Sawal la giled’a 85:3 - Bible azumeina

³ Ang hle tchod’a hi sum mangîd’a woyo, ang vat hurung ngei yam tcho mazid’a pet mi. Tchol ndjö

Sawal la giled’a 85:3 ပူးပေါင်းရင်းမြစ်များ

2 Sunda Hamuleinid’a 6:39

ang ma sä kaka akulo ata yima ang nga kaka kuana, ang hum tchen mazi d’a hud’a, ang le ki sed’ezi ata lovot ta d’ingêra, ang vat hurung ngei kazi yam tcho d’a azi langzid’a.

Sawal la giled’a 106:23

Ma didina mi dala mi dabazi woyo; ni Moise ma mam manama hol ba, mi tchol avorom ir hod’ola hi gulumunid’a á d’el vun ayî mama tala mi dabazi woi d’uo d’a.

Sawal la giled’a 78:38

Wani mi wazi hohowoziya, mi vat hurum mbei yam tcho mazid’a, mi dabazi nga woi d’i, nga mi d’el tam kur ayî mam ma bibiliuna teteu.

Buzuk ka Abud’a 32:22

Aron mi hulong dum ala: Salana, ar hurung zal kan ndi. Ang tang we sum ndazina; azi ni suma a tin huruzi yam tcho d’a led’ina dei.

Isai 12:1

Kur bur máma ang mba dala: Ma didina, an nga ni gilengû, kayam hurung zal kanu, wani hurung vat tei kanu, ang b’lengên hurun mi.

Isai 40:1

Alo magina mi dala: Agi b’lengêgi hur sum mana! Agi b’lengêgi hur sum mana!

Isai 40:2

Agi b’lengêgi hur suma Jerusalem-ma, agi dazi zlad’a ki delegi d’a ngola ala: Sun magi d’a magomba dap da’. Alona mi vat wa hurum mbei yam tchila magid’a, mi wuragagi wa yam tcho magi d’a lara ge yam mbà mi.

Isai 6:7

Mi dondji avunanu, mi dan ala: Ang gola! An dongzi avunang wana, tchila manga a hlat tei da’, tcho manga a hazat tei da mi!

Jeremi 50:20

Ma didina mi dala: Kur bur máma, ata yi máma, a mba hal tchilad’a hi Israel-lîd’a, a mba fat ti, a mba hal tchod’a hi suma Juda-nid’a, a mba fat tuo mi. Kayam an mba ni vat hurun ndei yam suma an mba ni arazina.

Ezekiyel 16:63

Fata an mba ni vat hurun ndei kak yam ahlena pet suma ndak lazinid’a, ndak mba d’i djib’er yam bur ma kalâ, ndak mba d’i mbut zulona, ndak mba d’i mal vunak á de zlad’a abo zulo ma’â d’i. An Salad’a Ma didina ni de na.

Jonas 3:9

Ni nge mi we ge, dam Alona mba mi djok djib’er mamba kei mba mi ar ayî mama bibiliuna tala ei boi woi d’uo d’a kla ni ge?

Mise 7:19

Ang mba wami hohowomi kua, ang mba miret tchila mamid’a kä kasengû, ang mba komi tcho mamid’a sä woi kä ad’u alum ma ngolâ.

Jean 1:29

Tcha ndjivinda Jean mi we Jesus nga mi djï gevemu, mi dala: Agi gologi Gor timina hAlona ma nga mi hle tchod’a hi suma duniyad’a kama.

Gat ta a hat á mbàd’id’a 13:17

Ar agi hlagi ahle suma agi b’lagazi woina abogi d’i, kayambala Ma didina hurum vat tei kur ayî mam ma bibiliuna d’a. Le agi gagi yagi kä ad’u zlad’a hi Ma didina Alo maginid’a, le agi ngomogi vun ma he mama pet ma an hagizi inina, le agi lagi sun nda d’ingêra avok Ma didina Alo magina ni, mam mba mi wagi hohowogiya, mba mi zulugi ablaud’a d’igi mam hle vunam mabuyogi ngolo na mi.

Gat ta a hat á mbàd’id’a 32:43

Ar andjaf suma pet a le furîd’a yam sum mama! Kayam Ma didina nga mi hlatchugula matna hazungeî mamina, nga mi hlatchugulum ki mam suma djangûna, nga mi mbut ambas mamba yed’et ki sum mama mi.