Sawal la giled’a 9:13 - Bible azumeina

¹³ Mam mi sama sä atchugul suma a tchazina, nga mi djib’er kazi mi, nga mi mar yam tchina hi suma hohoud’ina d’i.

Sawal la giled’a 9:13 ပူးပေါင်းရင်းမြစ်များ

Ad’u Tinda 4:10

Alona mi hulong dum ala: Ni kayam me ba, ang le hina ge? An hum buzu wiyengâ nga mi tchi d’igi del sana na, ei kä andaga dei, ti fan sä, kayam an sam atchugulumu.

Ad’u Tinda 4:9

Ma didina mi djop Kain ala: Wiyengâ Abel mi nga ni lara ge? Kain mi hulong dum ala: An wum nga d’i; an ni ma ngomoma zu?

1 Amuleina 21:19

Ang i dum ala: Wana ni vama Ma didina mi duma. Mi dala: Ang tchi sana mi na, ni nana ba, ang yom ahle mama djona ge? Ang dum kua ala: Gola! Ma didina mi dang kua ala: Ata yima adureina a trâ buzuna hi Nabot kuana, nata yi máma ba, a mba trâng buzuwang ang kua mi.

2 Amuleina 9:26

Ma didina mi dala: Ata yima ang tchi Nabot ki groma kamina an we. Kayam ndata, an mba ni ngobong yam tcho mang ndata kur asine máma. Jehu mi de kua ala: Kayam ndata, ang hlum ang gum kur asine máma d’igi Ma didina mi de na mi.

2 Sunda Hamuleinid’a 24:22

Amulâ Jowas mi djib’er nga yam djivi d’a Jehojada Zakari abum mi lat ki sed’emba d’i, mi tchi goroma Zakari. Ata yima Zakari nga mi lá matnina, mi dala: Ar Ma didina mi we, mi djop ad’u zla ndata ni mamu!

Nehemi 9:32

Ki tchetchemba, ang Alo mamina, angî ma ngolâ, angî ma sib’ika, angî ma kal papana, angî ma nga ngom vun mang ma djindina, angî ma nga mi we hohowa sumina, ar ang gol ndak ka nga d’i lamid’a d’igi vama gor go hina d’i, nala, ndak mamid’a ki d’a amulei maminid’a ki d’a hi suma nglo maminid’a ki d’a hi suma ngat buzu maminid’a ki d’a hi suma djok vun maminid’a ki d’a habuyomi ki sum maminid’a pet ta ami fad’ï kur atchogoid’a hamulei suma Asiri-nid’a dei gak inid’a.

Sawal la giled’a 10:12

Ma didina, ang tchol akulo, Alona, ang ndjunumiya, ang mar yam suma hohoud’a d’i.

Sawal la giled’a 107:18

Tena pet mi mbut tchod’a iraziya, azi lá matna.

Sawal la giled’a 119:132

Ang mbud’ï irang kanu, ang wan hohowon d’igi ang hle vunang mi suma a nga le yam simiyêngâ na.

Sawal la giled’a 119:153

Ang wan ndak manda, ang prud’un ndeyo, kayam an mar nga yam gat manga d’i.

Sawal la giled’a 12:6

Ma didina mi dala: Ki tchetchemba, an nga ni tchol akulo á sut suma suma a nga golozi isâ, kayam a nga las suma hohoud’a, suma houd’a a nga zam tazi mi.

Sawal la giled’a 13:3

An mba ni yor tan hina gagak mindja ge? An mba ni kak kur djib’era burâ ki burâ hina gagak mindja ge? Man ma djangûna mba mi tchol akulo á kus kan hina gagak mindja ge?

Sawal la giled’a 142:6

Ma didina, an nga ni yangî angû, an nga ni dala: Angî yi man ma ngeid’a, angî b’rau manda aduk suma a nga ki irazi yam andagad’ina.

Sawal la giled’a 25:19

Ang gol man suma djangûna ablawazi ni ga ge? Ang gola, azi noyôn ni noî d’a tchod’a.

Sawal la giled’a 30:3

Ma didina Alo mana, an tchi kangû, ang tcholon akulo mi.

Sawal la giled’a 38:19

Kayam an nga ni de woi yam tcho manda, an nga ki djib’er ra ngola yam tcho manda mi.

Sawal la giled’a 51:1

Ni sawal la gile d’a David mi hlat mi hat mi ma ngolâ hi suma hle sawalina.

Sawal la giled’a 56:13

Alo mana, mbeî an ndak vun vun ma hle ma an hlangzina, an mba ni hang vama ngat buzu ma le mersid’a,

Sawal la giled’a 86:13

Kayam o mang nga didin nda ang lat kanda, ti kal ngola heî; kayam ang prud’un ndei ata yima azuleina mi.

Isai 38:10

An de kurun ala: An ar go á matna, djivid’a an ni iya. An nga ni i avun agrek ma azuleina, an dok dap vun biza man nda ara d’uo d’a.

Hor ma tchina 1:11

Sum matna a nga zam taziya, a nga hal tena, a hahle mazi suma djivi suma azi nga ki na woi yam tena á ndjun ari mazid’a. Ma didina, ang gola! An mbut wa hohoud’a.

Hor ma tchina 1:9

Ndjendje mata nga d’i djang ata baru mata, ti djib’er nga yam vama nga mi mba katna d’i. Puk mata ni puk ka atchapa, sama b’lengêt hurutna nga d’i. Ti dala: Ma didina, ang we hohou manda. Ni nana ba, ma djangûna nga mi kus kan nge?

Jean 2:6

Afud’ogei suma ahinad’a karagaya a nga tinda ata yi máma yam mbusa hi Juif-fîd’a yam gat mazid’id’a. Hur afud’ogei ndazina a selî agolongeîna mbàmbà d’oze hihindi.