Sawal la giled’a 81:14 - Bible azumeina

¹⁴ Ladjï sum mana a humunu, ladjï Israel-lâ a tit ni kur lovot manda ni,

Sawal la giled’a 81:14 ပူးပေါင်းရင်းမြစ်များ

Sawal la giled’a 47:3

Kayam Ma didina ni ma sä akulo ma kal tegles ma sana ndak á lum mandarama, mam mi amul ma ngol ma te yam andagad’a petna.

Isai 48:18

Ladjï agi gagi yagi kä ad’u vun man ma hed’a ni, b’leng nga halas magid’a mba d’i mbut ni d’igi aluma na! D’ingêr magid’a mba d’i mbut ni d’igi abil ma kur alum ma ngolîna na mi.

Amos 1:8

An mba ni tchi suma a nga kaka Asdot-na woi pet ki ma nga mi tamula Askalon-na woi mi. An mba ni hulong abon ni tum suma Ekron-na, suma Filistê suma a arâ a mba dap pei mi. An Salad’a Ma didina ni de na.

Zakari 13:7

Ma didin ma ad’engêm kal petna mi dala: Ndak mbigeu d’a fiyaka, ndak ka man ma pola, ndak ka ndrana mi. Ndak ka ma pola, ar tumiyôna a b’rau woi yayak, an mba ni mbut iran yam suma gureina.

Ndumba 14:45

Ata yi máma suma Amale’â ki suma Kanan suma a nga kaka yam ahina ndatina, a duruzi a tchazi gak a tchuguzi sä Horma.

Ndumba 14:9

Wani agi sogi vuna á kak djangûna ki Ma didina d’i, agi lagi mandara suma kur ambas ndatina d’uo mi, kayam azi mba mbut ni te meina. Ma ndjunuzi nga d’i, wani Ma didina mi nga ki sed’eya. Kayam ndata, agi lazi mandarazi d’i.

Gat ta a hat á mbàd’id’a 10:12

Moise mi de kua ala: Israel-lâ, ki tchetchemba, Ma didina Alo magina mi min ni me atagi ge? Mi min ala agi lum mandaramu, agi tid’igi kur lovot mamba, agi lum sunda, agi lagi kam ki hurugi pet ki tagi pet mi.

Josue 23:13

agi wagi woi ala Ma didina Alo magina mba mi dik andjaf suma wana woi avorogi gagak kuo d’a. Azi mba mbut ni d’igi abeid’a d’oze dauna d’oze blaf ma togi ki fefed’egina d’oze awei d’a tchogogi iragid’a na, gak agi dabagi woi yam andaga d’a djivi d’a Ma didina Alo magina mi hagizid’a.