Sawal la giled’a 73:23 - Bible azumeina

²³ Hina pet pî, an nga zlapa ki ang teteu; ang van kabong ma ndjufâ.

Sawal la giled’a 73:23 ပူးပေါင်းရင်းမြစ်များ

Ad’u Tinda 17:1

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

Sawal la giled’a 139:18

Le an ndumud’u ni, ti nablaud’a kal lesâ. Ata yima an zlit akulona, an nga zlapa ki ang tua.

Sawal la giled’a 16:8

An nga ni gol Ma didina avoron teteu. Ata yima mi nga tchola yam bigan nda ndjufina, an nga ni giget ti.

Sawal la giled’a 23:4

Wani le an nga ni tit kur hor ra nduvun nda i’îlika pî, an nga ni le mandara va tu d’i, kayam me ang nga zlapa ki sed’enu. Ang nga polon ki totogo manga ki dungûru mangâ, ni azi ba, a nga b’lengên hurunu.

Sawal la giled’a 37:17

Kayam ad’enga hi suma asa’atnid’a mba d’i dap peyo, wani Ma didina mba mi ndjun suma d’ingêrâ.

Sawal la giled’a 37:24

Le mi puk kä pî, nga mi ba kä d’i, kayam Ma didina nga mi vum abom akulo.

Sawal la giled’a 63:8

Kayam angî ma ndjununa, an nga ni le furîd’a ata yi ma an nga ngeid’a ad’u gigingângâ.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Isai 41:13

Kayam an ni Ma didina Alo magi ma ni vagi abogi ma ndjufâ akulona, an nga ni dagiya: Agi lagi mandar ri! An nga ni mba á ndjunugiya.

Isai 42:1

Ma didina mi dala: Wana nazong man ma an nga ni ndjunuma, ni ma an manam ma tan ndi lan djivid’a heî kama. An hum Muzuk mana á tak sariya d’a gagazid’a woi mandjaf suma mi.

Matiye 1:23

Gola! Gor weid’a mba d’i ve wirâ, mba d’i vut gorâ, a mba yum ala Emanuel. Nala, Alona mi nga ki sed’eya.

Matiye 28:20

Agi had’azi á ngom ahlena pet suma an hagi vuna kazina. Gola! An nga ki sed’egi teteu gak dabid’a hi duniyad’id’a mi.

Hebre-na 13:5

Ar d’od’oka hi beged’id’a kal kagi d’i. Ar agi kagagi tchugot ki vama nga abogina, kayam Alona mi dala: An mba ni arang vang ngi, an mba ni arang ngei d’uo mi.