Sawal la giled’a 85:12 - Bible azumeina

¹² Gagazid’a mba d’i tcholï ka andaga; d’ingêra hAlonid’a mba d’i tcholï nakulo mi.

Sawal la giled’a 85:12 ပူးပေါင်းရင်းမြစ်များ

Sawal la giled’a 67:6

Alo mamina, ar andjaf suma a suburungû, ar andjaf suma pet a suburungû.

Sawal la giled’a 72:16

Ambas mamba mba d’i wul awuna heî, agu ma yam ahuniyôna mba mi hô kä ki vuta d’igi agu ma Liban-na na. Suma a mba zul kur azina d’igi asuna nga mi zul na mi.

Sawal la giled’a 84:11

Bur ma tu ma an kal kur gulumun mangîna, mi djivid’a kal bur ma dubu ma an kak kei abuna. Alo mana, tan lan djivid’a á kak ndjola avun gong manga kal la an kak kur zlub’ud’a hi suma asa’atnid’a.

Isai 32:15

Wani bur tu Ma didina mba mi voï Muzuk mama kei kä. Hur fulâ mba mi mbut nandaga d’a a pagu ma vuta kuad’a, mba mi mbut nagu d’a ndindika mi.

Isai 45:8

Ar akulod’a ti lau d’engzenga d’igi mbina mi lau woi na, ar d’ugula ti se d’ingêra d’igi alona mi se na, ar andagad’a ti mal vunat á mba ki suta, ti deî d’ingêra d’igi ahlena a deî na mi. Gola! Wana nahle suma an Ma didina ni lazina.

Sunda hi suma hi Levi-nid’a 25:19

Ambas ndata mba d’i wulugi awuna, agi mba tagiya, agi mba hobogiya, agi mba kagagi kua ki halasa mi.

Sunda hi suma hi Levi-nid’a 26:4

an mba ni sagi alona ata yamu. Andagad’a mba d’i wulugi awuna, agu magina mba mi vut mi.

Mise 6:8

Nga na d’i! Ang sana, a tagang wa vama djivina, vama Ma didina mi halam atangâ ba wana: Ang tit ni yam d’ingêra, ang le yam djivid’a, ang ge yang kä avok Alo mangâ luluma.

Zakari 8:12

An mba ni mba ki b’leng nga halasa yam andagad’a, guguzlud’a mba d’i vud’a, andagad’a mba d’i wul awuna, akulod’a mba d’i salona ngola, an mba ni le djivi ndata mi man suma a mba arâ.

Matiye 13:23

Ma mi nde ata andaga d’a djivid’ina ni sama hum zlad’a, mi wat ad’ud’u, mi tchuk grona, ma dingâ mi le irâ kis, ma dingâ mi le irâ dok karagaya, ma dingâ mi le irâ dok hindi mi na.

Matiye 13:8

Ma dingâ mi nde ata yima andaga d’a djivid’a, mi le irâ, ma dingâ kis, ma dingâ dok karagaya, ma dingâ dok hindi mi.

Sunda hi suma a sunuzinid’a 2:41

Suma a ve zla mambina, a lazi batemba. Kur bur máma a fe suma kazi kua d’igi dudubud’a hindi na.

Sunda hi suma a sunuzinid’a 21:20

Kid’a azi hum zla mamba dad’a, a gile Alona, a dum ala: Wiyemina, ang we Juif-fâ ni dudubu suma a he gagazid’ina, azi pet tazi nga d’i lazi zlezleû yam gata hi Moise-sa.

1 Korente-na 1:30

Wani Alona mi zlabagi wa tu ki Jesus Christ, mi mbut Christ ne meid’a mi. Ni yam Christ ba, ei mbud’i suma d’ingêrâ avok Alona, mi mbud’i suma hAlonina, mi pad’ei woi mi.

Efes-sâ 1:3

Ar ei gilei Alona Abu Saleina Jesus Christ ma mi b’e vunam kei zlapa tu ki Christ ki vun mam ma b’e ma lara ge pet ma sä akulona.

Jacques 1:17

He d’a hawa d’a djivid’a ki he d’a hawa d’a ndak memeta pet a tcholï nakulo abo Alo ma le b’od’ina, ni ma bei mbuta ba ma anguzam nga d’i pret tuo mi na.