Sawal la giled’a 95:3 - Bible azumeina

³ Kayam Ma didina nAlo ma ngolâ, mam mamul ma ngol ma yam alona petna.

Sawal la giled’a 95:3 ပူးပေါင်းရင်းမြစ်များ

Nehemi 8:6

Esdras mi subur Ma didina Alo ma ngolâ. Suma pet a yo abozi akulo, a hulong humba ala: Amin! Amin! A tchok yazi kä, a kud’or Ma didina ki irazi kulupa kä andaga.

Sawal la giled’a 104:1

An min gile Ma didina! Ma didina Alo mana, angî ma ngol ma kal teglesâ, angî ma nga ki subura ki b’o d’a ngal wiwilikina.

Sawal la giled’a 135:5

Gagazi, an we Ma didina ni ma ngolâ; Salad’a ni ma kal akulo yam alona petna.

Sawal la giled’a 145:3

Ma didina, angî ma ngol ma ndak á suburina; ngol manga dabi mata nga d’i.

Sawal la giled’a 47:2

Agi suma pet, ar agi tchagi abogi ririp, agi lagi furîd’a, agi suburugi Alona ki delegi akulo.

Sawal la giled’a 47:3

Kayam Ma didina ni ma sä akulo ma kal tegles ma sana ndak á lum mandarama, mam mi amul ma ngol ma te yam andagad’a petna.

Sawal la giled’a 96:4

Kayam Ma didina ni ma ngol ma ndak á suburina; ni ma a ringîm mandaram kal alona petna.

Sawal la giled’a 97:9

Kayam ang Ma didina, angî ma sä akulo ma kal tegles ma yam andagad’a petna, ang kal alona pet akulo mi.

Buzuk ka Abud’a 12:12

Kur andjege ndata, an mba ni kleû tita hur azì ma Ezipte-na, an mba ni tchi gro suma Ezipte suma a vut avo’â woi pet, tinï ad’ud’a yam suma gak mba yam d’uwarâ. An mba ni ka sariyad’a yam alona hi Ezipte-nina pet, kayam an ni Ma didina.

Buzuk ka Abud’a 18:11

Ki tchetchemba, an wala Ma didina ni ma kal alona petna, kayam tcho d’a Ezipte-na a ngat kuruzi á lat mi Israel-lîd’a ti hulong kaziya.

Isai 44:8

Ar agi lagi mandar ri, ar agi zlagagi d’uo mi. An dagi yam ahle ndazina avok kuo zu? An dagizi woi avok mi d’uo zu? Agi ni glangâs mana. Alo ma ding nga woi keng vam zu? Ahina d’a ngom ta d’a ding nga d’i, an wat nga d’uo mi.

Jeremi 46:18

An amul ma simiyên ala Ma didin ma ad’engên kal petna na ni dala: An gun tan ki an ma bei matna ala: Ma djangûna nga djï d’igi Tabor ri nga akulo aduk ahuniyôna na, d’igi Karmel li nga akulo avun alum ma ngolâ na mi.

Jeremi 48:15

An amul ma simiyên ala Ma didin ma ad’engên kal petna na ni dala: Azì ma Mowap-ma, a nga b’lagam mbeyo, azì mam ma nglona nga mi d’us andosâ, azungeî mam suma gangrangâ, a nga izi ata yima ngata mi.

Daniel 4:37

Ki tchetchemba, an Nebukanezar an nga ni gile amul ma akulona, an nga ni hum ngola, an nga ni suburum mi, kayam sun mamba pet ni gagazid’a, lovot mam mba tita pet ni d’ingêr. Ni ma nga mi hulong suma a subur tazina yazi kä na mi.

Malatchi 1:11

Ma didin ma ad’engêm kal petna mi dala: Deîd’a hafatid’a gak nik mata, simiyên nga mi yï aduk andjaf suma, a nga ngalan dubang ma his djivid’ina á suburun simiyênu, a nga mban ahle suma ngat buzu suma nda’â mi, kayam simiyên nga mi yï aduk andjaf suma.

Malatchi 1:14

Vun ma ged’a yam sama lop ir ma mi nga ki timi mam ma djivina aduk d’uwar mama, mi hle vunam kam á ngad’andji mi an Ma didina ko ba, mi vragam ki ma dakina. An Ma didin ma ad’engên kal petna ni de na, kayam an namul ma ngolâ, simiyên ni ma kal papa aduk suma petna mi.

Matiye 5:35

d’oze kandagad’a d’i, kayam ndat ni vama mi tin asem kama, d’oze ki Jerusalem mbi, kayam ndat nazì ma ngolâ hamul ma ngolîna.

Gat ta a hat á mbàd’id’a 7:21

Ar agi zlagagi avorozi d’i, kayam Ma didina Alo magina mi nga adigagiya. NAlo ma ngol ma suma a lum mandarama.