Sawal la giled’a 72:18 - Bible azumeina

¹⁸ Ar ei suburi Ma didina Alo meina, Alona hi Israel ma tu ma ndak á lahle suma atchapmina!

Sawal la giled’a 72:18 ပူးပေါင်းရင်းမြစ်များ

1 Sunda Hamuleinid’a 29:10

David mi subur Ma didina avok ablaud’a pet ala: Ma didina Alona habumi ngolo Jakob-ma, ang ndak á giled’a kur atchogoi d’a kala ki d’a tchetchemba gak didin.

1 Sunda Hamuleinid’a 29:20

Ata yi máma David mi de mablaud’a kua ala: Ki tchetchemba, agi lagi mersi mAlo magina! Ablau d’a peta a le mersi mi Ma didina Alona habuyozi ngolona, a hud’o kä, a grif kä andaga avok Ma didina, avok amulâ David mi.

Wana ni mbaktumba hi Job-pa 5:9

Mam mi sama mi lahle suma nglo suma sana mi ndak á vazi ad’uzi woi d’uo na, ni sama lahle suma atchap suma sana mi ndak á ndumuzi d’uo na mi.

Wana ni mbaktumba hi Job-pa 9:10

Mi lahle suma nglo suma sana mi ndak á wazi ad’uzi d’uo na, ki suma yoyou suma a ndak á ndumba d’uo na mi.

Sawal la giled’a 106:48

Ar ei suburi Ma didina, Alona hi Israel-lâ ma nga adjeu dei gak didina. Ar suma pet a dala: Amin! Agi gilegi Ma didina!

Sawal la giled’a 136:4

Mam tu ni sama lahle suma nglo suma ndandalîna, kayam o mamba nga d’i dap pi.

Sawal la giled’a 41:13

Wani ang djigin akulo ni yam d’ingêr manda, ang nga ngomon kä avorong teteu.

Sawal la giled’a 68:35

Agi dagi woi yam ad’enga hAlonid’a. Ngol mamba nga yam Israel-lâ, ad’eng mamba nga akulo hur d’ugula mi.

Sawal la giled’a 77:14

Alo mana, sun mang nga led’a ni vat zenen, nalo ma lara ba, mi ngola d’igi ang na ge?

Sawal la giled’a 77:15

Angî Alo ma lahle suma atchapmina, ang tak sib’ik manga woi aduk andjaf suma dingâ mi.

Sawal la giled’a 86:10

Angî Ma ngol ma kal papana, ang le sun nda atchapa, ang tu nAlona.

Sawal la giled’a 98:1

Wana ni sawal la giled’a. Agi gilegi Ma didina ki sawal la awilid’a, kayam mi lahle suma ndandalâ. Mi sut suma ni ki bigam mba ndjufa, ni kabom ma bei le tchod’a ba na mi.

Buzuk ka Abud’a 15:11

Ma didina, ni nge ba, aduk alo ma tetengâ d’igi ang na ge? Ni nge ba, ma kal papa ma yed’et ma kal tegles ma ndak á hud’a ma lahle suma ndandalâ d’igi ang na na ni nge ge?