Sawal la giled’a 82:2 - Bible azumeina

² Mi dazi ala: Agi mba kagi sariyad’a bei d’ingêra á djik suma asa’atna akulo hina gagak mindja ge? Tchol ndjö

Sawal la giled’a 82:2 ပူးပေါင်းရင်းမြစ်များ

1 Amuleina 18:21

Wani Elie mi hut avok ablau suma petna, mi dazi ala: Ni mindja tua ba, agi mba aragi bei tcha tatad’a ge? Le agi wagi ala Ma didina nAlo ma gagazina ni, agi lum sunda! D’oze, le Bäl lî alo ma gagazina ni, agi lum sunda! Wani ablau suma sa mi hulongôm nga zlad’a de tu d’i.

2 Sunda Hamuleinid’a 19:7

Kayam ndata, agi lagi mandara Ma didina, agi gologi tagi djivi ata yima agi mba kagi sariyad’ina, kayam mbut ira nga ata Ma didina Alo meina d’oze nga mi man sa yam ngol mamba d’oze nga mi ve bege d’a mbut ira abo sa d’uo mi.

Wana ni mbaktumba hi Job-pa 32:21

An nga ni man sa yam iram go d’i, an nga ni lop sa iram mbuo mi.

Wana ni mbaktumba hi Job-pa 34:19

Alona nga mi man sana yam ngol mamba d’i, nga mi wal ir sama ndjondjoîna ki sama houd’a d’uo mi, kayam azi djak ni sun nda mam lat kabomba.

Sawal la giled’a 62:3

Mam tu nahina manda, ni sut manda, ni gulumun man ma ad’eng ma ngunguna; an nga ni le mandara va tu d’i.

Buzuk ka Abud’a 10:3

Moise azi ki Aron a i gen Faron, a dum ala: Ma didina Alona hi Hebre-nina mi dala: Ang mba noî á ge yang kä avok an Ma didina hina gak mindja ge? Ang ar sum mana a i á kud’uronu.

Zla d’a d’ogolâ 18:5

Nga djivid’a á ndjak vunang ki sama asa’atna á b’lak sariyad’a hi sama d’ingêrîd’a woi d’i.

Ezekiyel 45:9

Salad’a Ma didina mi dala: Agi amulei suma Israel-lâ, ndak wa da’! Agi aragi murud’umba ki hurumba woyo, agi lagi ni sun nda d’ingêra ki gagazid’a, agi aragi yo d’a agi yogi ahlena hi sum mana kad’engid’a woyo. An Salad’a Ma didina ni de na!

Sunda hi suma hi Levi-nid’a 19:15

Agi kagi sariyad’a bei gagazid’a kur sariya magi d’a kad’a d’i. Ang we hohowa ma houd’a ata yima ka sariyad’a d’i, ang ndjun sama ngola ata yima ka sariyad’a d’uo mi, wani ang ka ni sariya d’a d’ingêra mi ndrangâ.

Matiye 17:17

Jesus mi hulong dazi ala: Agi suma bei he gagazid’a suma bei hum vuna suma kur atchogoî d’a wandina, an mba ni kak ki sed’egi gak mindja ge? An mba ni ve tan ki sed’egi gak mindja ge? Agi mbeyendjïya.

Galat-na 2:6

Wani suma a nga golozi d’igi suma nglona na na, an golozi ni va d’i, kayam Alona nga mi pat sana ni yam iram go d’i. An nga ni dala suma nglo ndazina a had’an nga va tu d’i.

Gat ta a hat á mbàd’id’a 1:17

Ar agi wagi hohowa sa kur sariya d’a kad’a d’i, agi humugi gogorâ d’igi ma ngolâ na, ar agi lagi mandara sa tu d’i, kayam Alona ni ma ka sariyad’a. Ata yima agi fagi sariya d’a ad’engina, agi mbeyendji avoronu, an humut ki sed’egiya.