Sawal la giled’a 93:1 - Bible azumeina

¹ Ma didina namul ma ngolâ, mi tchuk subura atam d’igi barud’a na, mi djin ad’enga furum d’igi d’i’â na. Ni kayam ndata ba, duniyad’a nga kaka ngingring, nga d’i giget tuo ni na.

Sawal la giled’a 93:1 ပူးပေါင်းရင်းမြစ်များ

1 Sunda Hamuleinid’a 16:30

Agi suma yam andagad’ina pet, agi zlagagi avoromu. Andagad’a ti nga kaka ngingring nga d’i giget ti.

1 Sunda Hamuleinid’a 16:31

Ar akulod’a ti le furîd’a, ar andagad’a ti ayâ! Agi dagi mandjaf suma pet ala: Ma didina nga mi tamula!

1 Sunda Hamuleinid’a 29:12

Ndjondjoîd’a ki subura a tcholï natangû. Angî ma te yam ahlena petna; ad’enga ki sib’ika azi ni mangâ. Ni ang ba, he ngola mi suma; ni ang ba, nga hazi ad’enga mi.

Wana ni mbaktumba hi Job-pa 40:10

Alona mi de mi Job kua ala: Ang gola! Gariyam ma an lum d’igi ang na na nga mi te hatna d’igi amuhlâ na.

Sawal la giled’a 103:19

Ma didina mi tin nga zlam mam mba amula sä akulo, nga mi tamula yam ahlena pet mi.

Sawal la giled’a 145:13

Amul mang nga ted’a ni d’a didinda; ang nga tamula ni kur atchogoi d’a lara ge pet.

Sawal la giled’a 18:32

Alo ma iratna ni nge? Ni Ma didina. Ahina d’a irata ni nge? NAlo meina.

Sawal la giled’a 59:13

Zla d’a ndavunazid’a ni tchod’a; ar azi puk kä yam yam mba ad’eng mazid’a, yam vun ma ge ma azi nga gum mi suma ki zla mazi d’a kad’ina mi.

Sawal la giled’a 65:6

Alo man ma suta, kayam d’ingêr manga ang nga hulongômi humba nata ahle suma atchapma. Ni ang tu ba, suma yam andagad’ina pet ki suma avun dabid’a halum ma ngolîna, a tin huruzi ni kangû.

Sawal la giled’a 65:7

Kad’eng manga ang tin ahuniyôna ata yaziya, ang nga kaka kad’eng manga ngingring mi.

Sawal la giled’a 75:3

Alona mi dala: Ata yima an ngama, an mba ni ka sariya d’a irata.

Sawal la giled’a 96:10

Agi dagi mandjaf suma pet ala: Ma didina nga mi tamula. Ni kayam ndata ba, andagad’a ti nga kaka ngingring, nga d’i giget tuo ni na. Mi nga mi ka sariyad’a yam andjaf suma ki d’ingêra.

Sawal la giled’a 97:1

Ma didina nga mi tamula! Ar suma yam andagad’ina pet a ayâ, ar suma yam til la tetengina a le furîd’a mi.

Sawal la giled’a 99:1

Ma didina nga mi tamula, ar suma a zlaga! Mi nga kaka aduk tcherebêna, ar andagad’a ti giged’a!

Isai 11:5

D’ingêra mba d’i mbut ni d’ik ma mam djinim furuma, d’engzenga mba d’i mbut ni d’ik ma mam mba mi djinim ir tchuguluma mi.

Isai 45:12

Ni an ba ni landagad’a, ni le suma a nga kaka kurutna pet. Ni an ba ni b’eng akulod’a woyo, ni he vuna mahle suma kurutna pet mi.

Isai 45:18

Ma didina Alo ma tu gid’engâ ni ma lakulod’a, ni ma landagad’a, mi minit mi sirat tala ti kak hawa d’uo, suma a kak kurud’u na, mi dala: An ni Ma didina, alo ma ding nga woi keng vam mbi, ni an tu.

Isai 49:8

Ma didina mi dala: Ata yima sumad’a an hulong dangû, kur bur ma suta an ndjunung mi. An mba ni ngomongû, an mba ni tining á djin vunang kandjaf suma á tchol ambasa akulo, á b’rau ahle suma djo suma kur ambas sa ar djonid’a,

Isai 51:16

An ni ma ni b’eng akulod’a woina, an ni ma ni gäd’u andagad’ina, an ni ma ni de mi suma Siyon-na ala: Agi ni sum mana na, an nga ni tining zla manda avunangû, an nga ni dugung kä kanguza abonu.

Isai 51:9

Ma didina, ang zlit akulo atogo zak kad’eng manga, ang zlit akulo d’igi ang zlit adjeu kur atchogoi d’a kal lei dedeid’a na. Ni ang ba, tchi ambur ma Ezipte-na, ang tchok ambur ma a yum ala Dragon ma kur alum ma ngolîna mbilâ mi d’uo zu?

Isai 52:7

Djivid’a yam sama nga mi djï akulo yam ahuniyôna á de zla d’a djivid’a woina, yam ma nga mi de woi yam b’leng nga halasa, yam djivid’a ki sutina, ma nga mi de mi Jerusalem ala: Alona namul ma’â na.

Isai 59:17

Mi tchuk d’ingêra atam d’igi sana mi tchuk kongrongâ atam na, mi kulup djum mba suta kam mi. Mi tchuk baru ma sä atchugula atamu, mi tchuk yungôra atam d’igi sana mi tchuk baru d’a ngola atam na mi.

Isai 63:1

Ni nge ba, mi tcholï Edom kur azì ma ngol ma Bosra-na ki baru d’a hleud’a ki baru d’a wiled’a atam nga mi tit ki subur tad’a kad’engêm pet na ge? Ni an Ma didin ma nga ni de zla d’a gagazid’ina, ni an ma nga kad’enga á sut sumina.

Matiye 6:13

Ar ang imi kur kuka d’i, wani ang pad’ami woi abo Ma tchona. [Leud’a, ad’enga ki subura ni manga gak didin. Amin!]

Hebre-na 1:8

Wani Alona mi de yam Goroma ala: Ang Alona, zlam mang nga amula ni d’a gak didinda. Ang nga te leu manga ni ki d’ingêra.

Vama ndum mbeina 19:6

An hum dela d’igi dela hablau sumid’a na nga d’i siwel d’igi mbiyo ma avun vorina na, d’igi breîd’a halonid’a na mi. An hum ti dala: Aleluya! Kayam Salad’a Alo mei ma ad’engêm kal petna nga mi te leud’a.