Sawal la giled’a 74:9 - Bible azumeina

⁹ Ami wami nga vama tak mala ang nga ki sed’emiya na d’uo d’a, ma djok vun mang nga d’uo d’a. Sama adigami ma wala ahle ndazina, a mba le ni gak mindja ge na nga d’i.

Sawal la giled’a 74:9 ပူးပေါင်းရင်းမြစ်များ

Buzuk ka Abud’a 12:13

Buzu máma mba mi mbut ni vama taka avun gong nga agi nga kuad’a. Ata yima an mba ni tchi Ezipte-nina, an mba ni we buzuna, an mba ni kal kagiya. Hina wani, ndak ka tcho d’a tchi matna mba d’i fagi d’i.

Hor ma tchina 2:9

Bap mat ma avun agre’îna mi rot kä andaga, mi b’lak keyo. Kawei ma murguli ma atama mi kus seyo. Amul matna ki mat suma nglona a yozi a izi aduk andjaf suma dingâ. Suma a hat gatina nga d’uo d’a. Mat suma djok vuna pî, Ma didina nga mi ndazi va irazi woi d’uo mi.

Ezekiyel 20:12

An hazi bur man ma sabatna d’igi vama taka na adigazi ki anu, kayam azi wala an ni Ma didin ma ni tinizi irazi vazina.

Ezekiyel 7:26

Ndaka mba d’i mba yam ndrat ndaka, zlad’a mba d’i mba yam ndrat zla d’a dinga mi. A mba hal ahle suma a nde tazi woi ir sumina ata suma djok vuna ki labiyad’a. Suma ngat buzuna a mba we gat tuo d’a, suma nglona a mba fe d’al ma de d’uo mi.

Amos 8:11

Salad’a Ma didina mi dala: Burâ nga mi mba, kur bur máma an mba ni sunï baktarad’a kur ambasa, meid’a mba d’i tchi suma, wani ni yam tena d’i. Vunazi mba mi so, wani ni yam mbina d’uo mi. Wani mei d’a mba d’i tchi sumid’a ki vun ma so ma mba le sumina ná hum zla d’a ndavunan an Ma didinid’a.

Mise 3:6

Kayam ndata, yina mba mi rumî kagiya, va mba mi nde tam mbei iragi d’i! Yina mba mi mbut nduvunda kagiya, a mba fe sama djop filei adigagi d’uo d’a. Afata mba d’i nik yam suma djok vun ndazina, faleid’a mba d’i mbut nduvunda kaziya.

Mise 3:7

Suma wahle suma a nga mbana a mba mbut zulona, suma djop fileina a mba mang ngeyo, a mba tin abozi avunaziya, kayamba Alona mi hulongôzi nga humba d’uo d’a.

Hebre-na 2:4

Ata yi máma, Alona tamba mi le glangâsâ zlapa ki sed’ezi kahle suma simata kahle suma atchapma kahle suma ndandalâ teteng, yam he d’a hawad’a hi Muzuk mam ma bei tchod’a ba na d’a mi b’rawat mi suma yam min mambid’a.

Suma ka sariyad’a 6:17

Zedeyon mi hulong dum ala: Le ang wan hohowonu ni, ang tagan vama tak mala ni ang ba, nga dan zlad’a na.

1 Samuel 3:1

Kid’a Samuel ni gogora tua d’a, nga mi le sunda mi Ma didina avok Eli. Kur atchogoi ndata nad’enga heî tala Ma didina mi de zlad’a ki sana d’oze mi nde tam mbei ir sana d’a.