Sawal la giled’a 92:12 - Bible azumeina

¹² Iran ndi mal lei yam suma a nga kud’uguna, human nga d’i hum zlad’a hi suma a tok tazi kan á tchana mi.

Sawal la giled’a 92:12 ပူးပေါင်းရင်းမြစ်များ

1 Amuleina 4:33

Mi de zlad’a yam agu ma lara ge pet, tin ad’ud’a ata agu sedre ma Liban-na dei gak mba ata agu hisop ma gurei ma deî kä ad’u gulumunina. Mi de zlad’a yam ambureina, yam azureina, yam d’uwarâ, yam aluweina, yam ahle suma dram kä na, yam kulufâ mi.

1 Amuleina 6:29

Mi d’udjo tcherebêna, amulongeîna ki b’o d’a mbumbuyîd’a kur gong nga kud’ora hurut ma mbàna.

Ester 9:5

Juif-fâ a ka mazi suma djangûna ki mbuguyo suma fuyogeina nga nga, a tchaziya, a dabazi woyo, a le vama huruzi mina ki sed’eziya.

Sawal la giled’a 1:3

Mam mi d’igi agu ma a pum avun mbiyo ma laud’a ma nga mi vut ata yam ma vuta ma humam nga d’i lugot tuo na na. Ahlena pet suma nga mi lazina, mi fazi mi.

Sawal la giled’a 104:16

Ma didina, agu mang ma nglona, mbina ndagamu; agu sedre ma Liban ma ang puma, mbina ndagam mi.

Sawal la giled’a 148:9

Agi ahuniyôna ki yima djodjohlâ pet, agi agu ma vuta kagu sedrena pet, agi gilegiziya!

Sawal la giled’a 37:34

Ang tin hurung yam Ma didina, ang tit kur lovot mamba; mam mba mi hlang yang akulo, ang mba tandagad’a djona. Fata mi tchi suma asa’atna woid’a, ang mba wazi ki irangû.

Sawal la giled’a 52:8

Suma d’ingêrâ a mba we, a mba le mandarâ, a mba san ad’ung ala:

Sawal la giled’a 72:7

Kur atchogoi mamba, suma d’ingêrâ a mba zul avogovogo. Suma a mba kak ki b’leng nga halasa gak dabid’a hatchogoid’id’a.

Sawal la giled’a 92:7

Sama bei ned’a mi ndak á wat ad’ut ti, sama lilid’a mi ndak á humut tuo mi.

Isai 55:13

Agu siprena mba mi deî balum azlupa, agu mirtena mba mi deî balum kekerezeuna mi, a mba mbut vama subura yam Ma didina, ni vama tak ma didin ma bei mi dap pei ba na.

Isai 65:22

Azi mba min azina, sama ding mba mi kak kua d’i; a mba paguna, sama ding mba mi tum vud’um mbuo mi. Kayam sum mana a mba te tatâ d’igi aguna mi te tatâ na, suma an manazina a mba le furîd’a yam sun nda a mba lat kabozid’a mi.

Jeremi 17:8

Mi hle tamî d’igi agu ma a pum avun mbina ma sideyem mi i kä aduk mbiyo ma djangîna na, nga mi we huwaka d’i, humam ti ni d’ufa hina gugulî. Kur biza d’a sod’a pî, humam nga d’i lugot ti, nga mi ba bei vut tuo mi.

Amos 2:9

Hina pet pî, an tchi suma Amor suma fuyogeid’a d’igi agu sedrena na suma ad’engêzi d’igi agu sena na na woi avoroziya, an tchazi vud’uzi woyo, an sozi sideyezi woi mi.

Mise 7:10

Ang mami ma djangû ma dami ala: Ma didina Alo magina mi nga ni lara ge na, ang mba we, ang mba mbut zulona. Ami mba somi irami kang ata yima a mba mired’eng kä d’igi suma a miret lubuna kä ir palumba na na.

Ndumba 24:6

Zlub’u magid’a ti ni d’igi alum ma nga mi djangâ na, ti ni d’igi asine ma avun alumina na, ti ni d’igi agu alowe ma Ma didina mi puma na, ti ni d’igi agu sedre ma avun alumina na mi.