Sawal la giled’a 94:2 - Bible azumeina

² Ma ka sariyad’a yam andagad’ina, ang tchol akulo, ang he suma yam mba ad’enga wurak mazid’a yam sun nda azi lata.

Sawal la giled’a 94:2 ပူးပေါင်းရင်းမြစ်များ

Ad’u Tinda 18:25

Ang nga ki djib’er ra hina d’a á tchi suma d’ingêrâ zlapa ki suma tchona d’i? D’oze suma d’ingêrâ a ndak á mbut suma tchona d’uo hina d’uo zu? Ang Ma ka sariyad’a yam suma petna, mbeî ang mba ka sariyad’a ndak á le vama d’ingêrâ d’uo zu?

2 Sunda Hamuleinid’a 20:12

Salad’a Alo mamina, ang ka sariyad’a kazi d’uo zu? Kayam ami nga kad’enga avok azigar suma mimiyâk suma a djï atami durâ wana d’i, ami wami nga vama ami luma d’i. Wani ami tinimi irami ni kang angû.

Sawal la giled’a 31:23

Kur mandar mana an dala: An wal lei dei ki sed’engû, wani ata yima an tchi kangâ, ang hum tchen man nda hud’a.

Sawal la giled’a 50:6

Ar akulod’a ti tak d’ingêr mamba woyo, kayam mam mi ma ka sariyad’a. Tchol ndjö

Sawal la giled’a 68:1

Ni sawal la gile d’a David mi hlat mi hat mi ma ngolâ hi suma hle sawalina.

Sawal la giled’a 7:6

ar man ma djangûna mi digin mi vanu, mi mired’en kä andaga, mi b’lagan subur manda woyo. Tchol ndjö

Sawal la giled’a 74:22

Alo mana, ang tchol akulo, ang de woi yam zla manga, ang djib’er yam ngul la andjaf suma lilid’a a nga ngulung burâ ki burîd’a.

Sawal la giled’a 82:8

Alo mana, ang tchol akulo, ang ka sariyad’a yam suma yam andagad’ina, kayam angî Sala andjaf suma yam andagad’ina pet.

Isai 10:12

Wani fata Salad’a mi ndak vun sun mamba pet yam ahina d’a Siyon-nda ki d’a Jerusalem-mbid’a, mba mi ngop amul ma Asiri-na yam hur mam ma ngolâ, yam yam mam mba ad’enga mi.

Isai 2:17

Suma yam mba ad’enga a mba hulongôzi yazi kä, suma a subur tazina a mba grif kä mi. Ni Ma didina tu ba, a mba suburum kur bur máma.

Isai 37:23

Ang ngulî nge? Ang kra’î nge? Ang er ad’ung akulo a lazî nge? Ang hle yang akulo ni yam nge? Ni an Alo ma tin tan irat vat yam Israel-lîna.

Isai 37:29

Ang nga gurut ki sed’enu. An hum ngul la ang nga ngulunda. Kayam ndata, an mba ni tchong atchinangû, an mba ni tchugung djamad’a avunang mi, an mba ni tanang hulongông avo hatang kur lovot ta ang hlad’ïd’a.

Daniel 4:37

Ki tchetchemba, an Nebukanezar an nga ni gile amul ma akulona, an nga ni hum ngola, an nga ni suburum mi, kayam sun mamba pet ni gagazid’a, lovot mam mba tita pet ni d’ingêr. Ni ma nga mi hulong suma a subur tazina yazi kä na mi.

Mise 5:9

Ma didina mi dala: Kur bur máma an mba ni tchagi akulumei magina woyo, an mba ni b’lagagi pus magi ma dur ayîna woi mi.

2 Korente-na 5:10

Kayam ei pet mba tcholei avok zlam mba ka sariyad’a hi Christ-sa, nge nge pî mba mi ve vama ndak yam sun nda mi lat kur hliu tamba, le ni djivid’a, d’oze tchod’a.

1 Pierre 5:5

Hina mi, agi azungeîna, ar agi gagi yagi kä ad’u suma nglona. Agi pet lagi sunda aduk tagi ki lulumad’a, kayam mbaktumba hAlonid’a ti dala: Alona nga mi noî suma a nga le yam mba ad’engina woyo, wani nga mi ve suma lulumana sumad’a.