyêmu, agi dagi woi yam sut mamba burâ ki burâ.

Sawal la giled’a 96:2 ပူးပေါင်းရင်းမြစ်များ

1 Sunda Hamuleinid’a 29:20

Ata yi máma David mi de mablaud’a kua ala: Ki tchetchemba, agi lagi mersi mAlo magina! Ablau d’a peta a le mersi mi Ma didina Alona habuyozi ngolona, a hud’o kä, a grif kä andaga avok Ma didina, avok amulâ David mi.

Sawal la giled’a 103:20

Agi malaikana hi Ma didina suma ad’eng suma kal papa suma nga lagi sunda yam zla mamba suma nga gagi yagi kä ad’u zla mam mba ded’ina, agi gilemu!

Sawal la giled’a 145:1

Ni sawal la gile d’a David mi hlata. Alo mana, amul mana, an mba ni hang ngola, an mba ni gileng simiyêng teteu gak didin.

Sawal la giled’a 145:10

Ma didina, ahlena pet suma ang lazina a mba gilengû; mang suma d’engzengâ a mba suburung mi.

Sawal la giled’a 145:2

An mba ni suburung burâ ki burâ, an mba ni gileng simiyêng teteu gak didin.

Sawal la giled’a 40:10

An nga ni tchi wal zla d’a irata aduk toka hablau sumid’a, an nga ni duk vunan ndi. Ma didina, ang we.

Sawal la giled’a 71:15

An mba ni de woi yam d’ingêr manga ki sut manga burâ ki burâ, kayam an we nga ndum mata d’i.

Isai 40:9

Agi suma Jerusalem-ma, agi djagagi akulo yam ahina d’a fiyaka, agi suma Siyon-na, agi dagi zlad’a ki delegi akulo kad’engêgi pet, kayam a hagi zla d’a djivid’a abogiya. Ar agi lagi mandarâ á dat tei d’i. Agi dagi mi suma kur azì ma nglo ma Juda-na ala: Gola! Alo magina wana!

Marik 16:15

Bugola, mi dazi ala: Agi igi yam andagad’a pet, agi tchagi wal Zla d’a Djivid’a mi suma pet.

Sunda hi suma a sunuzinid’a 13:26

B’oziyona, agi andjafâ hi Abraham-ma ki suma adigagi suma a nga le mandara Alonina, ni kayam ei ba, a sunï zla d’a sut ndata wana.

Efes-sâ 1:3

Ar ei gilei Alona Abu Saleina Jesus Christ ma mi b’e vunam kei zlapa tu ki Christ ki vun mam ma b’e ma lara ge pet ma sä akulona.

Vama ndum mbeina 5:13

An hum ahle suma led’a suma akulona pet kahle suma yam andagad’a kahle suma kä ad’u andagad’a kahle suma kur alum ma ngolâ kahle suma led’a suma kä aduk mbinina pet, a nga hle sawala ala: Giled’a ki hud’a ki subura kad’enga a nga mi mam ma nga kak kä yam zlam mba amulina ki Gor timina gak didin.