Sawal la giled’a 78:12 - Bible azumeina

¹² Mi le sun nda atchapa avok abuyozi ngolo kur Ezipte abagei kel avo Sowan.

Sawal la giled’a 78:12 ပူးပေါင်းရင်းမြစ်များ

Ad’u Tinda 32:3

Jakob mi sun suma avorom gen wiyema Esau, kur ambas sa Seir yam andaga d’a Edom-mba.

2 Amuleina 17:7

Ndak ndata ti mba yam Israel-lâ, kayam azi le tchod’a avok Ma didina Alo mazi ma pad’azï woi yam andaga d’a Ezipte-d’a abo amulâ Faron-na, a kud’or alo ma ding ma tetengâ mi.

Nehemi 9:10

Ang tak ahle suma yoyou suma ndandalâ woi ata Faron, ata azungeî mama, ata suma yam ambas mambina pet mi, kayam ang we murud’um mba ngol la azi lat mabuyomi ngolod’a, ang tak subur manga woi atazi d’igi ini na mi.

Sawal la giled’a 106:22

a mar ahle suma atchap suma mi lazi yam ambasa hi Ham-mbina, yam ahle suma mandar suma mi lazi kur alum ma ngol ma Tchereunina woi mi.

Sawal la giled’a 135:9

Mi sunï ahle suma simata kahle suma yoyouna yam andaga d’a Ezipte-d’a á dur Faron kazungeî mama pet.

Buzuk ka Abud’a 7:1

Ma didina mi de mi Moise ala: Gola! An mba ni vragang blangân avok Faron, wiyengâ Aron mba mi djogong vunang ngeyo.

Isai 19:11

Suma nglo suma Sowan-na ni suma bei ned’a, suma ne suma de d’alâ hi Faron-na a nga de d’al ma lilid’a mi. Ni nana ba, sana adigagi mba mi ndak á de mi Faron ala: An ni suma ned’a gorozina an nandjafâ hi suma nglo suma adjeuna ge?

Isai 19:13

Suma nglo suma Sowan-na ni suma lilid’a, suma nglo suma Memfis-sâ yazi b’laga. Ni azi ba, a nga vit Ezipte-na woyo.

Ezekiyel 30:14

An mba ni ar azì ma Patros-sâ djona, an mba ni do akud’a ata azì ma Sowan-na, an mba ni ka sariyad’a yam azì ma No-na mi.

Ndumba 13:22

A hle lovot ta abo ma sutnid’a, a i gak a mbaza Hebron ata yima Ahiman, Sesai ki Talmai Anak groma a nga kuana. Hebron a minit ni bizad’a kid’iziya avok Sowan nda Ezipte-d’a.

Gat ta a hat á mbàd’id’a 4:34

Alo ma ding ma mba, mi prut andjaf ma ding ma nga aduk andjaf ma dingâ á mbud’um sum mama kahle suma kuka, kahle suma simata, kahle suma yoyouna, kayî ma durâ, kabom ma ad’engâ ki bigam mba zid’a kam akulo zid’a, kahle suma ndandal suma mbut suma mandarâ hina pet d’igi Ma didina Alo magina mi le ki sed’egi avo Ezipte hina na nga zu?

Gat ta a hat á mbàd’id’a 6:22

Ma didina mi lahle suma simata, ahle suma atchapma kahle suma nglo suma b’lak yina ki Ezipte-na ki Faron ki sum mama pet kä iramiya.

Josue 9:9

Azi hulong dum ala: Ami azungeî mangâ tcholomi ni yam ambas sa deid’a, kayam simiyê Ma didina Alo mang ma zlam nde yinina, yam ami humum zlam kahle suma mi lazi ki Ezipte-nina pet,