Sawal la giled’a 9:5 - Bible azumeina

⁵ Kayam ang nga ndjunun yam d’ingêr manda, yam zla manda mi, ang nga kaka yam zlam manga á kan sariya d’a d’ingêra.

Sawal la giled’a 9:5 ပူးပေါင်းရင်းမြစ်များ

2 Samuel 17:23

Ata yima Ahitofel mi we d’ala a ve nga d’al mama d’uo d’a, mi nga yam koro mama, mi i avo hatamu, mi de vunam mi sum mama, mi tchuk ziyona kelem mi tchi tamu. A tozom kur zula habumba.

Sawal la giled’a 149:7

á sä atchuguluzi kandjaf suma dingâ, á ngop andjaf suma dingâ,

Sawal la giled’a 2:1

Ni kayam me ba, andjaf suma a siwel hina gandjau ge? Ni kayam me ba, suma a djib’er djib’er ra hawa yaka hina ge?

Sawal la giled’a 5:6

Suma a subur tazina a ndak á tchol avorong ngi, suma a le sun nda tchod’ina pet, ang nga noyôzi woyo.

Sawal la giled’a 7:12

Alona ni ma d’ingêr ma ka sariyad’a, ni ma hurum nga zal burâ kaf yam suma asa’atnina.

Sawal la giled’a 78:55

Mi dik andjaf suma dingâ woi avok andjafâ hi Israel-lîna, mi b’rawazi djona, mi hazi yi mazi ma kaka mi.

Sawal la giled’a 79:10

Ni kayam me ba, ang ar andjaf suma dingâ a nga dala: Alo mazina mi nga ni lara ge ge? Ar suma a we woi pid’ak avoromi ala ang nga sä atchugul azungeî mang suma a tchazina.

Zla d’a d’ogolâ 10:7

Djib’er ra yam sama d’ingêr ma mi mitna ni b’e vuna, wani a mba mar rei yam simiyê suma asa’at suma a bona.

Zla d’a d’ogolâ 13:9

Sama d’ingêrâ nga mi b’o ndinding d’igi b’od’a na, wani sama asa’atna mi ni d’igi lalam mba mit teid’a na.

Jeremi 49:38

Ma didina mi de kua ala: An mba ni tin zlam man nda amula navo Elam, an mba ni tchamulâ woi ki mam suma nglona.

Hor ma tchina 3:58

Salad’a, ang ndjun wa kanu, ang sud’un ndei mi.

Gat ta a hat á mbàd’id’a 9:14

Aran an i ni dabazi woyo, ni tchazi simiyêzi woi yam andagad’a, an mba ni lang andjaf ma kalazi ki sib’ika, ma kalazi kablaud’ina mi.

Vama ndum mbeina 19:15

Mbigeu d’a fiyak ka tena heîd’a, ti nde woi avunamu, ni d’a mba mi ka kandjaf sumid’a. Mba mi polozi ki totogo d’a kawei ma wurana, mba mi miret guguzlud’a, d’ala nayîna hAlo ma ad’engêm kal petna na.

1 Samuel 25:32

David mi de mi Abigayel ala: Mersi mi Ma didina Alona hi Israel ma sunugï ini á ngaf ki sed’ena.

1 Samuel 25:39

Kid’a David mi hum ala Nabal mi mid’a wa d’a, mi dala: An le mersi mi Ma didin ma mi hlan atchugulun ata yima Nabal mi nguluna; ni Ma mi d’elen á le tchod’ina! Ma didina mi hulong wa tchod’a hi Nabal-la kamu. Ata yi máma David mi sun sumala a djobï Abigayel mam vat atchad’a.

1 Samuel 31:4

Ata yi máma Saul mi de mi sama zim ahle mam suma sïnina ala: Ang pat mbigeu mang nga fiyaka, ang tchogonu; ar suma bei ngat bayâ ndazina a mba tchan tchi ba a lazan ndi. Wani sama zim ahle mam suma sïnina mi min ndi, kayam nga mi le mandarâ ngola. Ata yi máma Saul mi pat mbigeu mam mba fiyaka, mi ge tam avunad’u.