16 Ang mbud’ï irang kanu, ang wan hohowonu, ang had’eng manga mi an azong mangâ, ang ngomon an wei manga gorotna.
Ma didina, an nga ni tchenengû, kayam an nazong mangâ, an ni wei manga gorotna. Ni ang ba, bud’un ziyo ma a djinin ki na woyo.
Ang mbud’ï irang kanu, ang wan hohowon d’igi ang hle vunang mi suma a nga le yam simiyêngâ na.
An ni mangâ, ang sud’unu, kayam an nga ni halî gat manga.
Kur bur ma an yangâ, ang humunu, ang siranu, ang han ad’enga atan mi.
Ang mbud’i irang kanu, ang wan hohowonu, kayam an arî van tu, an ni sama hohoud’a.
Wani an nga ni dala: Ma didina, ang wan hohowonu! Ang tcholon akulo, kayam an le tchod’a avorongû.
Ang ar abilâ mi hlan ndi, ar an sir kä ad’u galileina d’i, ar yima azuleina mi duk vunam kan nduo mi.
Suma a nga kaka avo hatangâ, a le furîd’a, a mba gileng burâ ki burâ. Tchol ndjö
Ma didina, ang mba ar ayî mangâ kami hina gagak mindja ge? Ar ang wami ami azungeî mangâ hohowomiya!
A mba de kan ala: Nata Ma didina tu ba, ang fe d’ingêra kad’enga. Suma pet suma a mba dur ayîna ki sed’ena a mba mbeï geven ki zulona.
An mba ni hazi ad’enga, a mba tit ni ki simiyênu. Ni an Ma didina ba, ni de na.
Marie ti dala: An ni weid’a hi Salad’id’a. Ar mi le ki sed’en d’igi ang de na. Malaikana mi arad’u.
An nga ni tchen Alo ma subur mamba kal teglesâ, kayam mi hagi ad’enga kurugi kad’enga hi Muzuk mamid’a.
Vama arâ, agi siragi ngingring zlapa tu ki Salad’a, kur sib’ika had’eng mambid’a mi.
An ndak á lahlena pet yam ad’eng nga Christ mi handjid’a.
Kayam ndata, ami nga tchenemi Alona kayam mi siragi ngingring kad’enga hi subur mambid’a. Hina wani, agi mba fagi ad’enga á so tad’a, á ve tad’a mi.